martes, 31 de marzo de 2020

SOLUCIÓNS ÁS ADIVIÑAS DE CARLOS (VÍDEO 9 DA SERIE "FICAMOS NA CASA")

Ola, familias!!!
Como vos foi co vídeo de Carlos? Conseguistes solucionar cada unha das adiviñas que nos deixou o luns? Seguro que si!!!! Para que comprobedes as vosas respostas, PREMEDE AQUÍ. Pero non fagades trampa e non pidades papas ata que agotedes todas as posibilidades... 
Xa me contaredes como vos foi!!!!

Aperta grande,

ANÍMATE A FACER IOGA

A pasada fin de semana Xavier, o director do cole, enviouvos algunha información moi interesante que tamén me gustaría puiderades consultar a través do noso blog.
En primeiro lugar, convida a todas as nais e pais do noso alumnado para ver un vídeo no que reflexionemos sobre esta época de confinamento, que tamén pretende ser un vídeo de esperanza para o futuro que nos espera. Podedes velo aquí:


Despois disto, Xavier facilitounos algúns enlaces para as persoas que queiran comezar a practicar ioga. Aquí tedes o primeiro:


O seguinte enlace está dirixido ás nenas e nenos de menor idade:



As nenas e nenos maiores poden animarse a facer esta sesión de ioga:



Por último, PREMEDE AQUÍ para ver algunhas das diferentes posturas de ioga e TAMÉN AQUÍ.

E, ao igual ca Xavier, eu tamén me despido enviándovos moitos ánimos e abrazos para todas!!!




VÍDEO 10 - "FICAMOS NA CASA"

Bos días, xentiña!!!!
Hoxe temos aquí o último vídeo desta serie que iniciamos desde a semana pasada. Nesta ocasión tocoulle a quenda a Susi, quen nos invita a memorizar un poema sobre un paxariño para que nos entreteñamos un ratiño. Premede AQUÍ para velo.

Moitas grazas, Susi!!!!

luns, 30 de marzo de 2020

VÍDEO 9 - "FICAMOS NA CASA"

Bos días, familias!!!!
Comezamos a semana coa proposta do profe Carlos, que nos quere poñer a proba todas as neuronas do noso cerebro!!!! Eu aínda non fun capaz de dar resposta a todas as adiviñas que nos propón, pero estou segura de que vós farédolo con moita máis rapidez ca min. Premede AQUÍ para ver o vídeo!!!

Carlos, moitísimas grazas!!!

venres, 27 de marzo de 2020

VÍDEO 8 - "FICAMOS NA CASA"

Bo día, familias!!!!
Hoxe acompáñanos a profe Uxía, que gravou para todas nós un vídeo contándonos un contiño que estou segura vos gustará moito!!! Só tedes que premer AQUÍ para que comece a primeira sesión de contacontos desta xornada... E digo primeira porque seguramente no que queda de día aínda vos animaredes a ler moito máis!!!!

Uxía, moitísimas grazas!!!


xoves, 26 de marzo de 2020

MENSAXE DE ÁNGEL CARRACEDO

Que alegría recibir unha mensaxe de ánimo do noso querido Ángel Carracedo!!!! O padriño da nosa biblioteca gravou unhas palabras para enviar a través das redes sociais, na que nos anima a todas as persoas a facer o que nos aconsellan as autoridades sanitarias para superar a situación na que nos atopamos, da que seguro sairemos adiante!!!!

Se premedes AQUÍ podedes escoitalo, e premendo AQUÍ tedes a noticia completa do xornal online "NH Diario".

Ángel, moitas grazas polas túas palabras... Tamén desde o noso cole, aínda que estamos cadaquén nas nosas casas, enviámosche unha enorme aperta!!!

VÍDEO 7 - "FICAMOS NA CASA"

Good morning!!!
Hoxe saúdovos en inglés porque o vídeo que temos para esta xornada é o de Marina, a nosa teacher... Marina proponnos viaxar ata... Wyoming. Imos alá!!!


Thank you very much, Marina!!!

mércores, 25 de marzo de 2020

VÍDEO 6 - "FICAMOS NA CASA"

Bos días!!!
Hoxe temos con nós ao profe David, que nos quere poñer en forma tamén nestes días de confinamento!!! Lembrade que é moi importante non esquecer facer exercicio físico, xa que ao pasar máis tempo nas nosas casas, corremos o risco de que se oxiden as nosas articulacións, así que... ACCIÓN!!!! Premede AQUÍ para acceder á clase de Educación física, e practicade todos os días!

