domingo, 19 de decembro de 2010

RECOMENDACIÓNS PARA ESCRIBIR ESA CARTIÑA...

Estades xa pensando o que ides pedir na vosa cartiña ao Apalpador? Ou a Papá Noel? Ou aos Reis Magos??
Non esquezades pedir un libro vale?
Bo Nadal e boas lecturas.

Rosiña


domingo, 12 de decembro de 2010

RECURSOS PARA O NADAL

Dende a Coordinadora Galega de Equipos de Normalización e Dinamización Lingüística nos achegan un montón de recursos para traballar o Nadal aos que podedes acceder dende aquí:

Tamén dende o C.E.I.P.Milladoiro de Malpica nos achegan esta Compilación de Recursos para o Nadal ás que podedes acceder dende aquí:

E por último, os nosos compañeiros do C.E.I.P. Mestres Goldar de Vigo támen nos ofrecen as súas aportacións para o NADAL dende aquí:
A nosa Rosiña quere darlles as grazas dende aquí a todos eles polas súas aportacións e deséxalles un Bo Nadal.

xoves, 9 de decembro de 2010

E CO NADAL VOLVE O APALPADOR

Lembrádesvos do Apalpador???
Coñecímolo o ano pasado pero se non te lembras ou aínda non o coñeces, direivos que o Apalpador e un vello corpulento e bondadoso que viste sempre con roupas gastadas e remendadas e leva boina. Dedícase ao antigo oficio de facer carbón vexetal e frecuenta as zonas do Courel, os Ancares e o Cebreiro. A noite do 31 de decembro, baixa da súa solitaria cabana no cumio dun dos montes máis altos, cargado cun enorme saco cheo de castañas e visita todas as aldeas galegas. Mentres todos dormen, el entra nas casas para apalpar as barriguiñas dos nenos e nenas e comprobar se están ben alimentados e deixarlles unha boa presada de castañas para que non pasen fame.
Hoxe en día, como non atopa moitos ventres baleiros, acostuma a deixar tamén un pequeno xoguetiño de construcción artesanal cheo de agarimo.
Se queredes coñecer mellor ao Apalpador AQUÍ atoparás máis recursos.

Hai quen di que desaparecerá de Galicia se a xente non lle presta a atención que recibiu durante séculos e se Papá Noel segue roubándolle o seu traballo. E bo, polo tanto, que fales del e llo presentes a toda a xente que coñezas sobre todo aos máis cativos, para lograr que non nos abandone e siga visitándonos todos os anos.
Queres ler o Conto do Apalpador agora?

luns, 29 de novembro de 2010

UN POUQUIÑO DE ARTE

Ola rapaces !!!!
Atopei este vídeo navegando por internet que é unha verdadeira obra de arte. Trátase dun Morphing que recolle a evolución da figura da muller na pintura ao longo da historia.
O Morphing é un efecto dixital de transición entre dous planos mediante cal o primeiro deles transfórmase gradualmente no segundo, a unha velocidade que ven determinada por o número de fotogramas intermedios e mediante un sutil fundido encadeado.
O vídeo titúlase "500 anos de Retratos femininos no Arte Occidental" e trátase dun traballo do creador norteamericano Philip Scott Johnson nominado ao mellor vídeo creativo nos premios anuais que concede o portal Youtube. Comeza co "Arcángel" da Escola rusa de Nowgord datado na segunda metade do século XII e remata co "Retrato de Françoise" de Pablo Picasso que data de 1946. A peza musical que se escoita é a Sarabande da "Suite para cello No. 1 en G Maior" de Johann Sebastian Bach. A lista completa de cadros e autores podedes consultala aquí.
Disfrutádeo!!


E agora outro regaliño máis para que coñezades un pouco a algúns dos pintores máis recoñecidos do mundo. Pincha neste enlace e pídelle a túa profe que che fale deles.
Rosiña

xoves, 25 de novembro de 2010

DÍA INTERNACIONAL PARA A ELIMINACIÓN DA VIOLENCIA CONTRA AS MULLERES



Hoxe, 25 de novembro, conmemoramos o Día Internacional contra a Violencia de Xénero. Elixiuse esta data para lembrar a morte das irmás Mirabal (Patria, Minerva e María Teresa), activistas políticas dominicanas asesinadas o 25 de novembro de 1960 a mans da policía sec
reta do dictador Rafael Trujillo por denunciar a súa violencia hacia as mulleres.



