domingo, 17 de maio de 2020

LETRAS GALEGAS 2020: "PALABRAS DESCONFINADAS"

Hoxe é o "Día das Letras Galegas", e no cole quixemos celebralo dun xeito especial. Para iso propuxemos un reto ás nenas e nenos de 5º e 6º, que non dubidaron en participar desde o primeiro momento; un reto que partía das ondas de "Radio Rosiña". Xa que estamos en tempos de confinamento, en 5º e 6º imaxinaron que sucedera iso coa lingua galega, e elixiron a palabra que desconfinarían en primeiro lugar. Queredes escoitalas? Seguro que pasades cinco minutiños moi entretidos con estes rapaces e rapazas tan estupendos!!! Desde aquí queremos agradecer a todas as nenas e nenos por participar, porque sen vós non habería programa: Álex, Andrea, Paula L., Alba, Brais, Ramiro, Joel, Jorge L., Samuel, Jorge O., Nerea e Paula B., e tamén a todas as vosas familias, por facilitar os audios para que isto fora posible. Aquí tedes o programa "Palabras desconfinadas":



venres, 15 de maio de 2020

MÚSICA CONFINADA

Aquí vos presento os vídeos cos resultados da proposta de música que fixemos a semana pasada: "MÚSICA CONFINADA I". Están enlazados no blog de música, pero como sei que adoitades visitar con máis frecuencia o da nosa biblioteca, anúnciovolo aquí para que non os perdades... 

Espero que vos gusten tanto como a min!!!! Premede sobre a imaxe para acceder aos mesmos.

Unha aperta enorme, artistas!!!!

LETRAS GALEGAS 2020

Ola, familias!!!!
Preme na imaxe para acceder a toda a recompilación.
Espero que estedes moi ben e que estedes pasando un bo mes de maio. Se o curso fora como estaba previsto, durante estes días estariamos preparando unha das celebracións que máis nos gustan no cole: os Maios e as Letras Galegas. Infelizmente non vai poder ser, pero tamén desde as nosas casas podemos ter en conta estas dúas festas tan relacionadas coa nosa cultura. 
Por ese motivo, prepareivos unha páxina con recursos do autor homenaxeado no 2020: RICARDO CARVALHO CALERO. Durante este mes ireivos poñendo máis enlaces para que poidades coñecer un pouco máis a este escritor e a súa obra: vídeos, actividades para imprimir, lecturas, actividades para facer en liña, etc. Premede na imaxe para acceder a toda a información.

Unha aperta enorme!!!



mércores, 6 de maio de 2020

O PAPAGAIO DE MAIO É DIXITAL

A revista "O Papagaio" acaba de sacar o número 8, e chega en formato dixital para facilitar a súa difusión, xa que polo de agora non será posible lela na nosa biblioteca...
Desde o Consorcio Editorial tamén nos envían "unha mensaxe de ánimo e forza" para esta fase da desescalada, así que desde aquí queremos darlles as grazas!!!
E a todas vós, aquí tedes a revista, que ademais adica a páxina 5 ás aves!!!! Non volo podedes perder!!! Premede na imaxe:

O Papagaio nº 8