martes, 21 de maio de 2013

CELEBRACIÓN DO DÍA DAS LETRAS GALEGAS

    Entre as actividades que desenvolvemos para celebrar o Día das Letras Galegas neste 2013, ademais de traballar nas aulas a vida e obra de Roberto Vidal Bolaño, destacaron a visita de dous regueifeiros e o II Concurso de Ilustración e Narración LETRAS GALEGAS 2013.














O mércores 15 de maio visitaron o noso centro Luís Caruncho e Pinto D'Herbón, dous recuperadores e divulgadores da REGUEIFA. Este antigo xénero popular, que ten a súa orixe no molete de pan co que antigamente se agasallaba nas vodas, caracterízase pola retranca e o sentido do humor. Caruncho e Pinto déronnos un pequeno concerto improvisando estrofas sobre as persoas que asistimos ao acto, que fixeron rir a nenos e mestres durante toda a sesión. Só me librei eu, Rosiña, das súas bromas... Na segunda metade do concerto organizaron un pequeno obradoiro de creación da regueifa, e xurdiron unhas cantas estrofas moi boas. O certo é que no cole hai poetas auténticos: Adrián, de 3º, e Uxía, de 4º, destacaron pola súa capacidade para facer poemas de xeito improvisado. Pero tamén algúns dos mestres e o noso director Xavier, que se atreveu incluso a despedir aos nosos invitados cunharegueifa de agradecemento. Uns auténticos artistas!!!
 


     En canto ao Concurso de Ilustración e Narración, invitamos a todo o alumnado a realizar unha ilustración sobre o autor homenaxeado ou a súa obra. Nesta ocasión, e tendo en conta que se trataba dun escritor de teatro, animamos aos nenos e nenas do cole a escribir pequenas obras teatrais empregando a linguaxe propia deste xénero literario.
O alumnado de Infantil creou ilustracións inspiradas en dous personaxes da obra de Roberto Vidal Bolaño Touporroutou da lúa e do sol: o anano e o tatexo.
En Primaria os temas foron diversos: a natureza, aventuras e viaxes a lugares de culturas diferentes, historias de personaxes fantásticos, a ecoloxía, etc.
Entre todos eles, seleccionouse un gañador para cada un dos diferentes ciclos.
Dende a Biblioteca e o Equipo de Dinamización da Lingua Galega queremos agradecer a axuda das nais e pais que colaboran no comedor escolar.

Aquí tedes o resultado dos traballos gañadores e da recollida de premios, que tiveron lugar o xoves 16 de maio:

Premio Ilustración en Educación Infantil: 
ALBA LAGO GARCÍA
Premio Narración no 1º ciclo de Educación Primaria:
MIRIAM MOURO DUARTE 
Premio Narración no 2º ciclo de Educación Primaria: 
NURIA ESPERANTE MANEIRO
Premio Narración no 3º ciclo de Educación Primaria: 
PAULA GERMIL CALO

Aquí tedes as fotos das gañadoras:

venres, 17 de maio de 2013

NO DÍA DAS LETRAS: cantamos EN GALEGO


"Meu o mundo é": Así se titula este tema de Paco Nogueiras Nodar compuxo para lembrar que hai outros 364 días onde as letras son protagonistas... e os números, as formas, as cores... etc. En GALEGO todo podes facer en GALEGO noso o mundo é !!!!

domingo, 12 de maio de 2013

ROBERTO VIDAL BOLAÑO: Letras Galegas 2013

Cada 17 de maio Galicia honra as súas Letras e a súa Lingua
Este ano o autor homenaxeado o Día das Letras Galegas é o dramaturgo ROBERTO VIDAL BOLAÑO.
A biblioteca quixo acercar a figura de Vidal Bolaño a todos vós, recompilando todos aqueles recursos que foi atopando pola rede, moitos deles elaborados por centros educativos galegos. Pinchade na imaxe para acceder a eles.


venres, 10 de maio de 2013

ESTAMOS EN FOLGA

A Comunidade Educativa do C.E.I.P. VÍCTOR SÁENZ únese hoxe a FOLGA:



Queremos deixarvos aquí un artículo escrito por un dos nosos escritores favoritos: GONZALO MOURE Escribiuno no seu blogue co motivo de outra folga en educación: a do 29 de marzo do 2012 e que hoxe queremos compartir con todos vos..

Estoy en huelga.