Loitar para acabar coa violencia contra as mulleres é responsabilidade de todos. Comecemos por concienciar aos nosos pequenos.


E despois de reflexionar con este conto, podemos aprender un pouco de Cooeducación con esta Webquest sobre COOEDUCACIÓN dirixida aos alumnos de Infantil e 1º Ciclo:


O CEIP MESTRES GOLDAR de Vigo elaborou unha excelente recopilación de recursos para traballar a Cooducación e a Igualdade de Xénero. Consulta o seu traballo AQUÍ e visita o seu blogue O recanto de Mik.
Rosiña recoméndavos a lectura dun libro moi especial: Xela volveuse vampira escrito por unha autora moi especial: Fina Casalderrey que nesta ocasión atrévese a tratar o tema da violencia contra as mulleres. Vide a Biblio a pedilo!!!

martes, 23 de novembro de 2010

CARREIRA SAVE THE CHILDREN POR HAITI

Os nenos e nenas de Haití viviron unha catástrofe que a duras penas poderán esquecer e que provocou un cambio nas súas xa complicadas vidas, no seu futuro, nas súas oportunidades, recortando aínda máis os seus dereitos.
Haití era antes do terremoto un país moi pobre e os seus habitanes tiñan grandes dificultades para sobrevivir. A infancia de Haití carecía nunha alta porcentaxe de alimentación adecuada, atención sanitaria, acceso á educación e a vivenda digna. Os dereitos da Infancia estaban xa vulnerados e agora somos todos nós os que debemos traballar para que os nenos e nenas de Haití vexan respectados os seus dereitos e vivan nunha situación de igualdade.
Este ano a Carreira Solidaria SAVE THE CHILDREN está dedicada a recaudar fondos para axudarlles. O día 3 imos correr por os nenos de Haití. E tamén imos aprender unha canción. Chámase "Ay Haití". Tratase dunha canción que grabaron varios artistas españois e latinos co obxectivo de recaudar fondos para a reconstrucción de Haytí.
Aquí tendes a letra para ir apréndendoa:

luns, 22 de novembro de 2010

EL CAZO DE LORENZO

El cazo de Lorenzo o é un libro que fala das dificultades dun neno diferente, Lorenzo. Un neno que cada día carga cun cazo, o seu cazo. Esta circunstancia chama a atención dos demais. O cazo dificúltalle as súas tarefas cotiás. Pero a verdade é que todos cargamos cun cazo, más grande ou máis pequeno, que nos acompaña, nos limita e condiciona...Algunhas persoas son conscientes delo e aceptan esta diferenza, a fan súa para medrar máis e mellor e para comprender aos demais.
O libro está escrito por Isabelle Carrier e está recomendado por FEAPS (Federación Española de Organizaciones en favor de la Personas con Discapacidad Intelectual).
Pregunta por el na nosa biblio!!!

domingo, 21 de novembro de 2010

20 DE NOVEMBRO: DÍA DOS DEREITOS DOS NENOS


O 20 de novembro celebramos o DÍA DOS DEREITOS DOS NENOS.
Nós este ano decidimos aplazar esta celebración ata o día 3 de decembro, día en que tamén celebraremos de forma adiantada o DÍA DOS DEREITOS HUMANOS.

Unificamos estas celebracións nun só día e facémolas, dende hai uns anos, ca organización e participación na VII CARREIRA SOLIDARIA da ONG SAVE THE CHILDREN dedicada este ano aos nenos e nenas de Haití.

Ata chegar ao día 3 traballaremos nas aulas os Dereitos dos Nenos e os Dereitos Humanos.

A biblioteca organizou unha exposición de fondos sobre este tema e tamén elaborou unha recompilación de recursos que poñemos a vosa disposición. Pincha AQUÍ para acceder a ela.
Deixámosvos con esta bonita de animación, "Yo quiero", do maestro uruguayo Walter Tournier, na que lembramos cales son as reivindicacións da nosa infancia.



venres, 12 de novembro de 2010

RECOMENDÁMOSCHE...

