Comer e medrar

Atopamos este material agora. É unha lástima que este descubrimento non tivese lugar ao longo do curso para sacarlle partido nas clases pero din que nunca é tarde se a "dicha" é boa.

Botádelle unha ollada. De seguro vos vai gustar!

PROXECTO DOCUMENTAL DE INFANTIL: OS FROITOS DE OUTONO

E por fin, para rematar recibimos o último proxecto, que a pesar de ser o último en colgarse no blogue foi o primeiriño en estar rematado. 

Trátase dun proxecto moi extenso, tanto, que tivemos que dividilo en 4 partes para poder maquetalo e logo volver a xuntalo todo e que o poidesedes ver aquí no blogue.

Os rapaciños e rapaciñas de Infantil estiveron investigando sobre OS FROITOS DE OUTONO. 

Son rapaces moi pequeniños que fan traballos enormes!!

Uns verdadeiros expertos nos froitos de outono. Podédes preguntarlles o que queirades. Eles teñen todos os datos.

Mirádeo, descargádeo e sacádelle proveito. En breve, estará accesible na biblioteca.

Menudo traballazo, chicos!!

Noraboa!!

PROXECTOS DE INGLÉS

En Inglés os máis pequenos tamén estiveron traballando con temas relacionados coa alimentación e a gastronomía. 

O primeiro traballo é a historia dunha oruga moi glotona "The very hungry caterpillar"

O segundo proxecto está centrado nos froitos do outuno e titúlase "Autumn".

Mirádeo, descargádeo e sacádelle proveito. En breve, estarán accesibles na biblioteca.

Moi bo traballo rapaces!!

PROXECTO DOCUMENTAL DE 6º CURSO: GIUSEPPE ARCIMBOLDO

Hoxe chéganos o proxecto documental de 6º curso. 

Os rapaces e rapazas decidiron centrarse na vida e no traballo dun artísta; en concreto un pintor italiano chamado GIUSEPPE ARCIMBOLDO que pintaba rostro humano a partir de alimentos como froitas e verduras.

Moito aprenderon sobre o traballo deste artista e, por suposto, tamén se animaron a poñer en práctica as súas ténicas.

Un proxecto moi "artístico"!

Mirádeo, descargádeo e sacádelle proveito. En breve, estará accesible na biblioteca.

Noraboa polo traballo!

PROXECTO DOCUMENTAL DE 5º CURSO: HISTORIA DA GASTRONOMÍA NA IDADE ANTIGA

A última investigación que nos chega hoxe é a de 5º curso. 

Os rapaces e rapazas deste curso tardaron moito en escoller o tema deste proxecto, pero finalmente decidíronse pola Historia da Gastronomía. Pretendían chegar ata os nosos días pero descubriron tantos datos sobre as orixes da gastronomía que non conseguiron pasar da Idade Antiga.

E aquí tedes o seu "histórico" traballo!

Mirádeo, descargádeo e sacádelle proveito. En breve, estará accesible na biblioteca.

Felicitacións polo moito que aprendestes con este formidable traballo!

PROXECTO DOCUMENTAL DE 4º CURSO: COMIDA BASURA

Chéganos, así en quente, unha nova investigación. Esta vez trátase do traballo dos rapaces e rapazas de 4º curso. 

Eles, durante este curso, decidíronse a investigar arredor do tema da Comida Basura. 

E aquí abaixo podedes acceder ao seu traballo!

Mirádeo, descargádeo e sacádelle proveito. En breve, estará accesible na biblioteca.

Fantástico traballo, rapaces!!

PROXECTO DOCUMENTAL DE 3º CURSO: AS BEBIDAS

A seguinte investigación que nos chega é a de 3º curso. 

Os rapaces e rapazas deste curso decidíronse a investigar arredor do tema das bebidas. 

E aquí tedes o seu magnífico traballo!

Mirádeo, descargádeo e sacádelle proveito. En breve, estará accesible na biblioteca.

Bo traballo, rapaces!!

PROXECTO DOCUMENTAL DE 1º CICLO: AS FROITAS

Bueno! 

Xa estamos a piques de rematar o curso, así que xa chegamos ao momento de facer públicos os resultados das nosas investigacións documentais realizadas dentro do noso Proxecto Integrado Papacontos Zampalibros.

