Hoxe escríbovos para comunicarvos que xa comezamos a emitir dende a nosa radio: "Radio Rosiña". Estamos moi contentas de que os podcasts inicien a súa viaxe ata os vosos fogares, as vosas familias, a outras persoas da contorna e mesmo fóra dela, porque o bo das ondas radiofónicas é que poden chegar a un montón de lugares...
O primeiro deles é a historia que gravaron na aula de 5 anos de Educación Infantil, para a cal crearon tamén unha canción que cantaron no comedor o día da entrega de premios. Escoitade este conto tan orixinal:
O segundo podcast pertence a Luzdivina, quen gañou o premio na aula de 3º e 4º de Primaria. Queredes escoitala?
E aquí tedes o que redactaron conxuntamente en 1º e 2º, e que podedes escoitar no seguinte enlace:
Xa
está chegando o Samaín!!! Ademais,
este curso celebrarémolo uns días antes, xa que o día propio, que é o 31,
coincide cun domingo, polo que a primeira festa do curso terá lugar o venres,
29 de outubro. Como sei que vos gusta moitísimo, xa comezamos cos preparativos
no cole, así que cóntovos algúns deles!
O primeiro,
como moitas de vós saberedes, é a creación dunha historia de medo para o “XII Concurso de Relatos de Medo”. Seguro
que o proxecto deste curso vos inspira narracións cheas de misterio arredor dos
elementos que atopamos no universo: planetas, astros, galaxias, satélites,
obxectos non identificados… Pero como estou segura de que as vosas ideas son
moito mellores que as que poida aportarvos eu, non quero influír na vosa imaxinación,
polo que queda aberto o campo da ficción para que o redactedes como mellor
queirades.
O
que si vos vou lembrar son as bases,
que seguirán como en anos anteriores:
-Estarán
escritos en galego.
-Entregaranse rotulados unha vez
corrixidos.
-Terase en conta a presentación:
valorarase moito a curiosidade.
-Pódense realizar ilustracións que
acompañen o texto, así conseguiredes que a vosa historia sexa máis atractiva!!!
Lembrade rotulalas e pintalas...
-Facédelle unha portada onde se poida ler
o título da historia, o voso nome e, se queredes, unha ilustración.
-Se estades en Educación Infantil ou en 1º
e 2º de Primaria, podedes escribir unha historia colectiva entre todas as
persoas do grupo.
-Para os que estades nos cursos de 3º a
6º, os traballos serán individuais.
-Os traballos meteranse no meu buzón, á
entrada da Biblioteca, pero comunicádello antes á vosa mestra ou mestre, para
metelos todos xuntiños!!!!
-O prazo
de entrega remata o vindeiro MÉRCORES, 27
de outubro.
-Os
premios entregaranse o día 29, cando
celebraremos a festa no cole. Haberá un premio para Infantil, outro para 1º e
2º, un máis para 3º e 4º e outro para 5º e 6º.
AGARDO AS VOSAS HISTORIAS!!!
A outra noticia que quero comentarvos e que haberá Concurso de Cabazas!!! Premendo na imaxe podedes ler toda a información!!!
Quero compartir con vós os relatos que presentastes ao concurso desta edición 2020-21. Os que recibiron premio están publicados na entrada sobre a celebración do Samaín, e aquí van o resto deles.
Todos estaban moi ben, así que me gustaría que puiderades ler esas historias que redactaron as nenas e nenos dos diferentes grupos, para que comprobedes por vós mesmas que no Víctor Sáenz poden xurdir algúns e algunhas escritoras!!!!
O venres, 30 de outubro, celebramos o Samaín no cole. É certo que foi moi diferente aos que adoitabamos facer, pero aínda así mereceu a pena adicar unha xornada a unha das festas que máis nos gustan.
Durante a mañá, nas diferentes aulas léronse, contáronse e/ou proxectáronse historias relacionadas co medo, realizamos un obradoiro de música e preparamos petiscos terroríficos que degustamos antes do recreo. Tamén se fixeron actividades de plástica, que ao igual que as anteriores, desenvolvéronse nas aulas de cada grupo, mantendo así os agrupamentos estables de convivencia...
