venres, 22 de febreiro de 2013

CHEGARON OS LECTORES ELECTRÓNICOS AO NOSO COLE

O mércores ás 10:30 da mañá a Consellería de Educación citou ao director e á coordinadora ca nosa biblio na CIDADE DA CULTURA para facernos entrega de 3 lectores electrónicos coa finalidade de promover entre os nosos alumnos a lectura de libros en formato dixital entre as actividades habituais de fomento da lectura promovidas desde a biblioteca.
A Consellería escolleu 25 centros de toda Galicia de entre 270 que o solicitaron e que están dentro do PLAMBE (Plan de Mellora de Bibliotecas Escolares). Os criterios de selección daban prioridade ás zonas rurais e aqueles centros onde houbese unha especial implicación de toda a comunidade educativa nas actividades organizadas dende a biblioteca.
A prensa estaba alí tal e como reflexa a noticia publicada na Voz de Galicia. Pincha sobre a noticia para lela.


O Equipo de Biblioteca reunirase ao longo da semana que ven con Rosiña, a nosa mascota, para decidir como xestionar o uso destes lectores.
A que estades impacientes xa ????

xoves, 21 de febreiro de 2013

XA TEMOS AQUÍ AS FOTOS DO ENTROIDO

Ola rapaces e rapazas !!!
Por fin temos xa preparadas algunhas fotos do noso Entroido Multicultural!!



Os de Infantil disfrazáronse este ano de Queztzales: unha ave típica de centroamérica e que os antiguos habitantes de América representaron infinidade de veces. É facil saber en que proxecto andan metidos este ano verdade?  Pois sí están investigando sobre a Cultura Americana.
Os de Primeiro Ciclo están investigando sobre a Cultura Inuit. Os inuits, aos que todos coñecemos como esquimales, visitaron o cole o día de Entroido!!! A que estaban preciosos?
Os de 3º curso anda perdidos polo Oriente, coñecendo as Culturas Chinesa e Xaponesa. Estaban impresionantes de vermello. A que sí?
Os de 4º curso perdéronse na India e andan investigando sobre a súa cultura. Estaba elegantísimos cos seus saris e os seus turbantes!!
Os de 5º curso están profundizando no coñecemento da Cultura Bérbere e viñeron vestidos como eles!!
E os de 6º curso sorprendéronnos coa súa indumentaria propia da gran estepa rusa pois están investigando sobre Rusia!!

Para acabar queremos deixarvos un vídeo que montamos coas fotos e coa canción oficial do Entroido escrita por a nosa querida Susi (profe de música). Esperamos que vos guste o resultado!


Entroido das culturas (C.E.I.P. Víctor Sáenz) from bibliotecavictorsaenz1 on Vimeo.

sábado, 16 de febreiro de 2013

Un vídeo realizado nun instituto de Murcia que reivindica a cultura clásica triunfa en Grecia


    Querían apoiar un evento cultural e educativo e, da noite á mañá, convertíronse nun fenómeno en YouTube.
    A Asociación Murciana de Profesores de Latín e Grego (Amuprolag) elaborou un vídeo no Instituto Ingeniero de la Cierva para promocionar o evento "Yo conozco mi herencia ¿y tú?" no que destacaban todo o legado que os antigos gregos deixaron en España (entre eles as bibliotecas) e nos últimos días multiplicáronse as reproducciones. Levan case 300.000, das que case 200.000 chegaron de Grecia, onde o vídeo -titulado 'Gracias, Grecia'- convertiuse en todo un fenómeno. De feito, os autores recibiron dúass chamadas de agradecemento da embaixada grega en España e radios e televisións do país entrevistaronlos. O seu vídeo ten uns 2460 comentarios, na súa maioría de gregos que lles amosan o seu agradecemento nestes tempos de crise que tanto dano está facendo no país heleno.
Non deixedes de velo!! É emocionante!
 

xoves, 14 de febreiro de 2013

FELIZ DÍA DOS NAMORADOS A TODOS

Queremos celebrar con todos vos este día tan especial con este fermoso vídeo que lle podedes dedicar aos vosos namorados ou namoradas!!