Comezamos coa investigación de 1º ciclo. Os rapaces e rapazas deste ciclo quixeron investigar arredor do tema das froitas. 

E aquí tedes o "froito" do seu  traballo.

Mirádeo, descargádeo e sacádelle proveito. En breve, estará accesible na biblioteca.

Noraboa rapaces!!

OS CONTOS DO 2º CICLO.

 Os rapaces de 2º ciclo desenvolveron unha actividad titulada OS NOSOS CONTOS, que consiste en que cada rapaz ou rapaza le un libro relacionado coa temática do Proxecto Integrado e o prepara para lérllelo posteriormente aos seus compañeiros en clase. A continuación, elabora un boletín cun pequeno resumo da lectura e contesta a 3 preguntas formuladas pola titora. Ese boletín ilústrao facendo a súa propia versión da portada do libro.

Aquí tedes as fotos dos rapaces cos seus boletíns.

BO TRABALLO, RAPACES!!

UNHA MÉDICO-ENDOCRINO NO NOSO COLE

Hoxe recibimos no noso cole a Cristina Guillín Amarelle,  médico-endocrino no Clínico que nos veu falar sobre como manter unha alimentación saudable.  Esta charla está englobada dentro do programa de actividades do Proxecto Integrado deste ano Papacontos Zampalibros, que xira arredor do tema da alimentación e a gastronomía.

Contar coa presenza de Cristina foi todo un honor para todos nós, pois aprendemos unha chea de cousas con ela sobre a NUTRICIÓN.

A esta charla estaban invitados tamén os pais pero non acudiron moitos dada a hora de celebración. Por iso, decidimos perdille permiso a Cristina para gravar en vídeo a charla e ofrecérvola dende aquí a todos os que quixestes acudir pero non puidestes. Está dividida en 4 partes:

Charla Endocrina parte 1 from ceipvictorsaenz on Vimeo.

charla endocrina parte2 from bibliotecavictorsaenz1 on Vimeo.

Charla endocrina parte 3 from bibliotecavictorsaenz2 on Vimeo.

Charla endocrina parte 4 from bibliotecavictorsaenz3 on Vimeo.

Tamén vos deixamos o material que ela proxectou durante a súa charla e que estamos seguros de que vos gustará ter sempre a man.

E para rematar a xornada fixémoslle entrega dun pequeno obsequio en agradecemento pola súa desinteresada colaboración.

Grazas, Cristina!!

LEMBRADE O IMPORTANTE QUE É TOMAR UN BO ALMORZO RAPACES !!

AS RECEITAS DAS MOCHILAS

Unha das actividades programadas dentro do Proxecto Integrado deste ano Papacontos Zampalibros consistía en:

• levar para a nosa casa, dentro da Mochila Viaxeira, libros de cociña con receitas 
• o día que tiñamos que traela de volta, debiamos traer feita unha receita dun dos libros de cociña da mochila ou dos que tiñamos na casa, elaborada xunto cos nosos pais. 
• explicarlles aos nosos compañeiros o proceso de elaboración da receita cociñada
• compartir e saborear as nosas receitas cos nosos compañeiros

Deste xeito, compartimos tempo de lectura coas nosas familias e tamén tempo de cociña.

Aquí tedes as fotos das algunhas das riquísimas receitas que saboreamos durante o curso.

AS RECEITAS DE INFANTIL

AS RECEITAS DE 1º CICLO

AS RECEITAS DE 3º

AS RECEITAS DE 4º

AS RECEITAS DE 5º

AS RECEITAS DE 6º

BIBLIOLARPEIRADAS

Os rapaces e rapazas de 5º queremos compartir con todos vós as nosas riquísimas receitas. 

A idea era que compartísemos cos nosos pais a elaboración dunha receita e logo desfrutar desa comida na clase cos compañeiros, despois de explicar en público o proceso de elaboración.

Con esta actividade queriamos participar no proxecto integrado deste curso PAPACONTOS ZAMPALIBROS, centrado no tema da gastronomía; traballar un tipo concreto de texto: a receita; mellorar a nosa expresión oral; e tamén  aprender a falar diante dun público.

