Despois do recreo xuntámonos na biblioteca, e alí Concha falounos un pouco de datos históricos que sucederon o 5 de abril de diferentes anos. Tamén nos lembrou datas relacionadas cos libros e outras anécdotas máis persoais. Pero o momento no que mellor o pasamos foi cando puidemos facerlle as preguntas que fomos apuntando durante esta temporada, preguntas que xurdiron tras ler a súa autobiografía ou algunha das súas obras. E Concha contestou tranquilamente unha por unha, convertendo a sesión nun rato moi entretido. Así, descubrimos cal é o seu escritor preferido, por que lle gusta escribir dentro do coche, como se fixo escritora, as súas afeccións, se prefire comezar a escribir as súas historias a man ou directamente no ordenador, cales son as súas temáticas preferidas..., e un montón de cousas máis!!!
Despois, firmounos algúns dos exemplares dos nenos e nenas que os trouxeron ao cole, e tamén algúns dos que temos na biblioteca e que tanto nos gustan. Un deles, ademais, inspirou ao profe Óscar para preparalo con música, e esta foi a nosa maneira de agradecerlle a Concha a súa visita ao noso centro: cantando e lendo o poema "Un, dous, tres" do seu libro "Do, Re, Mi, fantasía". E pensamos que lle gustou moito!!! Como seguro que lle gustaron os agasallos das meniñas e meniños de Infantil, e que Concha levou para a súa casiña.
Desde aquí queremos agradecer a posibilidade de reunirnos con Concha a Isabel, da libraría "Ler" de Santa Comba, que nos facilitou este encontro e moitas outras cousas! Graciñas ás dúas por facer posible un rato tan agradable.
Quen sabe se desta xuntanza sae algunha historia, ou algún escritor ou escritora?
Premede AQUÍ para ver todas as fotos do encontro.
Quen sabe se desta xuntanza sae algunha historia, ou algún escritor ou escritora?
Premede AQUÍ para ver todas as fotos do encontro.
Ningún comentario:
Publicar un comentario