Ao mediodía, antes de xantar, entregáronse os premios ás cabazas máis votadas por todo o alumnado, e tamén aos relatos de medo que presentastes á décima edición deste concurso. En canto ás cabazas, alegreime moito ao comprobar que a participación foi moi alta, e adicastes parte do voso tempo coa familia para decorar unha que fotografastes e enviastes para o concurso. Moitísimas grazas!!! De todas elas, as que máis votos recibiron foron, en primeiro lugar, a de Alicia Alvite Ramos (3º de Primaria), en segundo a de Sofía Mourelle San Martín (Educación Infantil-4 anos) e o terceiro foi para a de Sara Labandeira Gerpe (5º de Primaria). Así de contentas recolleron os seus premios:
Alicia recolleu o 1º premio no Concurso de Cabazas.
A cabaza de Sofía gañou o 2º premio.
Sara recibiu tamén moitos votos e gañou o 3º premio.
Houbo tamén unha "Mención de honra" para a cabaza presentada por Daniel Ínsua Moldes (1º de Primaria). Ao ser unha das máis votadas tamén tería que estar entre as premiadas, pero como sabedes intentamos que cada ano leven premio persoas diferentes, pero cando o éxito é tan grande, consideramos que era xusto telo en conta, polo que se lle fixo entrega dun diploma e un agasallo. Dani non puido acompañarnos nesta xornada, pero a súa titora recolleu o premio que lle entregará en canto regrese!!!
A profe Sonia recolleu o premio de Dani.
A continuación, entregáronse os premios aos relatos. En Infantil presentaron un conto en cada aula, polo que obtiveron dous diplomas e dous agasallos: un para Educación Infantil de 3 e 4 anos, e outro para Educación Infantil de 4 e 5 anos. Premendo sobre a imaxe podedes descubrir as súas terroríficas historias!
En canto a Educación Primaria, outorgáronse catro premios:
Na aula de 1º e 2º, Olalla Suárez Grille.
En 3º e 4º, Íker Freire Cambeiro.
En 5º e 6º, o premio foi para Brais Carreira Antelo.
Tamén se concedeu un "Premio Especial" a Alejandro Villar Negreira, quen presentou unha historia creada por el na aula de P.T.
Estas historias está previsto gravalas en "Radio Rosiña" para compartilas con todas as persoas que nos sigan a través das ondas, así que estade moi atentas!!!! Mentras tanto, podedes lelas premendo AQUÍ.
Para ver as fotos que fixemos durante a xornada, só tedes que premer AQUÍ.
No seguinte vídeo podedes ver as cabazas presentadas a concurso e as súas creadoras:
As nenas e nenos de 1º e 2º de Primaria estaban moi ilusionadas e ilusionados en gravar os relatos que escribiron para o concurso literario do Samaín. Por ese motivo, acudiron ao estudio de Radio Rosiña e puxéronse mans á obra...
Aquí podedes escoitalos todos, ademais do que xa gravou Pablo na entrada adicada aos relatos premiados. Comprobaredes que todos estaban moi ben, e que son merecedores de saír nas nosas ondas e de que se escoiten en todos os recunchos aos que chega a nosa radio.
Comezamos co de Ainhoa:
O seguinte é o de Alejandro:
Seguimos co de Alicia:
Aquí podedes escoitar o de Anxo:
O de Laura aparece no seguinte enlace:
Lucía gravouno así de ben:
O de Luzdivina é o seguinte:
Aquí podedes escoitar o de Olalla:
A continuación temos o de Paulina:
E, por último, o de Uxía:
NORABOA, RAPACIÑOS E RAPACIÑAS!!!
Espero que vos gusten tanto como a min e que sigades atentos ás novidades de Radio Rosiña!!!!
Xa están nas ondas os relatos premiados no "X Concurso de Relatos de Medo", que foron entregados na pasada celebración do Samaín. Seguro que tedes moitísimas ganas de escoitalos, así que non me vou estender nas presentacións...
