domingo, 27 de xaneiro de 2013

DÍA DA PAZ 2013

O mércores celebraremos o día da Paz no noso cole!
Estes días estamos traballando este tema nas aulas a partir da nosa páxina de recursos elaborada dende a biblioteca onde se poden atopar unha chea enlaces, bibliografías, vídeos, xogos, música,... Pincha na ilustracción para acceder:
 Dende o CEIP MESTRES GOLDAR de Vigo nos chega esta actividade LIM elaborada pola mestra Julia González para traballar esta celebración tan importante. Enviamoslle o noso agradecemento dende aquí e todo o noso cariño. Gracias Julia!



A biblioteca tamén preparou unha exposición de fondos relacionados con este tema para que poidades atopalos facilmente.

O alumnado de algunhas clases está vendo a película "Gandhi" que nos amosa a vida desde gran loitador hindú. A película é moi longa así que proxéctase un pouco todos os días e vaise intercalando con explicacións dos profesores. Os rapaces e rapazas de 4º están especialmente interesados na vida deste gran activista pois están realizando un traballo documental sobre a Cultura da India.



Desde a clase de música tamén  estamos preparando unha canción Apertas que voan de Paco Nogueiras Nodar, un músico galego que compuxo este tema pensando na celebración do próximo 30 de xaneiro: o día da PAZ. A ver se a cantamos ben forte para que todos/as se enteren de que as cousas que nos diferencian non deberían ser impedimento para facer amigos e para quererse. Entre todos conseguiremos que as nosas apertas cheguen aos cinco continentes!!! Que voen!!!



 Outra das iniciativas que estamos levando a cabo consiste en preparar unha gran pomba da paz entre todos os grupos do cole. Cada grupo encárgase de decorar unha parte da pomba como máis lle guste e de por enriba a palabra PAZ no idioma da cultura que están investigando na clase. Xa vos amosaremos o bonita que queda a nosa pomba cando esté rematada. A que xa estades dexesando vela?

O noso Proxecto Integrado xa ten web propia "Onde os libros te leven"

Ola a rapaces e rapazas!!

   A biblioteca quere informarvos de que o noso Proxecto Integrado "Onde os libros te leven" xa ten páxina propia onde iremos colgando todos os recursos que os vosos profes vaian atopando pola rede coa vosa axuda para elaborar os vosos proxectos documentais.
   Dentro de esa páxina, cada grupo poderá acceder á unha páxina propia e exclusiva para a cultura concreta que esteades traballando.
    Tedes que ter paciencia porque Rosiña está traballando todo o rápido que pode e anda un pouquiño estresada. Pouco a pouco iredes vendo colgados os enlaces que lle enviedes.
    Esta páxina estará accesible desde aquí (pinchando na imaxe) pero tamén poderedes tela accesible desde o lateral dereito se buscades a imaxe do cartel. Así atoparedela rapidamente.
 

venres, 25 de xaneiro de 2013

Visita de Haruna Takebe, concertista de piano xaponesa ao noso cole

Ola rapaces!!

Temos que anunciarvos outra boa nova!!

      O luns día 28 de xaneiro recibiremos no noso cole a visita de  HARUNA TAKEBE concertista de piano xaponesa.

    Unha das actividades programadas dende a Biblioteca dentro do PROXECTO INTEGRADO deste curso "Onde os libres te leven", consiste nunha serie de charlas de xente doutras culturas que teña a ben visitarnos ou de xente que teña traballado noutros paises e que poida vir falarnos da súa cultura o dos seus costumes. Xa tivemos connosco a Esperanza Calvo, corresponsal de Telecinco en China, fai uns días (pronto estaremos en disposición de colgar o vídeo da súa charla) e agora temos a sorte de contar coa presencia dunha importante concertista de piano procedente de Xapón: Haruna Takebe. Imos coñecela un pouquiño mellor!

     Haruna naceu nunha pequena illa do Xapón. A súa paixón pola música e polo piano levouna a graduarse en interpretación pianística pola Toho Gakuen de Tokio. En 1999 trasladouse a Europa para ampliar a súa formación: primeiro en Alemaña onde se graduou na Universidade das Artes de Berlín, despois en Francia na L'École Nacional de Musique de Patin e logo en Holanda para obter o Master's degree de solista, música de cámara así como, de acompañante de lied baixo a dirección do profesor Willem Brons no Conservatorium van Amsterdam. A súa actividade profesional como concertista inclúe a interpretación habitual de concertos para  piano e orquestra (coa Symfonie 
Orchester Berlin na Berlin-Philharmonie ou a Takamatsu Symphony Orchestra) así como colaboracións con membros da Orquestra Filharmónica Checa. 
    En novembro de 2004 gravou un disco para o selo STH. Dende 2007 combina a interpretación coa docencia incorporándose como catedrática de Piano na Elisabeth University of Music de Hiroshima onde permaneceu ata 2009, cando decidiu trasladarse a España para compartir a súa vida co compositor, pianista e exdirector do Conservatorio Profesional de Música, David Durán, natural da capital do Santa Comba.
      Haruna considérase unha enamorada de Schubert e Debussy, pero gustaríalle tamén traballar pezas de compositores xaponeses contemporáneos.
     Pese a estar afincada en Galicia, Haruna continúa ofrecendo concertos no seu país natal. Quizá sea o seu carácter aberto e a súa convivencia con distintas culturas tan diferentes á de ela a que a levaron a non sentirse estrana en terras galegas. "La gente aquí es muy simpática y muy hospitalaria. Nunca me he sentido extraña". A súa vida ideal: "Vivir mitad en Japón, mitad en Santiago". E para sentirse un pouco máis galega, Haruna Takebe decidiu iniciarse no idioma de Castelao.  

