ABRIMOS A BIBLIOTECA!!!!

Bos días!!!

Estou moi contenta porque hoxe traigo unha nova estupenda: ABRIMOS A BIBLIOTECA!!!! Durante estes días mantivémola pechada porque había que reorganizala tendo en conta as novas normas que estamos adoptando no cole debido ao coronavirus... Xa rematamos o protocolo e queremos presentárvolo aquí para que o coñezades moi ben e respectedes todas as decisións que se tomaron:

 

Ademais, repartín nas vosas aulas unhas actividades para que poidades comprobar que o sabedes todo!!! Podedes repasalas tamén desde o blog. Premendo AQUÍ atoparedes as seleccionadas para Educación Infantil e 1º e 2º de Primaria.

Para o alumnado de 3º a 6º atoparédelas premendo AQUÍ.

Isto é todo por hoxe. Non sabedes que alegría me dá saber que ides visitar de novo a biblioteca!!!! Que ganiñas de que os libros comecen a voar de novo...

Unha aperta enorme e, xa sabedes, espérovos na biblioteca a partir da semana que vén!!!!

 

DESPEDIDA DOS NENOS E NENAS DE 6º

Bos días!!!!

Non imaxinades a alegría que levei esta fin de semana, cando recibín un fermoso e orixinal vídeo dos nenos e nenas de 6º. Xa que non poden despedirse como adoitamos facelo, cun festival de fin de curso, tiveron unha idea estupendísima: montar un vídeo no que repasan as súas etapas polo cole, desde Infantil a 6º de Primaria!!! Emocioneime moitísimo recordando como eran estes rapaciños e rapaciñas cando chegaron ao cole, e agora vervos xa feitos uns mozos e mozas a punto de comezar unha nova etapa. 

No cole tamén vos prepararon un vídeo que resume a través de fotografías estes anos no Víctor Sáenz, con mensaxes de varios mestres e mestras, aínda que esta tampouco era a despedida vos querían facer, pero a covid-19 cambiou os plans de todo o mundo en pouco tempo e non quedou máis remedio que adaptarse...

Aquí vos deixo o que fixeron as e os artistas de 6º, a quenes queremos dar as moitísimas grazas:

E o seguinte é o que montou a profe Marina, un pouquiño máis longo. Algunhas persoas xa puideron velo esta mañá no cole, pero para as que non tiveron ocasión, e para as que queiran velo de novo, aquí o tedes:

Unha aperta enorme,

GUÍA DE LECTURA PARA O VERÁN

Ola, familias!!!!

Hai xa tempo que non vos escribo, porque esta situación tívome un pouco fóra de combate... Estes días toca despedir un curso moi diferente ao que estamos acostumadas, pero antes de escribirvos para desexarvos unhas felices vacacións prepareivos unha guía de lectura con algunhas ideas para este verán. Xa que non é aconsellable imprimila para entregárvola, pensei que era boa idea cambiar de formato, así que a fixen en formato vídeo... Aquí vola deixo:

Unha aperta enorme!!!

MÚSICA CONFINADA

"Música confinada I"

Bo día!!!

Aquí vos presento os vídeos cos resultados da proposta de música que fixemos a semana pasada: "MÚSICA CONFINADA I". Están enlazados no blog de música, pero como sei que adoitades visitar con máis frecuencia o da nosa biblioteca, anúnciovolo aquí para que non os perdades... 

Espero que vos gusten tanto como a min!!!! Premede sobre a imaxe para acceder aos mesmos.

Unha aperta enorme, artistas!!!!

LETRAS GALEGAS 2020

Ola, familias!!!!

Preme na imaxe para acceder a toda a recompilación.

Espero que estedes moi ben e que estedes pasando un bo mes de maio. Se o curso fora como estaba previsto, durante estes días estariamos preparando unha das celebracións que máis nos gustan no cole: os Maios e as Letras Galegas. Infelizmente non vai poder ser, pero tamén desde as nosas casas podemos ter en conta estas dúas festas tan relacionadas coa nosa cultura. 

Por ese motivo, prepareivos unha páxina con recursos do autor homenaxeado no 2020: RICARDO CARVALHO CALERO. Durante este mes ireivos poñendo máis enlaces para que poidades coñecer un pouco máis a este escritor e a súa obra: vídeos, actividades para imprimir, lecturas, actividades para facer en liña, etc. Premede na imaxe para acceder a toda a información.