Moitas grazas, David!!!

martes, 24 de marzo de 2020

VÍDEO 5 - "FICAMOS NA CASA"

Bos días, familias!!!
Continuamos a semana cun fantástico vídeo da profe Patricia, quen nos leva a un lugar verdadeiramente marabilloso, xusto nestes días que tanto ansiamos saír das nosas casas. Podémolo facer con Patri, así que non esperedes máis e premede AQUÍ!!!

Moitísimas grazas, Patri!!!

luns, 23 de marzo de 2020

VÍDEO 4 - "FICAMOS NA CASA"

Ola!!!!
Comezamos a semana cun contiño que elixiu a profe Puri para todas: "¡Atrapemos al monstruo!" Unha sorte desfrutar destes 7 minutiños tan estupendos!!! Só tedes que premer AQUÍ!!!

Puri, moitísimas grazas!!!

OPCIÓNS TELEVISIVAS PARA APRENDER DESDE A CASA

Bos días, familias!!!
Unha vez anunciado que o período de confinamento será ampliado en 15 días máis, algunhas canles de televisión comezan a facer unha programación especial dirixida ás nenas e nenos que durante esta temporada non poderán asistir aos centros educativos.

A Televisión de Galicia 2 ofrece, entre as 11 e as 13 horas, capítulos de "Era unha vez..." e vídeos educativos sobre a evolución da Terra ("Xeoclip"). Deste xeito, a TVG suma unha nova opción educativa ao xa coñecido "Xabarín Club"

Por outra parte, o Ministerio de Educación e Radio Televisión Española lanzan "Aprendemos en casa", dirixido a estudantes de entre 6 e 16 anos e que se emite en aberto dende hoxe, na franxa matinal de Clan TV e La 2 de TVE.

Horario de clases que emiten Clan TV e La 2 de TVE.

venres, 20 de marzo de 2020

VÍDEO 3 - "FICAMOS NA CASA"

FAMILIAS, QUE TAL ESTADES?
Chega hoxe o terceiro vídeo, cunha proposta moi interesante e ademais relacionada coas aves. Moitas delas seguirán coa súa vida, alleas a toda esta situación que estamos vivindo, pero seguramente tamén se estarán preguntando os motivos polos que as cidades, vilas e pobos están tan silenciosos, ou por que tantas persoas andan a observalas desde as ventás...
Este terceiro vídeo envíanolo Alba, a profe de 3º e 4º, que nos anima a preparar un xogo no que podemos aprender o nome das aves e coñecer as súas características físicas. Premede AQUÍ para comezar!!!

Moitas grazas, Alba!!!

xoves, 19 de marzo de 2020

VÍDEO 2 - "FICAMOS NA CASA"

BO DÍA, FAMILIAS!!!!
O vídeo de hoxe chega da man de Sonia, a mestra de 1º e 2º, que nos fai unha entretida proposta relacionada coa plástica, algo que lle gusta moito e no que é unha auténtica experta. Seguro que nas vosas casas vos animades a repartir mensaxes tan positivas como as que nos propón Sonia!!!! Premede AQUÍ para comezar...

Sonia, moitísimas grazas!!!!

E, por certo, PARABÉNS a todas as persoas que celebren hoxe o seu santo, así como a todos os papás!!!

mércores, 18 de marzo de 2020

VÍDEO 1 - "FICAMOS NA CASA"

OLA, FAMILIAS!!!
Como xa sabedes, nos vindeiros días recibiredes diferentes vídeos dos mestres e mestras do cole, facéndovos algunha proposta para levar o mellor posible estes días que teremos que pasar máis tempo do desexado dentro das nosas casiñas.
O primeiro deles envíanolo Xavi, que coas súas palabras nos anima moitísimo a afrontar esta extraña situación. Podedes ver o vídeo premendo a AQUÍ.

Xavi, moitas grazas!!!!



martes, 17 de marzo de 2020

SOBRE O CORONAVIRUS

Ola, familias!!! Déixovos aquí un vídeo explicativo sobre o coronavirus, para que entendades un pouquiño mellor en que consiste:


E tamén outra canción, neste caso un rap creado pola Asociación de Pediatras de Atención Primaria de Andalucía: o "Rap de la tos y el codo", gravado nun colexio de Torremolinos (Málaga) coa finalidade de incentivar, servir de exemplo e amosarnos a importancia de lavar as mans:


luns, 16 de marzo de 2020

O CORONAVIRUS NON NOS FREA

Ola!!! Como estades? Esperamos que vos atopedes todas e todos nas vosas casiñas e que levedes o mellor posible estes días nos que temos bastante limitada a nosa liberdade de movemento!!!
Prepareivos unha páxina con varias ligazóns que vos poden axudar a que as horas do día pasen un pouquiño máis rápido. 