Resulta que temos unha profe-amiga en Vigo que se chama Loly Rial, que tamén é escritora de contos para nenos e nenas e témolos todos na nosa biblio. Son moi divertidos porque a Loly encántalle facer rimas divertidas.Son pequenas "lambonadas" para os nosos golosos lectores!
Buscádeos na nosa biblio e a disfrute con eles!!!

Editado pola Editorial Ir Indo.
Este conto foi representado no ano 2007 pola Compañía de Teatro Cachirulo no Palacio da Ópera da Coruña no programa de Concertos en Familia que cada ano organiaza a Orquesta Sinfónica de Galicia.




tamén editado en Ir Indo






Editorial Ir Indo







Edito
rial Ir Indo

PRACTICA O TEU INGLÉS

Dende a biblioteca do C.E.I.P. A Magadalena das Pontes recoméndannos esta páxina de EducaMadrid na que podemos practicar o noso inglés lendo unha chea de contos neste idioma en formato flash.
Disfrutade deles!!!
Preme AQUI

domingo, 7 de novembro de 2010

TEMPO DE MAGOSTOS

Rematou o Samaín e agora adentrámonos no tempo dos Magostos: tempo de ir ao monte, buscar un souto e coller castañas; tempo de xuntarnos para asalas e comelas coa familia, cos amigos e cos veciños. Momentos especiais de charla e de carreiriñas para tisnarnos a cara uns aos outros cun cun puño de cinza.

E para celebralo pincha aquí para dunha recompilación de recursos para o Magosto.

sábado, 6 de novembro de 2010

O NOSO SAMAÍN EN IMAXES

Aquí tedes un resumo en imaxes de todas as actividades que se levaron a cabo no noso cole o día da celebración do SAMAÍN 2010. (29 de outubro).
  • Lecturas para tremer: Exposición de fondos da biblioteca.
  • Concurso-Exposición de cabazas
  • 1º Concurso de Historias de Medo (convocado pola Biblioteca)
  • Obradoiro de Música
  • Obradoiro de Decoración
  • Obradoiro de Modelado
  • Obradoiro de Papiroflexia
  • Entrega de Premios de cabazas gañadoras
  • Entrega de Premios de Historias de Medo
  • Tarde de cine:
  1. Infantil + 1º Curso: Tom y Jerry en "Noche de Brujas" e "Los murciélagos son lo que más me gusta"
  2. 2º Curso + 2º Ciclo: "El pequeño vampiro"
  3. 3º Ciclo: "Kika Superbruja "El libro de hechizos"

xoves, 4 de novembro de 2010

GAÑADORES DO 1º CONCURSO DE HISTORIAS DE MEDO


Por fin coñecemos aos gañadores do 1º Concurso de Historias de Medo Samaín 2010:

-En Educación Infantil gañou un conto colectivo elaborado por todo o alumnado deste etapa:



- En 1º Ciclo a cousa estivo tan reñida que Rosiña optou por premiar os dous contos presentados:
O de 1º Curso:


E o de 2ª Curso:



No 2º Ciclo o gañador foi Daniel Nieto Martínez de 4º curso



E finalmente, a gañadora de 3º ciclo foi Lucía Castiñeiras Ramos de 6º Curso.



NORABOA A TODOS POLOS VOSOS TRABALLOS!!!

domingo, 24 de outubro de 2010

1º CONCURSO DE HISTORIAS DE MEDO

A semana pasada, Rosiña convocou, mediante unha carta ás titorías, con motivo da celebración do Samaín, o 1º CONCURSO DE HISTORIAS DE MEDO. Entrega a túa historia no buzón de Rosiña antes do mércores 27. Hai un premio para o gañador de cada ciclo. Moita sorte!!!!


LECTURAS PARA TREMER

Aquí vos deixamos a nova Guia de lecturas para o Samaín 2010: LECTURAS PARA TREMER.
Escollede ben o medo que queredes pasar e disfrutadeo!!!!


venres, 15 de outubro de 2010

QUE BONITO CANDO NOS UNIMOS PARA CONSTRUIR ALGO XUNTOS!!!

Dende o Colexio de Infantil e Primaria Mª Rosa Alonso (Taraconte- Tenerife) nos chega este fermoso LipDub no que participou toda a súa comunidade educativa (con 350 alumnos).

