PROXECTO 2019-20 e DÍA MUNDIAL DAS AVES MIGRATORIAS

Esta tarde deixeivos a cartiña na que anunciamos o proxecto deste curso, que irá sobre as AVES. Imaxino que xa lestes todo o que nel vos conto, pero por se algunha persoa quere relela, premendo AQUÍ podedes acceder a ela.

Ademais, o próximo 12 de outubro celébrase o "Día Mundial das Aves Migratorias", e nesta ocasión non podemos deixar pasar inadvertida esta data, máis aínda cando chega acompañada dun cartel coma o desta ocasión, adicado á protección das aves contra a contaminación dos plásticos.

Mira o seguinte vídeo e reflexiona sobre o que nel se conta:

A organización que promove o envento, a "World Migratory Bird Day" explica dun xeito moi resumido como afecta o plástico ao medio ambiente en xeral e ás aves en particular, ademais de facer unha proposta de cousas que podemos facer todas nós para mellorar o mundo, porque do que si estou convencida é de que todas os actuacións deixan pegada, así que o que fagamos IMPORTA!!!

Pensa/pensade nunha proposta coa que poidas/poidamos comprometerte e depositádea na caixa que se colocará a vindeira semana (do 7 ao 11 de outubro) na entrada da biblioteca.

Por último, quería dicirvos que entre os socios do "Día Mundial das Aves Migratorias" atópase unha das científicas máis importantes do mundo, JANE GOODALL, quen tamén fai unhas declaracións moi interesantes sobre este tema. 

FOLGA POLO CAMBIO CLIMÁTICO

Este venres, 27 de setembro, está convocada unha folga a nivel mundial contra o cambio climático. En todos os países do mundo realizaranse concentracións e manifestacións relacionadas con este tema que nos afecta a todas as persoas, pero non só ao ser humano, senón ao conxunto da Terra. Trátase dun tema realmente preocupante, así que tamén no noso cole nos queremos sumar a esta protesta dun xeito colectivo.

Déixovos aquí un vídeo de Greta Thunberg, a rapaciña que o ano pasado comezou unha iniciativa que conseguiu traspasar todas as fronteiras, onde explica como podemos comprometernos con algo tan serio:

CHARLA SOBRE PESCA

Na xornada de hoxe recibimos no cole a David Arcay, a quen convidaron dende o Concello para que dera unha charla para o alumnado de 3º a 6º de Primaria nos centros de Mazaricos sobre a pesca sen morte. David falounos dalgúns dos peixes que podemos atopar nos ríos do contorno, e en que consiste a actividade na que, ademais, el é tetracampión do mundo.

Premendo aquí podedes ver as fotos da xornada, así como algúns vídeos, que se completou cunha demostración no patio e un xogo en equipos.

ENTREVISTA EN RADIO ROSIÑA

Hoxe inauguramos o outono, e ademais facémolo cunha noticia estupenda!!!! Ademais de que chegou a chuvia, que tanta faltiña facía, estou contentísima de traervos aquí a primeira emisión de "Radio Rosiña" neste 2019-20, un curso no que a matrícula do noso cole aumentou un pouquiño, e non só grazas aos nenos e nenas que comezan en 3 anos coa profe Puri, senón tamén nos grupos de Primaria. Ese é o caso de 1º e 2º, onde quixeron aproveitar esta noticia para compartila con todas as persoas que escoitamos "Radio Rosiña". Así que prepararon unha entrevista para falar con Álex e Paulina, quenes contan de onde veñen, como eran os seus anteriores coles e como se sinten na nosa escola, onde estamos tan contentas con este neno e esta nena tan encantadores. Xa podedes escoitar o programa que gravaron coa profe Sonia! Seguro que vos gusta tanto como a min!!!

INAUGURAMOS O CURSO 2019-2020

Xa está inaugurado o curso 2019-2020!!! E como vén sendo habitual nos últimos anos, para iso reunímonos no patio do cole, onde Xavier, o noso director, se encarga de presentar ás nenas e nenos que se matriculan na nosa escola por primeira vez, así como ás súas familias e ao novo profesorado, ademais de dar a benvida a todas as persoas que nos coñecemos de cursos anteriores, incluíndo o servizo de conserxería e ás estupendas cociñeiras!!!

Despois diso, fixemos unha roda para escoitar unha canción que bailamos todas xuntas seguindo unhas instrucións moi sinxelas, e que vos deixo aquí para que a poidades desfrutar noutras ocasións:

Tamén as fotos, porque sei que vos encanta velas e comentalas coas vosas familias e amigos/as!

Preme aquí para ver todo o álbum.

Queremos tamén agradecer a visita de alumnos e alumnas marabillosos/as que agora emprenderon outras etapas, pero que a súa presenza sempre enche de alegría esta escoliña e a todas as persoas que tivemos a sorte de compartir con eles e elas as etapas de Infantil e Primaria. E aínda seguen medrando!!! Rubén, Andrea, Nuria, Uxía, Julia, Mario, Raúl... GRAZAS POR VIR!!!