Unha aperta enorme!!!

O PAPAGAIO DE MAIO É DIXITAL

A revista "O Papagaio" acaba de sacar o número 8, e chega en formato dixital para facilitar a súa difusión, xa que polo de agora non será posible lela na nosa biblioteca...

Desde o Consorcio Editorial tamén nos envían "unha mensaxe de ánimo e forza" para esta fase da desescalada, así que desde aquí queremos darlles as grazas!!!

E a todas vós, aquí tedes a revista, que ademais adica a páxina 5 ás aves!!!! Non volo podedes perder!!! Premede na imaxe:

O Papagaio nº 8

DESPOIS DE 6 SEMANAS...

Pasaron xa 6 semanas desde que se decretou o estado de alarma debido ao coronavirus, e aínda que nós temos a grande sorte de vivir nun lugar onde o ritmo vai máis unido á natureza que nunha cidade, o certo é que tamén tiñamos moitas ganas de movernos un pouquiño máis alá da finca que rodea a casa, do lugar no que se atopa a horta, do espazo que ocupan as cortes, etc. Así que pensamos que era unha boa idea deixar constancia deste primeiro paseo, e para iso invitámosvos a facer unha fotografía no lugar que vós elixirades, para montar coas vosas achegas un vídeo que quedou así de estupendo:

Premendo sobre a imaxe podedes ver o vídeo no que aparecedes todas as persoas que quixestes.

A seguir desfrutando de ratiños coma estes, tan necesarios!!!!

Apertas para todas as familias,

BAILAMOS UN POUQUIÑO?

Premede aquí para acceder á canle do grupo Pesdelán.

Hoxe celébrase o "Día Mundial da Danza", e no cole sempre preparamos algunha para celebrar o "Día das Letras Galegas", a festa dos Maios, ou para bailar no festival de fin de curso, entre outras moitas... Neste curso, sen embargo, non imos ter ocasión de adicarlle todas as horas que nos gustaría, pero quería convidarvos á proposta que fixeron no "Salón do Libro de Pontevedra". Tamén alí se viron afectados polo coronavirus, tendo que cancelar moitas das súas actividades. Outras, en cambio, mudaron de formato. A de hoxe está dentro deste segundo grupo, así que se queredes estades a tempo de participar nela: o grupo de música PESDELÁN convídanos a participar do seu concerto a través da súa canle de Youtube!!! Comezará ás 12 da mañá e seguro que é unha boa maneira de pasar un rato moi agradable, así que animádevos!!!! 

Se entrades na canle do Salón do Libro de Pontevedra poderedes ver os vídeos que foron subindo durante estes días, algúns dos cales son estupendos: "Fiestras ao mundo",  "Merendas divertidas: caghalletas", e moitos máis!!!

CONSELLOS PARA SAÍR Á RÚA

Estou tan emocionada coma vós porque mañá poderedes pasar un ratiño ao aire libre!!! Si, xa sei que afortunadamente vós vivides nun entorno que vos permitiu respirar durante estes días de confinamento dunha maneira moi diferente á das persoas que viven nun piso ou nunha vila ou cidade. Aínda así, sei que non fostes moi lonxe, pero a partir de mañá poderedes movervos un pouco máis, así que me parece moi interesante compartir convosco as seguintes lecturas, para que fagamos as cousas o mellor posible e non corramos ningún risco. Parécevos ben?

O primeiro que quero é que leades unha historia curtiña sobre o oso Goloso e a súa familia. Os osos, que son animais que hibernan durante varios meses, poden entendernos perfectamente e darnos consellos moi interesantes. Premede sobre a imaxe para ler este conto que a psicóloga valenciá Carmen Esteban publicou o 23 de abril:

O oso Goloso cóntanos consellos moi interesantes.

Por outra banda, quería tamén achegarvos a todas as familias algúns dos carteis que recibín e que podedes imprimir ou escribir vós mesmas para ter en conta á hora de saír mañá por primeira vez despois de máis de 40 días!!!

MOI IMPORTANTE TAMÉN É SABER QUE DEBEMOS FACER AO REGRESAR DO PASEO:

Se premedes AQUÍ tamén podedes ver unha entrevista na TVG a un pediatra facendo algunhas recomendacións. 

