DÍA DE ROSALÍA

Con motivo da celebración do 178 aniversario de Rosalía de Castro, foron moitos os centros que organizaron actividades para recordar á autora de Follas Novas, unha das súas obras máis representativas. 

Aquí vos deixamos o vídeo elaborado por unhas rapaciñas de Muras, para que a todos vós non vos pase como a TITA...

UNHA PROTAGONISTA ESPECIAL EN GOOGLE

Hai 178 anos, o 24 de febreiro nacía Rosalía De Castro en Santiago de Compostela. No mundo da literatura, Rosalía é unha das escritoras máis importantes da nosa lingua, pero tamén realizou excelentes aportacións en castelán. Rosalía é comparada por moitas persoas como a "alma de Galicia". 

Hoxe, a imaxe de cabeceira da páxina de inicio de Google, coñecida como "doodle", está adicada a unha das figuras máis representativas da nosa cultura. No "doodle", ademais dunha imaxe de Rosalía, aparecen os primeiros versos dun dos seus poemas máis coñecidos. Seguro que máis de un/unha podería recitalo de memoria! Animádevos a aprender este ou outros poemas, porque é un exercicio fantástico e moi fermoso!!!

BIBLIOTECAS DE CINE

Apetéceche darte unha voltiña polas bibliotecas que saen nas películas??

 Pois vente conmigo e verás!!

Sigue el tablero BIBLIOTECAS DE CINE de Asun en Pinterest.

HISTORIA DO CINE

Ola, rapaciños e rapaciñas! Como estades? Seguro que desfrutando das últimas horas do Entroido, eh? Así me gusta! Pois aquí Rosiña, entre disfraz e disfraz, atopou algúns vídeos relacionados co noso proxecto documental deste curso, e quere compartilos con todos vós. 

No primeiro podedes ver un vídeo que resume a historia do cine en menos de 10 minutos. É moi entretido e interesante:

E no seguinte, a evolución do cine como técnica e arte de proxectar fotogramas. Ao final do mesmo resalta a figura de Charles Chaplin. Aínda que ten un carácter máis técnico que o anterior, tamén é recomendable:

UN ENTROIDO DE CINE

Así foi como celebramos nesta ocasión o noso Entroido: convertendo o cole nun plató cinematográfico de grandes estrelas mundiais. Despois dunha semana na que o Meco nos foi anunciando día tras día os diferentes mandadiños, o venres chegou o momento de vestir os disfraces elaborados en cada aula para esta festa tan divertida e chea de cor. Cada grupo do cole inspirouse en diferentes personaxes de películas ben coñecidas, en actores... Tamén houbo sitio para un pirata moi atento e dous venecianos imprescindibles. E mesmo houbo algunha mamá que se animou tamén a disfrazarse seguindo a temática proposta e chegou transformada nun coñecido director de cine español. Fantástica!

O desfile, debido ao mal tempo, tivo lugar no comedor. Alí xuntámonos todas as persoas asistentes para ver: 

-as cartas de póquer de "Alicia no país das marabillas" de Ed. Infantil; 

-os Charles Chaplin do 1º ciclo; 

-as súper-heroínas e súper-heroes de 3º curso; 

-os Míster Fogg e Passpartout de "A volta ao mundo en 80 días" de 4º curso; 

-as diabólicas Annabelle e os terroríficos Billy de 5º curso; 

-e a un fantástico "remexolo" de personaxes de 6º curso: Mary Poppins e o desenfeluxador, Harry Potter, Superman, Indiana Jones, Minnie Mouse, a princesa Leia e Han de "Star Wars", Sandy Olsson e Danny Zuko de "Grease" e o Gandalf de "O señor dos aneis". 

Despois, cantamos as coplas compostas para a ocasión, rompemos as piñatas e probamos as exquisiteces achegadas polas familias. Aquí tedes as imaxes dunha xornada de película:

TEMPO DE ENTROIDO

Xa sei que todas as persoas do cole andades ultimando os vosos disfraces para este venres. Pero se tedes algún tempo libre, podedes aprender moitas cousas sobre o Entroido nos seguintes enlaces:

O profesorado do Seminario Galán preséntannos novos recursos, actividades e xogos que vos servirán para coñecer máis polo miúdo esta tradición (premede na imaxe):

Para os fans dos Bolechas, un libro no que esta familia tamén anda a celebrar o Entroido, con receitas incluídas:

E se premedes na seguinte imaxe, podedes xogar a facer diferentes disfraces:

UN DIRECTOR DE CINE NO NOSO COLE!!!

Hoxe recibimos a visita de XOÁN ESCUDERO. Xoán é un rapaz que se adica ao mundo cinematográfico dende hai varios anos; nada máis e nada menos que á dirección!!!

Ao longo da mañá falounos de moitas cousas sobre o cine, e conversamos con el sobre moitos temas que ían saíndo das nosas películas favoritas. Así, adicamos algo de tempo aos xéneros cinematográficos (animación, ciencia ficción, fantasía/de aventuras, históricas, documentais). E explicounos como se facían os debuxos animados (con debuxos, con plastilina, a técnica do "stop motion",...).