O de falar diante dos compañeiros e que te estean gravando cunha cámara de vídeo era unha experiencia totalmente nova para nós e a algúns costounos máis que a outros, porque a vergoña, ás veces, podía con nós; outras veces tamén nos entraba a risa floxa.

Aquí tedes o resultado.

SEDE COMPRENSIVOS CON NÓS!! 

É moi difícil falarlle á cámara!

VISITA A PANIGNACIO!!!

Hoxe os rapaces de 2º e 3º ciclo veñen de visitar PANIGNACIO a Panadería de Vimianzo que fai o pan que todos os días comemos no noso comedor.

Foi unha visita incluida dentro do programa de actividades do noso Proxecto Integrado deste ano Papacontos Zampalibros adicado a gastronomía.

Queríamos coñecer de cerca o proceso de elaboración do pan e vaia!! se o coñecemos. 

Foi unha visita moi proveitosa:

Aprendemos a facer pan, croissants, pizza e biscoito!!

E por suposto, puxémonos as botas!! 

Os profesionais que alí se encargaron de amosarnos todo o que hai que saber sobre os procesos de elaboración de tan ricos produtos foron amabilísimos con todos nós e queremos agradecerlles a todos e cada un deles, a súa dedicación e o agarimo con que nos recibiron e nos trataron durante toda a mañá. Somos moi conscientes de que seguramente levaban xa horas de traballo enriba do lombo e aínda así o seu trato foi exquisito. Grazas Fernando, Luisa e Juan polas vosas explicacións e pola vosa paciencia! Grazas de verdade!!

Queriamos felicitar dende aquí a TAMARA que estaba de aniversario e darlle as grazas por deixarnos celebrar este día con ela.

Aquí vos deixamos as imaxes da visita. Hai moitísimas, así que de seguro que nos gustará disfrutalas e compartilas coas nosas familias. Aprendemos moitísimas cousas e estamos seguros de que moitos intentaremos poñer en práctica nas nosas casas todo o que aprendemos. 

A biblioteca quere recomendarvos algúns libros relacionados co pan e cos panadeiros para que disfrutedes agora que xa sabedes tanto sobre este tema!!

O PAN 
Teresa Sabaté
Colección Queremos Saber
Baía Edicións

ENCICLOPEDIA TEMÁTICA ILUSTRADA TOMO 4:

 O pan

Editorial A Nosa Terra

LA PANADERÍA
Editorial Susaeta

PEQUEÑOS PANADEROS

Cecilia Fassardi

Editorial Albatros

CICLO DEL PAN 
Cristina Quental
Editorial Everest

PANES DELICIOSOS

A.A.V.V.

Colección Cocina del mundo

Editorial Blume

SANJI EL PANADERO
Robin Tzannes
Editorial Océano

LOS OFICIOS

Susanna Aranega

Editorial La Galera

GALLETAS CHINAS
Antonio Skármeta
Editorial RBA libros

PAN DE MILLO

Migallas

Libro Disco

Editorial Kalandraka

AS COUSAS DA RATA LUISA : O pan

Adela Leiro

 

AS COUSAS DA RATA LUISA : O biscoito

Adela Leiro

OS CEREAIS: O PAN
Adela Leiro

FACENDO PAN

Adela Leiro

DOUS LIBRIÑOS PARA PAPAR E ZAMPAR!!

Hoxe queriamos recomendarvos un par de libros que acaban de chegar a nosa biblio.




O primiero libro titúlase ¡QUE RICO!. É unha obra de Anke Kuhl e Alexandra Maxeiner e está editado na Editorial Takatuka.Nel atoparedes moitísimas curiosidades sobre pratos moi apetitosos, sobre alimentos "asquerosos", guisos olorosos, potaxes moi ventosos, bocatas saborosos e outros manxares deliciosos.

O segundo titúlase NA COCIÑA DE NOITE de Maurice Sendak editado por Kalandraka. 

Ao autor deste libro, Maurice Sendak coñecédelo por outro libro que podedes atopar na biblio: Onde viven os monstros. 