Espero que desfrutedes moitísimo dese ratiño a 1 quilómetro das vosas casiñas, e que gardedes ese momento na vosa memoria e incluso o fotografedes para compartilo!!! Ademais, ao regreso do paseo podedes escribir que supuxo para vós ese contacto co exterior despois de todos estes días. Unha aperta enorme!!!!!

CELEBRAMOS O DÍA DO LIBRO

Que alegría recibir as vosas imaxes e textos para participar na actividade do Día Mundial do Libro!!! A verdade é que seguro que todas nos lembramos dos apadriñamentos e amadriñamentos lectores, pero é bonito ver que as lecturas seguen formando parte das nosas rutinas, e que non hai virus que poida deter unha das nosas afeccións preferidas!!! Tal vez estemos desexando que poidan abrir as bibliotecas e as librarías para solicitar e/ou mercar novos libros, pero mentras iso non acontece podemos reler esas historias que tanto nos marcaron. Por iso, nesta ocasión propúxenvos elixir un libro que gardarades no voso corazón por algunha razón, e xuntei as vosas achegas para compartir hoxe con todas vós; espero que vos guste moito!!! E, de novo, darvos as grazas por participar!!!

MENSAXE DE ÁNIMO CONTRA O CORONAVIRUS

Que bonito quedou este vídeo realizado con fotos nas que aparecedes todas as persoas que vos animastes a participar, amosando os vosos arcos da vella e esas estupendas mensaxes para que non decaiga o ánimo nestes días tan diferentes!!! Estou segura de que vos fará sorrir a todas!!!!

Premendo aquí podedes ver o vídeo completo.   

DÍA MUNDIAL DO LIBRO

Un chasco acompaña o cartel deste ano.

O próximo 23 de abril celébrase o Día Mundial do Libro e do Dereito de Autor, e neste 2020 o cartel semella estar inspirado no noso proxecto sobre as aves. É unha mágoa que non poidamos celebralo no cole, organizando os apadriñamentos e amadriñamentos lectores que tanto nos gustan, enchendo cada un dos recunchos do centro de lecturas de todo tipo. 

Pero tamén é certo que non quero que o grande acaparador de todas as noticias actuais, o coronavirus, nos impida celebrar unha das nosas datas preferidas. Así que quero facervos unha proposta para que participedes todas e lle amosemos a este e a calquera outro virus que a lectura segue a ser imprescindible nas nosas vidas!!! 

Cóntovos en que consistirá. O texto que acompaña o cartel desta edición está escrito por Manuel Gago, e podedes lelo completo premendo sobre a imaxe da dereita. Nel destaco a seguinte afirmación: 

"Cada libro que lemos queda gardado no noso peito como semente, paxaro ou xabarín".

Non me digades que non está pensado para nós!!! Pois trataríase xustamente diso: elixir un libro que teñades gardado no voso peito, no voso corazón. Xunto ao título e o autor do libro que elixades, escribiredes tamén cal é o motivo polo que ocupa ese privilexiado lugar. Ademais, podedes acompañar o texto cunha fotografía na que saiades vós e o libro. E xa que se trata dunha celebración que facemos nun momento tan especial, será aínda máis inesquecible se participades toda a familia!!! Así que espero as vosas respostas ata o vindeiro xoves, 23 de abril. 

Resumindo:

1-Elixir un libro que vos chegara ao corazón, dicindo o título e quen o escribiu.

2-Contar brevemente por que o elixides.

3-Facer unha foto co libro (opcional).
4-Enviar ao correo da biblioteca do cole (bibliotecavictorsaenz@gmail.com) ou por Tokapp ata o 23 de abril.

Animádevos a participar, FAMILIAS!!!!

JOAQUÍN CASTAÑO ENVÍANOS UN AGASALLO

Joaquín Castaño é un mestre de ioga e mindfulness que coñecemos desde hai varios cursos, durante os que comezamos a introducir na actividade diaria do cole diversas prácticas que nos amosan a súa efectividade. Ao longo dos últimos cursos, a práctica dunha respiración conxunta no comedor escolar antes de xantar converteuse xa nunha rutina máis, pero tamén nas aulas organizamos actividades para que as nenas e nenos do cole coñezan estratexias para concentrarse e prestar atención naquelas cousas que desexamos, así como para aprender a relaxarse cando a situación o require...