E quedádevos coa parte positiva de todo isto: 
-podedes compartir máis tempo coa familia;
-desfrutade dos espazos naturais que tedes arredor das vosas casas (nas cidades non teñen esa fortuna!!!);
-tedes máis tempo para "devorar" libros e máis libros, debuxar, pintar, escribir...

Ademais, agora que está a piques de comezar a primavera, observar as árbores tamén vos pode entreter un rato: como van medrando as follas, que árbores son... Por outro lado, sodes uns paxareiros e paxareiras estupendos, así que fixádevos moito nos paxariños que vos acompañen estes días, aínda que sexa a través das ventás... Ata podedes escribir un diario naturista!!!

Se queredes aproveitade para visitar a páxina creada para o proxecto das aves premendo aquí.

Se precisades desconectar un pouco, ou necesitades resolver algún problemiña familiar tamén podedes practicar mindfulness premendo aquí.

E mil cousas máis que poden ser interesantes: aproveitar todo o que tedes no blog (fotos, programas de radio, etc.), as cousas que vos propoñan nas vosas casas (axudar a facer a comida, a limpeza, a alimentar os animais...), etc. Pero non pasedes todo o día pegados á televisión, que xa sabemos que non é nada bo. Establecer un horario para cada cousa é tamén un bo consello!!!

Esta é a páxina que preparei para estes días. Para acceder a ela premede AQUÍ ou sobre a imaxe.

"O coronavirus non nos frea"

Podedes escribir comentarios (estarei pendente de lelos e, se fora necesario, de respondelos). 

Unha aperta enorme e moito ánimo, que se todas colaboramos superaremos esta situación!!!

venres, 13 de marzo de 2020

CANCIÓN SOBRE O CORONAVIRUS

Hoxe é o primeiro día do curso no que o cole amosa unha actividade moi distinta á habitual, xa que faltades as verdadeiras protagonistas deste espazo: as nenas e os nenos. 
Debido á situación respecto do coronavirus, a partir do luns, 16 de marzo, suspéndense as clases nos centros de toda Galicia, pero desde hoxe recomendávase non asistir aos coles, e así sucedeu esta mañá na nosa escola. 
Eu quero enviarvos dende aquí un saúdo, e animarvos a levar estes días da mellor maneira posible. Que vos parece se empezamos cunha canción? Jorge Drexler é un cantautor de Uruguay, que durante estes días tivo que suspender algún dos seus concertos en directo, e decidiu facer un a través de Internet, ademais de compoñer un tema no que explica as cousas que están sucedendo sobre este virus que é o protagonista da actualidade. Para que non se vos escape nada do que di, escríbovos tamén a letra:
"CODO CON CODO"

Ya volverán los abrazos,
los besos dados con calma,
si te encuentras un amigo
salúdalo con el alma.


Sonríe, tírale un beso,
desde lejos sé cercano,
no se toca el corazón
solamente con la mano.

La paranoia y el miedo
no son, ni serán el modo,
de esta saldremos juntos
poniendo codo con codo.


Mira a la gente a los ojos,

demuéstrale que te importa,
mantén a distancias largas
tu amor de distancias cortas.


Si puedes, no te preocupes,
con ocuparte ya alcanza,
y dejar que sea el amor
el que incline la balanza.

La paranoia y el miedo
no son, ni serán el modo,
de esta saldremos juntos
poniendo codo con codo.




xoves, 12 de marzo de 2020

INFORMACIÓN SOBRE O CORONAVIRUS (COVID-19)

A Dirección Xeral de Saúde Pública da Consellería de Sanidade achega información relativa ao coronavirus (COVID-19), que resulta de interese para os centros educativos, polo que tamén a publicamos no blog da biblioteca, co obxectivo de que chegue a máis persoas e tratemos todas de actuar coa máxima responsabilidade posible.
Premendo AQUÍ podedes acceder á publicación na páxina web da Xunta de Galicia.