Neste libro, sorpréndenos cunha historia acerca do que pasa na cociña cando o noso protagonista esperta e ve a tres cociñeiros preparando un pastel para o almorzo?
Esta historia é unha historia antigua dos anos 70 de Maurice Sedak que a Editorial Kalandraka quixo recurerar en galego. SAbedes que este libro foi censurado en EEUU cando se publicou por primeira vez porque o neno protaginista sae nu nalgunhas páxinas? Isto si que é surrealista!

OBRADOIRO DE BEBIDAS SAUDABLES

Dentro do programa de actividades do noso Proxecto Papacontos Zampalibros, hoxe organizamos no cole un OBRADOIRO DE BEBIDAS SAUDABLES para o alumnado de 2º e 3º ciclo de Educación Primaria. Esta actividade está tamén enmarcada dentro do Programa de Prevención e Reinserción de Drogodependencias da ASOCIACIÓN NERIA. 

Ambos ciclos elaboraron xunto coa monitora da actividade, Miriam, as seguintes Bebidas Saudables:

• BATIDO "DESEXO":

Ingredientes: 2 iogures, 250gr. de amorodos, 4 laranxas, 2 kiwis, 1 litro de leite.

Preparación: Colócanse os ingredientes nun vaso alto e bátense uns cantos segundos. Sérvese inmediatamente.

Presentación: Nun vaso longo, de boca aberta e cana ancha.

Aplicación: Para almorzar e merendar.

• CÓCTEL "MEDIODÍA":

Ingredientes:  5 laranxas,10 kiwis, 1 limón e xeo picado.

Preparación: Licúanse as froitas e mestúranse os zumes nunha cocteleira con xeo picado.

Presentación: Nunha copa de aperitivo grande.

Aplicación: Durante o aperitivo do mediodía.

• GRANIZADO DE LARANXA E PERA:

Ingredientes: 15 laranxas, 15 peras, azucre, auga e xeo picado.

Preparación: Fanse os zumes. Mestúranse co azucre e coa auga.

Presentación: Nun vaso longo e estreito.

Aplicación: Para merendar.

Pinchando aquí e aquí  veredes outras receitas de bebidas saudables que podedes preparar na casa e que estamos seguros que vos encantarán.
Aquí debaixo podedes contemplar as fotos desta actividade:

RECOMENDACIÓN LECTORA SOBRE O TEMA:

Zumos y bebidas saludables
JOCHEN G. BIELEFELD
Editorial Hispano Europea

CANDO A COMIDA SE NOS REVELA...

Vas preparar un peixiño para a cea pero.... mi madriña!!! o "condenado" non quere entrar na cazola!!!

A cociña pode ser toda unha aventura, rapaces!!!

APRENDENDO A FACER QUEIXOS

Hoxe, 8 de maio, os alumnos de Educación Infantil visitaron coas súas titoras a Fábrica de Queixos Pérez Olveira, para coñecer en directo o proceso de fabricación destes queixos tan ricos que fabrican aquí moi cerquiña do noso cole. Ao remate da visita os rapaces deron boa conta destes riquísimos queixos.

Estaban moi bos e enchamos o bandullo!!!
 

 Esta actividade está enmarcada dentro do programa do noso PROXECTO INTEGRADO deste ano PAPACONTOS ZAMPALIBROS que xira entorno ao tema da gastronomía.

E falando de queixos aquí tedes algúns libros que falan deso: do queixo.

Este queixo, queixolán
Colección Dediños
Antón Cortizas Amado
Editorial Tambre.

 O queixo

Colección os Minilibros de Galaxia

Editorial Galaxia

Falou un queixo

Heidi Kühn-Bode

Editorial Galaxia

Quererás comelo dun bocado, pero hache saír antes unha gargallada tan grande coma un queixo. Con este libro abrirás a boca!!

Para rematar unha cantiga galega sobre queixos:

Este queixo queixolán.
Esta boca pide pan.
Este “narís” pis, pis.
Estes ollos revirollos.
Esta testa “testaruda”...
¡e este peliño de burra!

Este queixo, queixoán.
Esta boca pide pan.
Este “narís”, naricete.
Este ollo, reberete.
Este outro, seu irmán, 
e aquí arriba, aquí arriba, “ghabilán”.