Tamén nos falou da importante relación que teñen a música e o cine, e a partir dun videoclip, pasamos un rato moi entretido falando dos diferentes tipos de planos e contándoos!!!

Por último, Xoán contounos o seu último proxecto: un documental sobre un deporte pouco común (o "bobsleigh"), que practica unha rapaza de Arcade (Pontevedra). Alguén se atreve a practicalo?

Moitísimas grazas por achegarte ata o noso cole, por adicarnos parte do teu tempo contándonos tantas cousas interesantes e dun xeito moi ameno. Tivéchesnos enganchados/as a todos/as!!! Pasámolo tan ben, Xoán, que estamos desexando que volvas outro día!!! 

Mentras tanto, faremos a tarefa que che prometemos, así que imos pensando...

Aquí podedes ver as fotos que fixemos nun día fantástico que, ademais, inauguraba a semana do Entroido co primeiro mandadiño do noso Meco:

CINE E MEDIOAMBIENTE

Dende o blog de VOZ NATURA chegounos unha fermosa recompilación de películas relacionadas co medio ambiente. E neste curso tan cinematográfico, véñennos fenomenal!!! 

Algunhas seguramente xa as coñecedes ("Avatar", "Wall-E", "Ice Age", "A princesa Mononoke"), pero hai outras moitas!!! Se premedes sobre a seguinte imaxe, descubrirédelas:

Dende aí tamén podedes acceder á páxina de Enrique Martínez-Salanova sobre cine e medio ambiente. Ademais de filmes, atoparás artigos, bibliografía, etc.

Unha marabilla para todas as persoas que pensamos que o cine é unha ferramenta didáctica que non debería ser ignorada nas escolas.

Enrique Martínez- Salanova

Avatar , Wall-E , “Ice Age: La edad de hielo” o “La princesa Mononoke” - See more at: http://blogs.voznatura.es/blogmaestrovnat/blog/2015/02/03/cine-y-medioambiente/#sthash.xyqzDudU.dpuf

Avatar , Wall-E , “Ice Age: La edad de hielo” o “La princesa Mononoke” - See more at: http://blogs.voznatura.es/blogmaestrovnat/blog/2015/02/03/cine-y-medioambiente/#sthash.xyqzDudU.dpuf

Avatar , Wall-E , “Ice Age: La edad de hielo” o “La princesa Mononoke” - See more at: http://blogs.voznatura.es/blogmaestrovnat/blog/2015/02/03/cine-y-medioambiente/#sthash.xyqzDudU.dpuf

CELEBRAMOS O DÍA DA PAZ

Nesta ocasión, a celebración do Día da Paz tamén estivo relacionada co noso proxecto cinematográfico. Así foi como se elaborou dende a Biblioteca unha Guía de lectura tendo en conta historias sobre esta temática e que foran levadas ao cine ou inspiraran películas.

Por outro lado, organizamos unha actividade colectiva que consistíu en buscar algún personaxe relacionado coa cinematografía e que amosase o seu compromiso por unha sociedade máis pacífica: declaracións públicas, colaboracións con ONG's, participación en proxectos determinados con fins benéficos, etc.

Foi así como xurdiron os fotogramas que podedes ver a continuación.

E cantamos! Coma sempre, a música para celebrar!!! Hoxe, "Campás pola paz", do grupo galego PAN DE MILLO.
E, pola tarde, vimos fragmentos de películas relacionadas con esta temática: "O rei león", "Rebelión na granxa", "Persépolis"...

“WE ARE THE WORLD” CUMPRE 30 ANOS

Moitos/as de vós tal vez non coñezades esta fermosa canción, así que hoxe, con motivo do seu 30 cumpreanos, queremos presentárvola! “We are the world” foi composta dun xeito especial que ten moito que ver, ademais, coa celebración do Día da Paz que terá lugar o próximo venres. Así que vos contamos a súa historia:

No ano 1985, África sufría unha fame terrible, especialmente Etiopía. Por esta razón, en Hollywood xuntáronse varios artistas para gravar unha canción composta por Lionel Richie e Michael Jackson. Os beneficios obtidos foron donados a "USA por África" para axudar na loita contra esa difícil situación que vivían no continente africano. 

Xuntáronse máis de 40 músicos, entre os que se atopaban Michael Jackson, Stevie Wonder, Tina Turner, Bob Dylan, Bruce Springsteen... A canción convertiuse nun auténtico himno, e foi interpretada e versionada en moitísimas ocasións. Hoxe segue emocionando escoitala!

We are the world

we are the children,

we are the ones who make a brighter day

so let's start giving

There's a choice we're making

we're saving our own lives

It's true we'll make a better day

just you and me.  

Somos o mundo
Somos os nenos
Somos os que facemos un día máis brillante
Así que comeza a dar
Hai unha decisión que estamos facendo
estamos salvando as nosas propias vidas
É certo, faremos un día mellor

só ti máis eu.