Aquí podedes escoitar ao alumnado de 4 e 5 anos de Infantil, que gravou o seu conto "A bruxa comenenos e o dragón aterrador":
O seguinte é o de Pablo Arosa Antelo (2º curso), que o titulou "A bruxa":
A continuación tedes o de Ángel Grille Calvelo (3º curso), que o titulou "O moucho, a bruxa e as tres curuxas":
E por último, o de Jorge Lema Zamora (6º curso), que deixou no meu buzón a historia "O misterio das andoriñas meixa":
Seguro que vos gustaron tanto como a min!!!! Lembrade que podedes descargalos e gardalos para escoitar sempre que queirades!!!
A última xornada desta terrorífica semana pasámolo xenial!!!! Comezamos a mañá cantando a canción do moucho, que acompañamos con xestos, e que nos emociona moito cando a música comeza co seu accelerando! Despois falamos desta ave (como é, onde vive, a que grupo de aves pertence, de que se alimenta...), para rematar decorando un moucho enorme que formará parte das ilustracións deste curso cheo de plumas.
A seguinte actividade foi gastronómica: elaborar os petiscos terroríficos para merendar no recreo. Moitos deles estaban relacionados tamén coas aves, por iso neste menú había niños feitos con pan, ovos convertidos en pitiños, pavos reais, gusanos e arañas, que son insectos dos que se alimentan moitas das aves que coñecemos, etc. Quedaron xenial, pasámolo moi ben facéndoos e papámolos todos!!!!
Despois do recreo chegou o momento de realizar o obradoiro de maquillaxe e caretas, onde descubrimos que algunhas e algúns de vós faino coma auténticas/os profesionais.
O xantar, tamén terrorífico, foi tamén o momento elixido para facer entrega dos premios do "X Concurso de Relatos de Medo" e do "Concurso de Cabazas".
E pola tarde celebramos unha "Hora de Ler" moi especial, convidándovos a apadriñar e amadriñar ás nenas e nenos de Infantil e 1º e 2º de Primaria. Moitas de vós elixistes historias de medo, pero tamén houbo persoas que quixeron outros contos, e o certo é que calquera boa lectura é estupenda para celebrar e compartir.
Como estou segura de que teredes moitísimas ganas de ver as fotos, non me entreteño máis. Premendo sobre elas poderedes ver as correspondentes a cada obradoiro.E para ler os textos gañadores, premede AQUÍ.Pronto poderedes escoitalos tamén en "Radio Rosiña". Estade moi atentas/os!!!
Unha aperta enorme!!!! Vémonos o próximo 4 de novembro!!!
Falta pouco para celebrar a primeira festa do curso, así que aquí vos deixo a cartiña que esta mañá enviei a todas as clases, na que se convoca o "X Concurso de Relatos de Medo" do Samaín. Imaxino que serán moitas as historias que deixaredes no meu buzón, pero por se alguén está dubidando en participar, nada diso!!!! Todas as persoas sodes capaces de contar algunha historia, estou segura, así que deixade voar a vosa imaxinación e adiante con eses relatos!!!
Xa temos aquí as gravacións dos contos gañadores do "Concurso de Relatos de Medo" do Samaín.
Hai que ver o ben que o facedes en Radio Rosiña. Estou sorprendidísima do ben que ledes historias de medo!!! Noraboa a todas as persoas que participastes nesta gravación, e xa sabedes que o micrófono da nosa Radio está aberto para sempre que queirades, porque seguro tedes moito que contar.
Imos alá co grupo de Infantil, que gravou "A casa encantada", o relato que gañou o premio e que escribiron entre todas:
Podemos escoitar tamén a Anxo Carreira, gañador do Premio Especial do xurado, pola súa historia "O home do saco":
En 1º e 2º levou o premio "O científico malvado", escrito por Soraya:
En 3º e 4º gañou o relato de Paula López, titulado "O científico creador de monstros":
En 5º e 6º, baixo o título "Vivirás?" recibiu o premio Mª José, que ademais deixou esta marabillosa lectura para Radio Rosiña:
E, por último, podedes escoitar tamén aos nenos e nenas de 1º e 2º, que quixeron gravar deste xeito tan fenomenal os relatos que presentaron ao Concurso. Por orde de aparición, escoitaredes a Alicia, Guille, Íker, Lucía, Luzdivina, Pablo e Uxía. Tamén elas e eles son merecedores dun premio, a que si?