martes, 12 de febreiro de 2013

Préstamo da Biblioteca da Fundación Germán Sánchez Ruipérez

A nosa biblioteca solicitou á BIBLIOTECA DA FUNDACIÓN GERMÁN SÁNCHEZ RUIPÉREZ  un préstamo de fondos relacionados coas culturas: temática que estamos traballando este ano no noso Proxecto Integrado "Onde os libros te leven". Enviáronnos 2 tipos de coleccións: "Lecturas de Aquí y Allá" (dende febreiro ata maio) e "Lecturas á carta" (dende febreiro ata finais de curso). Estes materiais que inclúen literatura, libros de información e películas formarán parte dunha exposición que estará a vosa disposición para que poidades realizar as vosas investigacións.
Que os disfrutedes!!!

luns, 4 de febreiro de 2013

UN ENTROIDO MULTICULTURAL

E xa estamos outra vez de Entroido !

    Estes días andamos todos atarefados preparando os nosos disfraces. Este ano a nosa temática céntrase, ao igual que o Proxecto Integrado deste ano, nas culturas do mundo. Esperamos que o venres disfrutedes co noso Desfile e tamén coa Degustación de Larpeiradas de Entroido que cada ano ofrecemos no comedor por xentileza das familias de todos os rapaces e rapazas do cole. Grazas mamás, papás, avoas, avós e tías e tíos reposteiros!!  Como nos imos poñer ehh!!
      Xa temos ata canción oficial para o noso Entroido. Trátase dunha canción escrita pola profe Susi para a ocasión coa música de "A saia da Carolina". Vós seguro que xa sabedes de memoria pero por si acaso aquí vos deixamos a letra para repasala para o venres.
Tamén queremos compartir con todos vós unha chea de recursos que outros colexios comparten con nós.   Botádelles unha ollada, aproveitádeos ben, exprimídeos a tope e disfrutade destas festas tan divertidas que nos permiten convertirnos por un día no que nós queiramos.
O primeiro deles  chéganos dende Vigo das mans da profe Julia González do C.E.I.P. MESTRES GOLDAR de VIGO que sempre nos ten enganchados coas súas actividades LIM. Nesta aprenderedes todo o que hai que saber sobre o Entroido Galego.
Non esquezades poñelo a pantalla completa para disfrutalo máis.


E aquí temos outro Actividade LIM que atopamos pola rede. É froito dun traballo colaborativo. Estamos seguros de que a disfrutaredes moito.
Pinchade nela para xogar.

E por suposto, non imos esquecer a recompilación de recursos que cada ano fai a Coordinadora Galega de Normalización e Dinamización Lingüística.


Volve ANGEL CARRACEDO ao noso centro

      O vindeiro xoves 21 de febreiro, volve ao noso centro, o padriño da nosa Biblioteca Escolar, D. Angel Mª Carracedo Alvarez, para dar unha charla a nenos e maiores sobre "A orixe xenética das diferentes razas humanas". Esta charla está enmarcada, como outras que levamos realizadas durante este curso, dentro das actividades organizadas dende o noso Proxecto Integrado 2012-13 sobre as diferentes culturas do mundo e que titulamos "Onde os libros te leven".
     Angel falaranos, non só da orixe xenética das razas, senón tamén de moitas das investigacións xenéticas realizadas polo seu equipo no seus laboratorios. Algunhas son moi coñecidas como: a identificación das víctimas do tsunami do sudeste asiático ou do 11M ou a súa colaboración coa Policía Española ou con Scotland Yard na identificación de víctimas de asesinato. Outras non tan coñecidas como a súa colaboración coa Fiscalía Colombiana para a identificación dun neno acollido nun centro de protección de menores de Bogotá, para comprobar se era fillo ou non de Clara Rojas, secuestrada polas FARC no ano 2002. Este caso tivo moita repercusión nos medios de comunicación ao chegar ás pantallas de cine a película "Operación E" do director hispano-francés Miguel Courtois e protagonizada por un dos máis recoñecidos actores galegos, o noso Luis Tosar.