Este queixo queixolán.
Esta boca pide pan.
Este "narís narisán”,
Este ollo, pimpinete.
Tírate do cabalo, cabalete...

Queres saber como segue???

Pincha AQUÍ  e poderás lela completa e tamén escoitala.

O MERLIN DOS QUINQUILLÁNS

Hoxe, 30 de abril, todos os rapaces e rapazas do colexio asistimos xunto cos nosos compañeiros do CEIP Plurilingüe e o CPI  da Picota a unha representación teatral da Compañía Teatral OS QUINQUILLÁNS na Casa da  Cultura da Picota.

Tratábase da obra titulada Merlín escrita por Lucho Penabade e dirixida por el mesmo xunto con Tero Rodríguez.

Os actores son Pepe Soto, Tero Rodríguez, Inacio Vilariño e Luco Penabade.

FURAVENTOS arriba a súa dorna na praia das Tebras sen sospeitar que está en Avalón,a mítica illa onde, grazas ás mazás da inmortalidade, MERLÍN, MORGANA e o rei ARTUR llevan vivindo mil cincocentos anos.

O noso intrépido FURAVENTOS terá que sortear moitos atrancos porque en Avalón nunca se sabe o que pode ocorrer.

Aquí tedes as fotos da nosa cita teatral.

Pasámolo en grande!!!

En Avalón non hai farmacias, nin hospitais, nin tarxetas sanitarias.. Ante todo, os habitantes de Ávalon

tratann de coidarse previndo as enfermidades: non collendo fríos, quitándose a roupa húmida despois de suar, bebendo moita auga, comendo de todo e ás súas horas, durmindo o que lles fai falta...

Ainda así enferman e claro, Morgana é a que se encarga de curalos, grazas aos remedios que aprendeu dos seus antepasados e grazas tamén a todas as riquezas que a natureza nos ofrece. Como este ano estamos traballando sobre o tema da gastronomía PROXECTO PAPACONTOS ZAMPALIBROS, y estes remedios están directamente relacionados con ela, aquí vos deixamos algunhas dan cousas que nunca faltan na botica de Morgana:

• AUGA DO MAR, o mellor para lavar e axudar a cicatrizar as feridas. Morgana acostuma a dicir “Sal mariña, non hai mellor menciña”
• TEA DE ARAÑA, si, si... das que están por detrás dos mobles, e entre as lámpadas... Morgana envolve as feridas con esa tea de araña e para de sangrar.
• ALLO, para as picaduras de bichiños pequenos, mosquitos, moscas... Morgana corta un allo pola metade, refrega na picadura e... marcha o comechón rapidamente. Ela recomenda non rañar, que canto máis se raña máis proe. Tamén é bo comer allo cru para baixar o colesterol, aínda que o mellor para isto é tomar cousas sans, poucas lambetadas e poucos bolos deses envoltos en plástico...
• CEBOLA, fantástica para combater a conxestión e o catarro que non deixan durmir pola noite. Cando Merlín ten moita tos ou ten o nariz tapado, Morgana mándalle picar cebola e poñela nun pratiño na mesiña de noite, perto da almofada. Cando Merlín fai isto durme coma un leirón!
• OUREGO, falamos dese mesmo ourego que se lle bota ás pizzas. Se tomades unha infusión de ourego acabaredes cos catarros e coas afonías máis persistentes. Fervedes auga, botádeslle unha culleriña de ourego, deixádelo repousar cinco minutos, coládelo, botádeslle unha culleriña de mel á auga, bebédela... e uhmm! Non hai tos que resista!
• CLARA DE OVO, moi bo para as queimaduras superficiais. Simplemente hai que botar a clara enriba da queimadura.
• ESTRUGA ou ORTIGA. Esta é unha planta que estades fartos de ver polos camiños e que seguro que lle tendes moito medo, pero que é boísima para moitas cousas, tanto se pode tomar por dentro coma por fóra. Cocéndoa en auga e bebendo a infusión ou coméndoa nun revolto con ovo, axuda a medrar porque ten moito calcio e moitísimo ferro. Ao mesmo tempo é diurética, por iso baixa o ácido úrico. A auga de ferver as estrugas tamén se pode usar para lavar a cabeza, deixa o pelo limpísimo e sen caspa. E se hai dor de costas, unhas freguiñas con esta auga e estades curados. A estruga é tan útil, tan útil, que a natureza púxolle uns peliños nas follas para que piquen a quen as queira arrincar. As estrugas só queren ser recollidas por aqueles que saiban valorar as súas propiedades. Se queredes collelas, cunhas luvas e con moito coidadiño.
• MENTA. Se vos picades cunha estruga, non vos preocupedes, a natureza, que é sabia e moi boa, tamén vos dá remedio. Colledes un pouquiño de menta, que seguro que hai por alí cerca, e refregádela na picadura. Veredes que rápido pasa.
• MAZÁ. Crúa, asada, cocida, en zume, en vinagres, para facer sidra... É a menciña máis apreciada polos habitantes de Avalón: comer unha mazá axuda a lavar os dentes cando non se ten cepillo a man, facilita a dixestión e contribúe a baixar o colesterol e a adelgazar porque é diurética e depurativa. O seu vinagre úsase para eliminar os fungos dos pes, e para fortalecer as uñas e evitar que rompan. Tamén se usa como desodorizante, aplicándoo nas axilas ou nos pés. Pero Merlín, Morgana e Artur tamén aprecian as mazás porque din que son elas as que lles conceden a inmortalidade. n Avalón hai moitos tipos de mazás Marafouzas, Tres en cunca, Roxa de Xullo, Camoesa, Arriscada, Pel de sapo, Ramona...