A idea xurdiu coa intención de realizar unha actividade de Fin de Curso (coa dificultade engadida de organizar a tantos rapaces de entre 3 e 12 anos) pero acabou sendo todo un acontecimiento tanto para eles como para o mestre ao que un día se lle ocurriu a idea de facer realidade esta "preciosa locura"


Ata saíron na tele, nas noticias!!! Queredes escoitalos?


Que emocionante!!!

martes, 12 de outubro de 2010

RECURSOS PARA O SAMAÍN


Chegou o Outono, e con el, o tempo da vendimia, das castaña, das longas noites de choiva, vento e frío. Pero tamén é o tempo do SAMAÍN, un tempo de tradicións, e sobre todo, de medo, moito, moito medo.
Como xa queda pouco para que celebremos esta festa, tedes aquí todo tipo de recursos á vosa disposición para que os aproveitedes e os disfrutedes.
Pincha aquí. (Tamén tedes un enlace na barra de navegación da vosa dereita).

luns, 11 de outubro de 2010

OUTUBRO: MES DAS BIBLIOTECAS ESCOLARES


A Consellería de Educación difunde o Cartel "Biblioteca Escolar: un mundo de posibilidades" da ilustradora Marina Seoane co fin de lembrar as posibilidades da biblioteca escolar, e apoiar a visibilidade do traballo que o profesorado dos centros vén realizando para facer útiles estes importantes recursos educativos.
A biblioteca escolar, entendida como un espazo educativo pleno de oportunidades para a formación persoal e académica, pleno de posibilidades para a actuación docente; un lugar no que soñar e viaxar, un lugar presencial dende o que achegarse a mundos virtuais. Esa capacidade de estar presente no centro é a que facilita o achegamento de toda a comunidade educativa aos recursos, a que fai posible o encontro entre iguais pero tamén entre persoas distintas. Un lugar para o traballo, para o desenvolvemento desas competencias básicas indispensables para a vida persoal, académica e social. Un espazo, tamén, para a búsqueda e o achádego, para facerse preguntas e atopar respostas.

venres, 8 de outubro de 2010

MARIO VARGAS LLOSA: PREMIO NOBEL DE LITERATURA 2010

Mario Vargas Llosa, escritor e académico de orixe peruano e nacionalizado español en 1993, foi galardonado onte co Premio Nobel de Literatura 2010.
O autor de obras como "La fiesta del chivo" o " La ciudad y los perros" é o primeiro autor que recibe o galardón dende que, en 1990, o gañase o mexicano Octavio Paz. O premio seralle entregado o vindeiro 10 de decembro en Estocolmo.
Vargas Llosa recibiu tamén o Premio Principe de Asturias das Letras en 1986, o Premio Planeta en 1993 e o Premio Cervantes en 1994.
A Editorial Alfaguara Infantil acaba de publicar en España unh
a colección especial dedicada ao público infantil chamada "Mi primer", que ten como obxectivo acercar, aos máis pequenos, aos grandes nomes da lit
eratura. E precisamente, un dos primeiros títulos desta colección é "Fonchito y la Luna" de Mario Vargas Llosa.
O conto comeza así: "Fonchito se moría de ganas por besar las mejillas de Nereida, la niña más bonita de su clase. Nereida tenía unos ojos grandes y muy vivos, una naricilla respingada, unos cabellos negrísimos y una tez blanca como la nieve...".
Con Fonchito podes vivir a emoción do primeiro amor e seguir as aventuras do seu protagonista que demostra o que un é capaz de facer por un ser querido, aínda que a súa petición
sexa, nada máis e nada menos, que a Lúa.
Disfruta con Fonchito!!!

luns, 4 de outubro de 2010

AS MOCHILAS XA VOLVEN A ESTAR DE VIAXE

O venres 1 de outubro as nosas queridas MOCHILAS VIAXIERAS saíron de novo de viaxe por unha chea de lugares de 3 concellos diferentes aos que pertencen os nosos alumnos: Mazaricos (San Cosme de Antes, Alborés, As Maroñas e San Fins de Eirons), Santa Comba (A Pereira) e Zas (Brandomil e Brandoñas).
Rosiña encheunas de sorpresas para que os/as nosos/as nenos/as compartan coas súas familias preciosos momentos de encontro para ver, ler e comentar o seu contido.
Coidadeas moito e escribídelle a Rosiña nos Cadernos Viaxeiros a vosa opinión sobre todos os materiais que vos prestou.
QUE AS DISFRUTEDES MOITO!!!
(Aquí podes ver os inventarios de todas as mochilas. Pero lembra que ó inventario cambia en función do rapaz/a que a leve.)