domingo, 3 de febreiro de 2013

VÍDEO DA CHARLA DE HARUNA TAKEBE

Xa está !!!
     O vídeo da Charla que nos ofreceu  HARUNA TAKEBE, concertista de piano xaponesa o luns 28 no noso cole.
      Grazas a Haruna coñecemos un pouquiño ese país tan afastado de nós e que ten unha cultura que nos atrae tanto.
    Foi un verdadero pracer para nós coñecer a Haruna e compartir con ela estes momentos nos que aprendemos tanto sobre un país ben distinto ao noso, cuns costumes, unha lingua e unhas tradicións nas que estamos moi interesados en profundizar.
    Este vídeo servirá para que, tanto Haruna coma nós, poidamos lembrar esta experiencia tan enriquecedora de intercambio cultural.
      Haruna, xa tés un sitio nos nosos corazóns e as portas abertas na nosa comunidade educativa.
    GRAZAS por prestarte e entregarte a esta marabillosa experiencia. Sabemos que estabas nerviosa e preocupada ante esta charla pero xa ves que todo saíu xenial!! Fixéchelo moi ben!!
  Regaláchenos o teu disco pero agora estamos desexosos de escoitarte tocar en directo. Oxalá sexa posible atopar un oco na túa axenda para verte!!
BICOS DENDE MAZARICOS!!


Charla de Haruna Takebe, concertista de piano xaponesa no CEIP VÍCTOR SÁENZ from bibliotecavictorsaenz on Vimeo.
Charla de Haruna Takebe, concertista de piano xaponesa no CEIP VÍCTOR SÁENZ dentro do programa de actividades do PROXECTO INTEGRADO 2012-13 "Onde os libros te leven" dedicado ás culturas do mundo. Luns 28 de xaneiro de 2013
http://bibliovictorsaenz.blogspot.com

sábado, 2 de febreiro de 2013

A NOSA CELEBRACIÓN DO DÍA DA PAZ

      Este ano para a celebración do DÍA DA PAZ, reunímonos todos no corredor no centro. Non puidemos saír porque caían chuzos de punta.
   Fragmentamos unha pomba de Picasso entregando un fragmento a cada clase. Cada clase podía decorarlo como quixese e engadir a palabra paz no idioma da cultura que están estudando na aula dentro do noso proxecto "Onde os libros te leven". Volvemos construir a nosa pomba entre todos nun acto que para nós simbolizaba a frase "A paz constrúese entre todos" e logo cantamos a canción "Apertas de voan " de Paco Nogueiras e rematou así o día.

venres, 1 de febreiro de 2013

Vídeo da charla de Esperanza Calvo xa á vosa disposición

Que tal, rapaces??

     Por fin temos preparado o vídeo da Charla que nos ofreceu ESPERANZA CALVO, corresponsal de Tele 5 en China no noso cole. 
     Estamos seguros de que a ela faralle tanta ilusión como a nós poder ver este vídeo e lembrar o momento tan estupendo que pasamos con ela e o moito que nos ensinou sobre China.
     Esperamos que Esperanza xa esquecera os malos momentos que lle fixo pasar o noso portatil coas fotos que nos traía preparadas. 
     Como ela vai ler isto desde China, aproveitamos para mandarlle unha forte aperta e un feixe de bicos de todos nós. 
GRAZAS ESPERANZA!!! 
GRAZAS POLA TÚA DISPOÑIBILIDADE E POLA TÚA APORTACIÓN Á NOSA COMUNIDADE EDUCATIVA!
Tés as portas do noso cole e da nosa biblio abertas para cando queiras volver!!!


CHARLA DE ESPERANZA CALVO CORRESPONSAL DE TELE 5 EN CHINA NO CEIP VÍCTOR SÁENZ from bibliotecavictorsaenz1 on Vimeo.
Charla da periodista Esperanza Calvo correspondal de Tele 5 en China no CEIP VÍCTOR SÁENZ dentro do programa de actividades do Proxecto Integrado 2012-13 "Onde os libros te leven" dedicado ás culturas do mundo. 11 de xaneiro de 2013.
http://bibliovictorsaenz.blogspot.com