    Pero Haruna non ven ao noso cole a falarnos de música nin do seu traballo como pianista e concertista. Ven para falarnos do XAPÓN, da súa terra, dos seus costumes, da súa cultura... E nós estamos deseosos de escoitala, claro!! E algo máis adiante intentará facer un pequeno oco na súa apretada axenda para tocar para nós!! MENUDO LUXAZO ehhh?

Xa sabedes o luns 28 ás 10:30 na Aula de Audiovisuais. ESPERAMOSVOS!!

xoves, 24 de xaneiro de 2013

Fina Casalderrey: a Literatura Infantil e Xuvenil por fin na Real Academia Galega

Fina Casalderrey   A RAG (Real Academia Galega) acaba de elixir a Fina Casalderrey como nova académica numeraria
   Este nomeamento supón un recoñecemento a ela persoalmente, ás mulleres e a Literatura Infantil e Xuvenil. 
     Fina será a quinta muller que ocupe un cargo na Real Academia Galega. E ademais de muller Fina é unha mestra aínda que xa non esté na escola. E por iso debemos sentirnos aínda máis orgullosas/os dela.
    Gañou no ano 1996 co Premio Nacional de Literatura Infantil e Xuvenil coa obra "O misterio dos fillos de Lúa" e foi candidata ao premio Astrid Lindgren no 2009 e no 2011.
    Fina Casalderrey, tras coñecer a noticia, comentou que "esperaba que este nomeamento axude a borrar as etiquetas de prexuicio hacia a literatura infantil de xuvenil e que a potencie tanto na educación como na cultura". Adiantou ademais que "o seu discurso de entrada versará sobre a literatura infantil e xuvenil, cun guiño aos profesionais da ensinanza aos que debe tanto este xénero e á relación cos lectores".
     Todos no colexio coñecemos os libros de Fina e sentímonos representados por ela nunha institución tan importante como é a RAG.
     Desde aquí queremos celebrar esta importante noticia e enviarlle a nosa noraboa e todo o noso cariño e admiración!

martes, 8 de xaneiro de 2013

Visita de Esperanza Calvo, corresponsal de Tele 5 en China ao noso cole

Ola a todos e todas!!

Hoxe temos unha noticia moi importante que darvos!!

      O venres día 11 de xaneiro recibiremos no noso cole a visita de ESPERANZA CALVO corresponsal de Tele 5 en China.


      Esperanza naceu en Santa Comba e estudou Periodismo. A súa formación tivo lugar na Universidade de Santiago de Compostela, na Universidade de Salamanca e na Universidade Complutense de Madrid. Traballou para a CRTVG, Antena 3 e Tele 5. Actualmente traballa como corresponsal de Mediaset España en Pekín.
    Como este ano estamos traballando o tema das culturas do mundo dentro do noso PROXECTO INTEGRADO: "Onde os libros te leven" e aproveitando uns días que Esperanza veu a pasar a España  pedímoslle que viñera ao noso cole a falarnos de China, o país onde vive e traballa dende fai un tempo.
Podedes ver algúns dos seus reportaxes pinchando nestes enlaces:

Lembrade venres 11 ás 12:15 na aula de Audiovisuais!!

Esperanza estamos desexando coñecerte!

luns, 7 de xaneiro de 2013

PROXECTO INTEGRADO 2012-2013: "Onde os libros te leven"

Ola a todos e todas!!

   Dende a biblioteca este ano propúxose dedicar o noso Proxecto Integrado deste ano Interculturalidade. Queremos investigar as distintas culturas que coexisten no mundo para coñecelas un pouco mellor.
     O lema do noso Proxecto é "ONDE OS LIBROS TE LEVEN".
Este ano o noso cartel está inspirado nun traballo de mutantecreativo.com. A ver que vos parece!
  
Como non podemos abarcalas todas as culturas, cada grupo-clase escolleu unha cultura na que centrarse. Así:
  • En Infantil están investigando acerca da Cultura Americana
  • En 1º Ciclo están investigando acerca da Cultura Inuit
  • En 3º Curso, investigan sobre as Culturas de China e Xapón
  • En 4º Curso, investigan sobre a Cultura da India
  • En 5º Curso, investigan sobre a Cultura Africana, e máis en concreto sobre os bereberes.
  • En 6º Curso, investigan sobre a Cultura Rusa.
Pronto atoparedes aquí máis información sobre o noso proxecto integrado!!