domingo, 3 de outubro de 2010

VISITA DE AVELINO O TRASNIÑO DO CESTIÑO

O venres 1 de outubro recibimos no cole a visita de Avelino, o trasniño do cestiño. Avelino é un trasno sementacontos que viaxa en Paztinete (un patinete pacifista) e que ensina ás nenas e nenos a sementar contos solidarios que alimentan a paz. Trátase da 11ª edición da Aula Itinerante dos Contos Solidarios 2010, adicada este ano ás escolas de educación infantil. Un proxecto da Asociación Cultura Papaventos Educación Ambiental de Chantada (Lugo) e a ONG "Bicis pola Paz" consistente en sesións de contacontos adaptadas ás idades dos nenos pariticipatnes e interpretadas por mnicreques tecidos por cooperativas de mulleres de Bangladesh dentro das propostas do Comercio Xusto.
Se queredes saber máis sobre os Contos Solidarios pinchade aquí.

venres, 24 de setembro de 2010

CONSELLOS PARA LER CO TEU FILLO/A

No Recanto do Mik (Blog da biblioteca do CEIP Mestres Goldar) atopamos estes vídeos elaborados para o MIDEPLAN (Ministerio de Planificación y Cooperación de Chile) con contidos educativos dirixidos a nais, pais e adultos que están ao coidado de nenos e nenas dende os 9 meses ata os 4 anos, co propósito final de incentivar a lectura e a manipulación do libro desde os primeiros anos de vida, así como tamén poñer de relevancia a importancia das familias como activos participantes e estimuladores da lectura.



mércores, 15 de setembro de 2010

XA ESTAMOS AQUÍ DE NOVO

OLA RAPACES!!!
Que tal a volta ao cole??? Ben??? Tíñades ganas de volver ou estábase moi ben de vacacións?
Eu, Rosiña, levo todo o verán pensando en vos, botándovos de menos e argallando unha morea de sorpresas divertidas para vós.
Este ano TEMOS ALGO QUE CELEBRAR: o curso pasado traballamos todos tanto na biblio que a Consellería nos concedeu uns cartos para mercar más libros, pelis, música, revistas, ordenadores para que a nosa biblio sexa máis chula aínda.
(Papás e mamás, alegrámonos moito de poder comunicarvos que somos un dos 79 centros de toda Galicia seleccionados para formar parte do PLAN DE MELLORA DE BIBLIOTECAS ESCOLARES cunha cuantía de 5.300€ que debemos gastar durante este curso con moito sentidiño).
Ando moi ocupada estes días pensando a que tema imos dedicar a Campaña de Animación á Lectura este curso. Xa teño algúnhas ideas. Irei contándovolas pouco a pouco.
De momento, xa sabedes que dende o luns a nosa biblio xa está aberta para vós.
Vémonos alí???
Para Mª José, Alejandro, Paula e Manu, este é o voso primeiro ano no cole e para darvos a benvida, dedicámosvos este vídeo de Mafalda no seu primeiro día de cole:


venres, 9 de xullo de 2010

DIVERTÍMONOS COA XEOGRAFÍA

Hoxe todo o mundo sabe que a terra é un planeta redondo que vai a toda velocidade polo espazo. Pero ao longo da historia. Como o imaxinaron os homes a terra? Plana como un prato, rectangular, en forma de pera o ben oca? Da man deste libro e as súas 22 pestanas, faremos unha viaxe a través do tempo e das culturas para descubrir o tesouro que se agacha nas terras imaxinadas.
"El libro de las tierras imaginadas" está escrito por Guillaume Duprat na Editorial Oniro e foi gañador do Premio Bologna Ragazzi ao mellor libro de no-ficción.
E xa que falamos de xeografía aproveitamos tamén para recomendar outro libro publicado por a Editorial SM "Como aprendí geografía" de Uri Shulevitz, un relato conmovedor no que o autor nos conta como na súa infancia logrou sobrepoñerse á miseria que o rodeaba grazas ao mundo ue se abriu ante el cando seu pai trouxo á casa, en lugar de comida, un mapa que se convertiu en todo un estímulo para a súa imaxinación.

