COMO ESCRIBIR UNHA BIOGRAFÍA

Ola!!!

Como xa sei que nalgúns cursos andades investigando sobre a vida dalgunhas persoas que se adicaron á ciencia, seguro que vos interesa ter a man "COMO ESCRIBIR UNHA BIOGRAFÍA", que elaborei coa axuda do Equipo de Biblioteca. Esperamos que vos sexa útil!!!

ROSIÑA ANUNCIA O NOVO PROXECTO

Esta tarde Rosiña deixou unha carta en todas as clases da escola, para anunciar o tema do Proxecto Documental Integrado deste curso: a CIENCIA!!!! Carai, coa de cousas que podemos incluír dentro desa temática... 

Deixámosvos aquí a carta para que poidades lela de novo e para que vaiades tamén inspirándovos e presentedes o voso lema!!!

Por outra parte, tamén vos queremos recordar, de parte de Rosiña, que as Mochilas Viaxeiras están listas para partir aos seus primeiros fogares neste curso, así que estade ben atentos e atentas á foto que estará o venres no peto correspondente da mochila do corredor. Desexamos que desfrutedes moito dela en todas as familias!!!!

Unha aperta!!!

DAMOS A BENVIDA AO CURSO 2018-19

Ola!!! Que tal estades? Cargados/as de enerxía para comezar un novo curso? Seguro que si!!!! Xa puiden ver que o mércores chegastes todas as persoas moi puntuais ao cole, aínda que algunhas traían unha cariña de sono... Había moita emoción, moitas ganas de ver aos amigos e amigas, de estrenar os novos materiais escolares, de coñecer ao novo profesorado, de poñernos algo tristes polas persoas que botaremos de menos... Pero comezamos con moita enerxía, como facemos sempre, e para iso nesta ocasión eliximos unha canción de Kenia, "Jambo bwana", na que saúdan ás persoas que chegan de visita a ese país, e preséntano como un lugar marabilloso no que non debes ocupar a túa vida con preocupacións. Seguramente algúns atrancos xurdan ao longo deste 2018-19, pero o importante é que consigamos superalos, e para iso é moi importante apoiarse nas persoas que nos rodean. No cole somos unha "grande" familia na que desexamos que esta primeira semana fora o comezo dunha etapa chea de momentos inesquecibles. (Premendo na imaxe podedes ver todas as fotos e o vídeo coa canción)

Alá imos!!!!

PREMIO NA FUNDACIÓN FERNANDO BLANCO DE CEE

A Fundación Fernando Blanco de Lema, en Cee, convocou para este curso recén rematado o "V Concurso de Debuxos". Nesta ocasión, o tema sobre o que xirarían os mesmos eran os xogos populares e tradicionais, e na clase de 3º e 4º animáronse rapidamente a participar, xa que o curso pasado un dos gañadores foi Miguel Barrul, lembrádesvos?

Pois nesta edición tamén tivemos unha persoa gañadora: NEREA Ozón Otero, de 4º curso!!!! Que alegría, Nerea!!!! Xa sabemos que estabas moi nerviosa o pasado sábado, día da entrega de premios, pero nas fotos o que podemos apreciar é que estabas guapísima e moi ben acompañada!!!!

 

Nerea acompañada pola súa familia o día da entrega dos premios.

 Ademais da túa familia, ata Cee tamén se achegou Xavier, o noso director, sempre tan pendente dos nosos pasos, quen ademais se encargou de mandarme estas fotiños para o noso blog (podedes ver mais premendo sobre a imaxe).

Este foi o debuxo que presentou Nerea, no que representa a unha nena xogando á mariola, e para o cal empregou témperas, rotuladores, papel prateado e plastilina. Que bonito quedou!!!

Un exemplo máis de que, con ganas e ilusión podemos conseguir moitas cousas!!!!

Alegría e orgullo para todas as persoas que formamos parte desta etapa da túa vida. NORABOA, NEREA!!!!

FESTIVAL DE FIN DE CURSO

Pois desta maneira despedimos o 2017-18, un curso no que as viaxes, o turismo e o noso patrimonio foron a parte central da nosa aprendizaxe. E tamén estivo moi presente nas actuacións do festival de fin de curso!!! Seguro que estades desexando ver as fotos que fixemos, así que aquí volas deixo, para que poidades compartilas coas vosas familias, amizades, veciños... 

Unha aperta enorme e FELIZ VERÁN para todas as persoas que nos len a través do blog!!!

Premendo AQUÍ atoparedes un feixe de imaxes!!!