Porque los colegios en los que debería trabajar hoy, colegios públicos, son maravillosos. Para todos, con el fruto de mi trabajo, pero sobre todo con el trabajo de los maestros. Porque las bibliotecas son luminosas y alegres, porque están repletas de libros y de invitaciones al gozo de la lectura.
Estoy en huelga para que no dejen de ser así, para que no se retroceda, porque son el fruto de un siglo de luchas, algunas duras y ruidosas, otras calladas y discretas, día a día, mueble a mueble, libro a libro.
Estoy en huelga porque en la escuela pública en la que hoy no trabajo se cree en el niño por sí mismo, y no por lo que vaya a ser mañana: por lo que es hoy, porque aprender no es “útil”, sino gozoso.
Dentro de unas semanas tendré que trabajar lo que hoy no trabajo: en esos colegios no dejarán de contar conmigo para seguir luchando por una escuela mejor, por unos niños mejores. No me importa, y trabajaría tres días por no haber trabajado hoy.
Estoy en huelga porque los que recortan no se recortan, porque en algunos colegios no hay dinero para más libros, ni se cubren las bajas, ni se contrata nada nuevo, porque en algunos colegios no hay dinero para calefacción, porque alguien quiere arrasar el jardín.
Estoy en huelga porque creo en el trabajo, y también que no trabajar un día puede servir para seguir trabajando bien, o mejor.
Estoy en huelga porque la escuela es el futuro, pero sobre todo porque es el presente.
Estoy en huelga porque los recortes en la enseñanza y la cultura son la muestra del gran recorte que se ha programado sistemáticamente contra todos los avances sociales conseguidos a lo largo de un siglo y medio.
Estoy en huelga contra los que sienten rabia porque la escuela pública es muchas veces mejor que la escuela privada, porque quieren una escuela pública de segunda para los hijos de los inmigrantes y los parados que ellos mismos se encargan despedir a bajo precio.
Y respeto profundamente a los que no están de acuerdo conmigo, y pienso que a lo mejor tienen razón.
Pero no a los que recortan las alas de nuestros niños. A esos, no los puedo respetar. Ni los voy a convencer.

Gonzalo Moure

mércores, 8 de maio de 2013

CHARLA DE DESIRÉ KOUAKOU TANOH

      O mércores 8 de maio visitou o noso centro DESIRÉ KOUAKOU TANOH coñecido cariñosamente como "o cura negro de Mazaricos".
      Desiré, que naceu en Costa de Marfil, veu a falarnos un pouco sobre o seu pobo natal e sobre a ONG ENGUEIRE (Asociación de Cooperación Exterior Egueire) da que é presidente e da que algúns pais e nais do noso centro son membros.
      A labor desta ONG céntrase principalmente en axudar ao seu pobo a que "poida camiñar por si mesmo". O seu proxecto pretende construir unha casa en GRAND LAHOU para convertila nun centro educativo.
 






Desiré leva case 7 anos en Mazaricos e encárgase dos feligreses de Brandomil, Brandoñas, Muíño, Os Vaos e Alborés, nos concellos de Zas e Mazaricos. 
Esta visita está enmarcada dentro do noso Proxecto Integrado "Onde os libros nos leven" 


Charla de DESIRÉ KOUAKOU TANOH no CEIP VÍCTOR SÁENZ from bibliotecavictorsaenz on Vimeo.

Aquí tedes as fotos tamén !!!



luns, 6 de maio de 2013

Hoxe visitounos IGNACIO VILARIÑO

Hoxe, luns 6 de maio, recibimos a visita de IGNACIO VILARIÑO, escritor, actor, contacontos, guionista....na nosa biblioteca. Ignacio, autor de un dos libros cos que traballamos o curso pasado no tema dos bosques: Fábula Galénica e que lle pedimos que nos firmara aproveitando a súa visita, veu a facer algo que él fai moi ben: veu a contarnos os seus contos e fíxonos pasar un momento xenial. Aquí tedes as fotos da súa visita.


Grazas Ignacio, por esta tarde tan estupenda que nos fixeches pasar!!

venres, 3 de maio de 2013

DÍA DA NAI

O próximo domingo celebraremos un día moi especial: O DÍA DA NAI. 
Todos estamos estes días buscando o regalo máis especial para a persoa máis importante das nosas vidas.
Dende a nosa biblioteca queremos contribuír ás celebracións dun día tan cheo de amor e ledicia e queremos facelo recollendo nunha Guía de Lectura, todos aqueles libros da nosa literatura, a Literatura Infantil e Xuvenil, que están adicados a esa persoa que nos dá a vida que o dá todo por nós.
Por elas e con todo o noso cariño: Feliz día, mamás!!



Como levamos todo o curso traballando nun Proxecto Integrado que xira arredor do tema da multiculturalidade titulado "Onde os libros te leven", queremos recuperar un vídeo que xa elaboramos no 2010 que nos ven como anel ao dedo para celebrar o día da nai dende o punto de vista dunha maternidad multicultural. A elas llo dedicamos!!



E xa por último!! E porque somos uns namorados da arte, algo para deleitar os nosos ollos! Canta beleza!