Así que nada máis que desexarvos un curso moi feliz, cheo de ilusión e de ganas por aprender e compartir!!! COMEZAMOS!!!!

OS VÍDEOS DO FESTIVAL DE FIN DE CURSO

Aquí están os vídeos do festival de fin de curso!!!! Seguro que tedes moitas ganas de velos, así que imos alá!!!

 A presentación fixérona Daniela e Pablo:

A primeira actuación foi a do grupo de Infantil, coa canción de Paco Nogueiras "Teño que investigar":

Paula e Mª José presentaron a segunda actuación:

3º e 4º interpretaron "A saia da Carolina":

A seguinte actuación foi a de 1º e 2º, que representaron "Tempo tolo", outro tema de Paco Nogueiras:

Paula e Pablo presentaron a seguinte actuación:

Aquí están 5º e 6º  interpretando "Eu quero ser unha árbore":

Paula e Daniela presentaron aos grupos de Infantil e 3º e 4º de Primaria:

Esta é a interpretación de "Mazarico", na que o grupo de Infantil cantou e as nenas e nenos de 3º e 4º bailaron:

Pablo e Mª José presentaron aos seus compañeiros e compañeiras:

5º e 6º elixiron "Ni la hora" para o festival de fin de curso:

Paula e Daniela despediron o festival e presentaron a última actuación:

"Chega xuño e as vacacións" foi a última actuación do festival, coa que despedimos o curso 2018-19:

13-Chega xuño e as vacacións from Rosiña biblioteca on Vimeo.

Espero que vos gusten tanto como a min!!!! Grazas a Marco por encargarse da gravación destas actuacións...

Unha aperta enorme e FELIZ VERÁN!!!!

FESTIVAL DE FIN DE CURSO

Pois xa rematou o curso... Teño moitísimas ganas de ver os vídeos das vosas actuacións, e subilos tamén ao blog para que todas as persoas poidades velos!!! Pero mentras non chega ese momento, aquí vos deixo as fotos que fixo o profe David durante a mañá de festa que vivimos o pasado venres. Foi un festival de fin de curso curtiño pero moi fermoso, onde todas as persoas que participaron puxeron moito esforzo e moita ilusión e cariño. Seguro que todo iso se nota tamén nestas fotos tan fermosas. Premede AQUÍ ou sobre as imaxes para velas.

As nenas e nenos de Infantil encargáronse de inaugurar o último festival do curso.

Despedímonos cantando e tocando "Chega xuño e as vacacións".

GUÍA DE LECTURA E SANCOSMEIRO Nº 32

Mañá remata o curso, e como é habitual, no noso cole o día anterior facemos entrega das notas e de dúas cousiñas que nos fan especial ilusión: a guía de lectura para o verán e a revista escolar. Tamén nesta ocasión foi así, polo que imaxino que en moitos dos vosos fogares xa pasastes a tarde léndoas e comentándoas. Espero que vos gustaran moito, e que vos animedes a ler algúns dos libros que con tanta ilusión vos recomendo. En canto á revista, desexo tamén que sexa motivo para compartir bos momentos de parola coas vosas familias, amigos/as, veciños/as, etc. Tamén no blog podedes facer os comentarios que creades oportunos...

Premendo AQUÍ podedes descargar a GUÍA DE LECTURA.

E AQUÍ atoparedes "O Sancosmeiro" deste curso no que a ciencia nos foi marcando un camiño cheo de grandes coñecementos.

Unha aperta enorme,

NOTICIAS DESDE RADIO ROSIÑA

OLA!!!! Posiblemente sexa este o último podcast do curso, que xa remata mañá!!! Os seus protagonistas son as nenas e nenos de Infantil, que gravaron un programa adicado a noticias. Pero non pensedes que se trata dun noticieiro como os que estamos habituados a escoitar nas coñecidas emisoras, ou na televisión. PARA NADA!!! Estas son noticias que inventaron eles e elas mesmos/as, a partir da lectura dun dos contos máis solicitados na biblioteca: "A vaca que puxoi un ovo". Ademais, o xeito no que están anunciadas, a súa maneira de expresarse, é auténtica e chea de enerxía e alegría... Vamos, que non podedes perder este curioso e sorprendente programa de noticias. Desde "Radio Rosiña" aquí vos deixamos o podcast de Infantil: 

"CANTA MIÑA PEDRA, CANTA"

Charo Pita e Xoán Curiel actuaron para os 3 centros do concello.

Este é o título da representación que fomos ver esta mañá na casa da cultura de A Picota: "Canta miña pedra, canta". Neste espectáculo participan o músico Xoán Curiel e a contadora Charo Pita, a través do cal ofrecen algúns relatos populares e cancións que Antonio Fraguas (o escritor ao que este ano se lle adicou o Día das Letras Galegas) recolleu ao longo da súa vida. Ademais de desfrutar da función, entregáronnos un libro de agasallo a cada unha das persoas que asistimos á función, na que desfrutamos moito.

Premendo sobre a imaxe podedes ver as fotos e algúns vídeos deste "Canta miña pedra, canta".