Seguro que estes días de Samaín tedes un ratiño para ler todas as historias non premiadas que chegaron ao meu buzón para participar no Concurso de Relatos de Medo, así que preparei esta montaxe con todas elas. Están agrupadas por cursos (as presentadas en 1º e 2º; as de 3º e 4º e as de 5º e 6º). Ao mellor vós dariádeslle o premio a outras, así que lédeas e contádeme cal vos deu máis medo!!!
Que ben o pasamos nesta semana de Samaín!!!! Foron tan só 3 días, pero cheos de emoción e moita orixinalidade... Sorprendéronnos as cabazas presentadas ao Concurso, no que tivestes moi en conta o tema do proxecto, polo que no corredor do cole puidemos ver varios Einstein, algún Newton, científicos imaxinarios, robots..., e mesmo laboratorios equipados ao completo ou circuítos que sorprenderían a calquera persoa adicada ao mundo da ciencia!!! NORABOA A TODAS AS PERSOAS que participaron nesta nova edición do Concurso de Cabazas!!!
Por outro lado, tamén o Concurso de Relatos de Medo recolleu no buzón de Rosiña historias moi terroríficas, onde os seus protagonistas eran científicos/as, os sucesos transcurrían en laboratorios pouco comúns, etc. Tremín de medo na biblioteca con todas elas, así que PARABÉNS a todas as persoas que se esforzaron por facerme pasar con esas lecturas uns ratos tan entretidos!!!
A aula de Educación Infantil presentou "A casa encantada" e recibiu o premio con esta alegría.
Aquí vos deixo o seu relato:
Soraya gañou o premio dos relatos presentados en 1º e 2º.
Aquí está a súa historia:
Paula recibiu o premio dos relatos presentados en 3º e 4º.
Podedes lelo completo aquí:
Mª José recibiu o premio en 5º e 6º.
Aquí podedes ler a súa historia:
Anxo estaba contentísimo co premio especial ao seu relato.
Podedes lelo aquí:
O resto das imaxes da entrega de premios atoparédelas premendo AQUÍ.
Antes da entrega de premios adicouse o día a esta primeira gran festa do curso, polo que organizamos varios obradoiros no comedor do cole, no que participastes todo o alumnado e o profesorado. Comezamos entrando en calor bailando dúas cancións sobre o medo ("Medomedá") e as caveiras ("Chumbalacachumba"); preparamos os petiscos terroríficos que zampamos durante o recreo; maquillámonos e montamos un títere terrorífico e vimos " Coco", unha das películas máis fermosas que trata o tema da morte e ademais nos amosa unha tradición mexicana onde a música e a relación dun meniño coa súa familia están moi presentes.
Para algunhas nenas e nenos foi o seu primeiro Samaín no cole.
Outras xa desfrutaron desta festa en varias ocasións.
Podedes ver todas as fotos do obradoiro de música premendo AQUÍ.
Xa está chegando o Samaín, e esta tarde deixei nas vosas aulas a cartiña convocando o Concurso de Cabazas e o de Relatos de Medo deste ano... Ai, non damos feito!!!! Entre preparar o Samaín, celebrar o Día da Biblioteca... Estamos que non paramos!!!! Pero a min encántame vervos a todas e todos con moitas ganas de aprender e de inventar!!! Por iso espero con moitas ganas esas historias que tan bos ratos me fan pasar, aínda que iso vaia unido a tremer durante toda a noite....
O certo é que a participación foi total, así que unha boa maneira de valorar o esforzo que fixestes neste concurso de relatos de medo é publicar no blogue todas as historias que deixastes no buzón. Tedes a continuación os enlaces para ler as historias de 1º e 2º; as de 5º e 6º e as da aula de PT. DESFRUTADE CON ELAS!!! Bueno, máis ben debería dicir PASADE MOITO MEDO CON ELAS!!!