CURIOSIDADES SOBRE A ALIMENTACIÓN

Hoxe, 3 de abril, tivemos a sorte de recibir no noso centro a Adrián Blanco, Técnico Superior en Industrias Alimentarias que aceptou ofrecernos unha charla titulada "Curiosidades sobre a alimentación". Esta charla está enmarcada dentro do programa de actividades do Proxecto Intregrado deste curso "Papacontos, zampalibros" centrado no tema da gastronomía e a alimentación. 

Con Adrián aprendemos unha chea de cousas. Lembrades os temas tratados: tipos de nutrientes, que son as calorías e a vitaminas, a enfermidade do mariñeiro, o valor do sal, a lactosa, graxas saturadas e insaturadas, graxas hidroxenadas, as chuches, a pirámide dos alimentos, o azucre nos refrescos, o aspartano e a sacarina, a deshidratación e o exceso do sal, as propiedades organolécticas, a alimentación na prehistoria, a domesticación dos animais, a alimentación en función da xeografía, a relixión e a cultura, o polo: a carne máis consumida, a conservación dos alimentos, as propiedades do mel, alimentos xurdidos de erros: o champán, o queixo, o reparto da comida no mundo, os alimentos tranxénicos, as diferencias entre entolerancia e alerxia, celíacos, alimentos tóxicos, os cogomelos, a importancia da hixiene na alimentación, a bacteria E-Coli, a salmonelosis, a toxina botulínica...

FACEMOS PAN E VISITAMOS UNHA PISCIFACTORÍA

Hoxe, martes 25 de marzo, os alumnos de Educación Infantil e do 1º Ciclo de Educación Primaria realizaron unha visita didáctica a  PAN IGNACIO, a panadería que fai o pan que comemos no comedor do noso cole. Esta actividade está incluido no programa de actividades do noso PROXECTO INTEGRADO deste ano Papacontos Zampalibros.

 Os rapaces viaxaron ata Vimianzo onde viron todo o proceso de fabricación do pan que logo comen no cole e ata participaron na súa elaboración facendo os seus propios boliños que logo levaron para súa casa.

A continuación tamén visitaron unha piscifactoria. 

Algúns libriños interesentas que vos recomendamos consultar despois desta visita:

O pan
Colección Queremos SAber
Teresa Sabaté e  Carmén Solá
Editorial Baía.

El pan: curiosidades y recetas

Editorial Susaeta

El libro del pan

Eric Treulle e Úrsula Terrigno

Prólogo de Eva Arguiñano

Editorial Bainet

El pan: Manual de técnicas y rectas

Jeffrey Hamelman

Editorial Libros con miga

Pan de millo (libro +CD)

Migallas

Editorial Kalandraka