O SANCOSMEIRO Nº 31 E UNHA GUÍA DE LECTURA PARA O VERÁN

Desta maneira rematamos hoxe a xornada: entregando o último número da nosa revista escolar "O Sancosmeiro", que xa vai polo número 31. Esperamos que guste moito a todas as familias e que sexa un bo recurso para compartir lembranzas, conversas, sorrisos... Déixovola tamén no blog:

E a guía de lectura para o verán tamén:

AS NENAS E NENOS DE 4 E 5 ANOS EN RADIO ROSIÑA!!!!

Vaia notición!!!! E que alegría tan grande cando vos escoitei!!!! Esta mañá estiveron en "Radio Rosiña" as nenas e nenos de 4 e 5 anos!!!! E alí gravaron a historia de "A margarida branca", porque no festival de mañá queren cantar a canción. Como é moi curtiña, o profe Óscar propúxolles ler a historia desta flor. Encantoulles a idea, e aproveitando a nosa radio, pensamos que era boa idea lelo con tranquilidade no fermoso estudio que temos. E quedou tan ben que non me canso de escoitarvos... 

Lembrámonos moito de Uxía, que esta temporada non puido estar connosco, pero quédannos moitas aventuras máis en "Radio Rosiña"!!!!

Escoitade a primeira gravación destes marabillosos/as artistas: Alicia, Pablo, Anxo, Lucía, Luzdivina, Ainhoa, Laura e Olalla. Recoñecedes as súas voces?

XORNADA DE CONVIVENCIA 2018

Vaia xornada tan estupenda a do venres!!! Tivestes un día espectacular, desfrutastes moito das actividades que fixestes e da compañía de todas as persoas que vos acompañaron...Unha mágoa que algunhas non puideran ir convosco, pero por suposto lembrástesvos moito delas e por iso tamén quero contarlles todo o que fixestes nesta xornada de convivencia tan turística...

En bus viaxastes ata O Grove, onde ás 12 subistes nun catamarán no que fixestes un percorrido pola Ría de unha hora de duración. Navegar polo mar mentras falabades, escoitabades ás persoas da empresa contándovos en que consistía o traballo das bateas en canto ao cultivo dos mexillóns, das vieiras e ostras foi unha experiencia única. Ademais, puidestes tamén bailar un pouco e degustar uns mexillóns exquisitos!!! 

Despois visitastes o Acuario, no que puidestes ver diferentes tipos de peixes ao tempo que vos ían contando algunhas das características de diferentes zonas de Galicia en canto aos ecosistemas marítimos.

E por último, o xantar. Para iso viaxastes ata a Illa da Toxa, e nun parque ben fermoso aproveitastes para comer, falar, xogar, etc. Despois da comida algunhas persoas animáronse a visitar a Aldea Grobit, e pouco máis tempo quedou, xa que tocaba regresar de novo a San Cosme.

Pasástelo xenial e no cole queremos agradecer a todas as persoas que axudaron a que todo saíra así de ben!!!!

Como estaredes ansiosos/as por ver as fotos, premendo AQUÍ podesdes acceder a elas!!!

TEXTOS GAÑADORES NO CONCURSO DAS LETRAS GALEGAS 2018

Pois aquí están os escritores que nos faltaba por escoitar, que gañaron este curso o premio das Letras Galegas 2018. 

Empezamos con Guille, de 1º de Primaria, que nos le así de ben a súa creación:

Seguimos con Alejandro, de 4º de Primaria, que presentou un conto que escribiu coa profe Cris na aula de A.L. e P.T. Alejandro, ademais, inspirouse nunha fermosa anécdota que vivimos este curso no cole, cando coñecemos aos peregrinos Ginés, Marina e Komotú no seu percorrido por San Cosme hacia Fisterra.

E, por último, Paula Barcia, tamén de 4º de Primaria, que tamén nos le o seu conto en "Radio Rosiña":

NORABOA A TODOS E TODAS, tanto ás persoas gañadoras coma a todas as que participaron no concurso!!!!

PROGRAMA ESCOLAR DE CONSUMO DE LEITE E PRODUTOS LÁCTEOS

O Ministerio de Agricultura e Pesca, Alimentación e Medio Ambiente, co apoio económico da Unión Europea, levou adiante esta iniciativa ao observar que as estatísticas amosan un descenso no consumo de leite e produtos lácteos na poboación española de menor idade. O obxectivo do programa é fomentar o seu consumo, ademais de dar a coñecer a importancia do leite para manter unha dieta equilibrada. 

Ao noso cole tamén chegou esta charla, que estivo dirixida por Patricia, quen expuxo os contidos en dúas quendas: a primeira para o alumnado de Infantil e 1º e 2º de Primaria (premede AQUÍ para ver as fotos); a segunda, para as nenas e nenos de 3º a 6º (premede AQUÍ para ver as fotos).