luns, 9 de marzo de 2020

CELEBRAMOS O DÍA DA MULLER

Esta semana iniciámola celebrando o "Día da Muller", e para iso convidamos ás nais do noso alumnado a falar sobre os seus traballos ao longo da xornada. Aquí está o resumo fotográfico das interesantes charlas que nos ofreceron estas mamás valentes, xenerosas e únicas!!!! Tamén aproveitaremos a información que recollemos para publicar diversos programas en "Radio Rosiña", dos que vos avisaremos no seu momento. Mentras tanto, premendo sobre cada imaxe podedes ver as fotos das charlas de Francis, Raquel, Lorena, Verónica, Nansi e Eva, ademais das nosas cociñeiras Lourdes e Mariví, que foron "asaltadas" ao comezo da xornada sen previo aviso. Moitísimas grazas a todas!!! Foi moi fermoso escoitarvos e compartir con todas vós o día de hoxe, e estou segura de que ese exemplo de esforzo e constancia se transmitirá ás futuras xeracións, tanto nas nenas coma nos nenos!!! BRAVÍSIMAS!!!

Francis, a mamá de Candela e Martina, falounos do seu traballo no laboratorio.
Ademais, todas elas responderon ás preguntas das persoas que as escoitaron: por que se adicaron a iso, que é o que máis e o que menos lles gusta do seu traballo, desde cando traballan, que tiveron que estudar, etc.
Esperamos que elas marcharan tan contentas coma nós despois de escoitalas... 
Apertas para todas!!!


1º E 2º FALAN DE DISFRACES EN "RADIO ROSIÑA"

Pingüíns emperador na Antártida.
Ao igual que fixeron os grupos de 3º, 4º, 5º e 6º, tamén en 1º e 2º visitaron "Radio Rosiña" para emitir un programa especial falando dos disfraces que elixiron para o desfile de Entroido deste curso: pingüíns!!! Sobre estas aves tan interesantes podedes aprender moitas cousas se escoitades o seguinte podcast:


NORABOA A TODAS E TODOS!!!

venres, 6 de marzo de 2020

DÍA INTERNACIONAL DA MULLER

O próximo luns, 9 de marzo, celebramos o "Día Internacional da Muller" no cole, e entre as actividades organizadas está unha que nos fai especial ilusión: a presenza das nais do noso alumnado, que virán contarnos en que consisten os seus traballos. Estamos desexando recibilas para escoitalas e preguntarlles as cuestións que nos xurdan, pero, sobre todo, o que nos enche de alegría é que queiran compartir connosco un ratiño de conversas coas nenas e nenos do cole, amosando compromiso, valentía, xenerosidade, e moitas outras cousas que agradecemos enormemente!!!! 


mércores, 4 de marzo de 2020

3º E 4º FALAN DE DISFRACES EN "RADIO ROSIÑA"

Un cisne mudo na Ría do Burgo (A Coruña).
Así como fixeron en 5º e 6º, tamén os grupos de 3º e 4º visitaron "Radio Rosiña" para emitir un programa sobre os seus disfraces do pasado Entroido. As nenas e nenos de 3º e 4º elixiron o cisne para esta ocasión tan especial, e no programa "Os disfraces de Rosiña" cóntannos moitísimas cousas interesantes sobre esta espectacular ave. Para que non volo perdades, aquí vos deixo o seu podcast, no que participaron todas e todos: Ismael, Íker, Ángel, Soraya, Guille, Brais, Sara, Aroa, Paula, Martina, Xoel e Mai, ademais da profe Alba, quen lles axudou na búsqueda da información e na gravación deste programa. NORABOA polo voso traballo!!!!!




luns, 2 de marzo de 2020

5º E 6º FALAN DE DISFRACES EN "RADIO ROSIÑA"

Parella (femia e macho) de lavancos reais.
Rematado o Entroido, en "Radio Rosiña" comezamos a gravar os programas nos que explicamos os motivos polos que eliximos o disfraz que luciu cada un dos grupos do cole. En 5º e 6º facíalles especial ilusión o dos patos, partindo do coñecidísimo conto "O patiño feo". Pero a partir de aí, ademais de recortar e pegar un montón de plumas no seu disfraz, descubriron outras moitas cousas sobre estas coñecidas aves, que quixeron contarnos neste programa adicado ao Entroido: "Os disfraces de Rosiña". Aquí vos deixo o podcast, no que participaron todas as nenas e nenos de 5º e 6º: Joel (presentador), Paula Barcia, Nerea, Alejandro, Brais, Miguel, Samuel, Ramiro, Alba, Andrea, Paula López (nos micrófonos), Jorge Lema e Jorge Otero (nos micrófonos e no control técnico). NORABOA!!!