xoves, 18 de febreiro de 2021

ENTROIDO 2021

Hoxe escríbovos para contarvos como celebramos o Entroido neste curso tan diferente... Xa que
decidimos non disfrazarnos coma en anos anteriores, quixemos que o Meco presidira o corredor do colexio cos seus mandadiños, de tal xeito que nos fixera lembrar que esta é unha época para ver as cousas con algo de humor, que tamén é necesario. Se premedes sobre a imaxe, podedes ver todas as fotos que fixemos ao longo da semana.

O mércores, ademais, visitounos Pedro Brandariz, quen nos entretivo cunha sesión de "Contos Choqueiros" para todo o centro. Se premedes aquí veredes as fotos.

E, para despedir o Entroido, esta mañá queimamos o Meco despois do recreo, dando así por finalizada unha das festas tradicionais máis destacadas da nosa comunidade. Podedes ver as imaxes premendo aquí.

Unha aperta,

                  Rosiña.

Ningún comentario:

Publicar un comentario