martes, 6 de xullo de 2010

CAILLOU TAMÉN VAI Á BIBLIOTECA

Gústanvos as aventuras de Caillou??? Neste capítulo, a mamá de Caillou lévao
a biblioteca pública. Rosi tamén os acompaña. Ela aínda non ten o carné da biblioteca así que teñen que solicitar un. Tamén aprenden que cousas se poden facer na biblio e cales no. Disfruta este capítulo.

sábado, 3 de xullo de 2010

PARA OS MÁIS FUTBOLEROS

Que emoción estamos vivindo co Mundial verdade???
Todos ahí xuntiños apoiando á "Roja". ESPAÑAAAAA, ESPAÑAAAAA!!!!
Se cando remate o mundial queredes seguir disfrutando do fútbol, recomendámosvos a colección: LAS FIERAS DEL FÚTBOL CLUB do autor Joachin Masannnek.
"Las Fieras Fútbol Club" non é un equipo de fútbol de barrio como os demais, é una panda de dez rapaces, unha rapaza e un can que están tolos polo fútbol, que viven ao límite e que xogan sen complexos.
A colección ten xa 14 libros publicados pola EDITORIAL DESTINO. Cando os teñas lido podes ver a súa adaptación ao cine. De seguro que o disfrutarás moitísimo. Aquí tes o trailer.

luns, 28 de xuño de 2010

IN MEMORIAN

Seguramente xa vos teredes enterado da recente desaparición duns dos escritores máis importante do último século: o premio nobel portugués JOSÉ SARAMAGO. Deixanos como herdanza a súa impresionante producción literaria. A boa literatura está de luto.
Poida que aínda sexades moi novos para coñecer a súa obra, pero cando chegue o momento removerá, cas súas palabras, a vosa conciencia e o voso compromiso co mundo que vos toque vivir. Mentres non chega o momento de ler os seus traballos, deixamosvos aquí a única historia que escribiu para nenos. Escoitaredesla da súa propia voz. O portugués é moi parecido ao galego, seguro que a endenderedes ben.

domingo, 27 de xuño de 2010

LER NO VERÁN....

QUE BO PLAN!!!!

Vaias ao monte, vaias á praia ou quedes na casa non olvides que un bo libro sempre te leva de aventuras. Elixe o teu na Guia de Lecturas para o Verán!!!
Boas vacacións para todos os meus amiguiños!!!
Rosiña

xoves, 27 de maio de 2010

VISITA DE SUSO CUBEIRO

Dentro das actividades de animación á lectura que organiza a BIBLIOTECA do centro, o mércores 19 de maio visitounos SUSO CUBEIRO ilustrador de libros tan fermosos e recomendables como No corazón da fraga, O bigote de Mimí, El secreto del bosque viejo, O señor mago e a folla ou a historia da locomotora Larita (do que tamén é autor). Falounos do seu traballo como ilustrador, das distintas técnicas para pintar, mostrounos debuxos orixinales en comparación co traballo impreso e tamén nos ensinou a facer debuxos fermosos con trazos moi sinxelos. Debuxou e pintou cos rápidos e máxicos trazos dos que só uns poucos privilexiados son capaces de conseguir. Deixounos para o noso cole, un recordo moi valioso e especial: un retrato en acuarela de Uxío Novoneira o escritor homenaxeado este ano polas Letras Galegas. Moitísimas grazas, Suso.

mércores, 12 de maio de 2010

TRABALLOS DOS ALUMNOS SOBRE A MITOLOXIA

Ola rapaces!!! Son Rosiña outra vez. Estou entusiasmada porque xa me están comenzando a chegar os vosos traballos sobre os seres míticos galegos e parécenme preciosos. TRABALLASTEDES MOITÍSIMO!!! Así que agora a recompensa é que todo o mundo poida velos desde calquera parte do mundo. Aquí volos deixo. ENHORABOA A TODOS !!!

"PERSONAXES MÁIS QUE MÁXICOS": Traballo do alumnado de infantil. Trátase de un libro de solapas que recolle case todos os seres máxicos que coñecemos este ano co que podemos xogar a inventarnos personaxes novos. Divertidísimo!!!