Hoxe Joaquín enviounos un vídeo que é todo un agasallo, e que podemos ver en familia nestes días nos que non temos cole. Premede AQUÍ para comezar... 

JOAQUÍN, MOITÍSIMAS GRAZAS!!!

Tamén compartimos un vídeo para as nais e os pais do noso alumnado, con consellos do psicólogo José Antonio Luengo para levar da mellor maneira posible a época que estamos vivindo. Premede AQUÍ para velo.

APERTAS PARA TODAS!!!!

SOLUCIÓNS ÁS ADIVIÑAS DE CARLOS (VÍDEO 9 DA SERIE "FICAMOS NA CASA")

Ola, familias!!!

Como vos foi co vídeo de Carlos? Conseguistes solucionar cada unha das adiviñas que nos deixou o luns? Seguro que si!!!! Para que comprobedes as vosas respostas, PREMEDE AQUÍ. Pero non fagades trampa e non pidades papas ata que agotedes todas as posibilidades... 

Xa me contaredes como vos foi!!!!

Aperta grande,

ANÍMATE A FACER IOGA

A pasada fin de semana Xavier, o director do cole, enviouvos algunha información moi interesante que tamén me gustaría puiderades consultar a través do noso blog.

En primeiro lugar, convida a todas as nais e pais do noso alumnado para ver un vídeo no que reflexionemos sobre esta época de confinamento, que tamén pretende ser un vídeo de esperanza para o futuro que nos espera. Podedes velo aquí:

Despois disto, Xavier facilitounos algúns enlaces para as persoas que queiran comezar a practicar ioga. Aquí tedes o primeiro:

O seguinte enlace está dirixido ás nenas e nenos de menor idade:

As nenas e nenos maiores poden animarse a facer esta sesión de ioga:

Por último, PREMEDE AQUÍ para ver algunhas das diferentes posturas de ioga e TAMÉN AQUÍ.

E, ao igual ca Xavier, eu tamén me despido enviándovos moitos ánimos e abrazos para todas!!!

VÍDEO 10 - "FICAMOS NA CASA"

Bos días, xentiña!!!!

Hoxe temos aquí o último vídeo desta serie que iniciamos desde a semana pasada. Nesta ocasión tocoulle a quenda a Susi, quen nos invita a memorizar un poema sobre un paxariño para que nos entreteñamos un ratiño. Premede AQUÍ para velo.

Moitas grazas, Susi!!!!

VÍDEO 9 - "FICAMOS NA CASA"

Bos días, familias!!!!

Comezamos a semana coa proposta do profe Carlos, que nos quere poñer a proba todas as neuronas do noso cerebro!!!! Eu aínda non fun capaz de dar resposta a todas as adiviñas que nos propón, pero estou segura de que vós farédolo con moita máis rapidez ca min. Premede AQUÍ para ver o vídeo!!!

Carlos, moitísimas grazas!!!

VÍDEO 8 - "FICAMOS NA CASA"

Bo día, familias!!!!

Hoxe acompáñanos a profe Uxía, que gravou para todas nós un vídeo contándonos un contiño que estou segura vos gustará moito!!! Só tedes que premer AQUÍ para que comece a primeira sesión de contacontos desta xornada... E digo primeira porque seguramente no que queda de día aínda vos animaredes a ler moito máis!!!!

Uxía, moitísimas grazas!!!

MENSAXE DE ÁNGEL CARRACEDO

Que alegría recibir unha mensaxe de ánimo do noso querido Ángel Carracedo!!!! O padriño da nosa biblioteca gravou unhas palabras para enviar a través das redes sociais, na que nos anima a todas as persoas a facer o que nos aconsellan as autoridades sanitarias para superar a situación na que nos atopamos, da que seguro sairemos adiante!!!!

Se premedes AQUÍ podedes escoitalo, e premendo AQUÍ tedes a noticia completa do xornal online "NH Diario".

Ángel, moitas grazas polas túas palabras... Tamén desde o noso cole, aínda que estamos cadaquén nas nosas casas, enviámosche unha enorme aperta!!!

VÍDEO 7 - "FICAMOS NA CASA"

Good morning!!!

Hoxe saúdovos en inglés porque o vídeo que temos para esta xornada é o de Marina, a nosa teacher... Marina proponnos viaxar ata... Wyoming. Imos alá!!!

Thank you very much, Marina!!!