"ARREPIOS EN MAZARICOS": Traballo do alumnado de 3º que fará que morras co medo. Queres saber que é a Santa Compaña? Que fae? Cando sae? Quen a pode ver? E como protexernos dela? Visita o seu traballo. Ademáis os rapaces recolleron no seu lugar lendas de aparecidos e incluso inventaron unha entre todos eles.

"LENDAS FANTÁSTICAS DE MAZARICOS": Traballo do alumnado de 5º. Os rapaces e rapazas de 5º converteronse en autores dun fermoso libro no que cada un deles inventou unha fermosa lenda. Os personaxes das súas lendas sempre son os seres fantásticos que bulen polos bosques galegos. Disfrutadeo!!!


"POEMAS ENCANTADOS": Traballo de Iria, Alejandra, Mirian e Noelia, alumnas de 4º. No Entroido estas rapaces disfrazáronse de mouras con longas melenas louras e peite de ouro incluido. Tanto lles gustou este persoaxe que agoran nos deleitan cun conto en verso. Precioso, por certo! Enhoraboa chicas!!


"OS NUBEIROS VAN DE VIAXE": Traballo de Jose Manuel, Tatiana, Valentín e Martín, alumnos de 4º. Polo Entroido estas rapaces convertéronse en nubeiros e déronnos moita guerra. Lembrades a Ciclogénesis Explosiva? Nós sospeitamos que eles tiveron algo que ver....Agora deixannos abraidos con este fermoso conto do que son autores. Coidado con eles!!!


"COIDADO COS TRASNOS": Os de 1º converteronse en trasnos polo Entroido pero resulta que nesta historia que escribiron entre todos, un día de treboada, un raio entrou pola ventá da súa clase e os converteu a todos en trasnos de verdade. Imaxinades que trasnadas fixeron polo cole?


Open publication - Free publishing -

"A FESTA COS DIAÑOS BULREIROS": Os rapaces e rapazas de 2º son os protagonistas dunha intrépida historia que os leva á festa de San Xoán en Mazaricos. Xa sabedes que esta é unha noita máxica na que pode ocorrer calquera cousa: atópanse cun home misterioso que resulta ser un diaño bulreiro co que se divirten a esgalla.


luns, 3 de maio de 2010

RECURSOS DIDÁCTICOS PARA AS LETRAS GALEGAS

O Día das Letras Galegas está adicado este ano ao poeta UXIO NOVONEIRA.
Aquí vos quedan uns enlaces con recursos para coñecelo un pouco mellor. Aproveitadeos.

- Para imprimir: Infantil, 1º Ciclo, 2º Ciclo, 3º Ciclo, Biografía

- En liña: Infantil, 1º Ciclo, 2º Ciclo, 3º Ciclo, Imaxes

  • ACTIVIDADES ELABORADOS POLOS COLEXIOS:

- Actividades CEIP Condesa de Fenosa

- Actividades CEIP de Friáns-Teis (Infantil e 1º Ciclo)

- Actividades CEIP de Friáns-Teis (2º e 3º Ciclo)

- Webquest CEIP de Andrade

- Webquest CEIP de Rebordáns

- Miniwebquest CEIP de Rebordáns

E dende o CEIP A LAXE nos chegan as seguintes unidades didácticas:


domingo, 2 de maio de 2010

Primeiro domingo de maio: DÍA DA NAI

Ola rapaces!!! Son Rosiña. Hoxe é un día moi especial para todas as nosas NAIS por iso imos facerlles un pequeno agasallo.


Tamén quería recomendarvos algunhas lecturas para celebrar este día que de seguro vos van a encantar!!!
"Mamá, ti si que me entendes" Teresa Moure. Editorial Galaxia 2009

"Miña nai é fantástica" Nick Butterworth Editorial Xerais
"Vida secreta de las mamás" Beatrice Masini e Alina Marais Editorial Laberinto 2009

"Un mundo de mamás" Marta Gómez Mata. Editorial Comanegra 2009


"Adivina cuanto te quiero" Sam MacBratney Editorial Kókinos 1998

"Mamás del mundo" V.V.A.A. Editorial La Galera 2007