O DÍA DA PAZ EN RADIO ROSIÑA

Bos días!!!

As nenas e nenos de 5º e 6º anunciáronme hoxe unha noticia estupenda: realizaron un programa en "Radio Rosiña" falando do Día da Paz. Seguro que estades desexando escoitalas e escoitalos!!! Eu xa o fixen, e o certo é que me encantaron!!! Aquí vai o enlace para que poidades tamén facelo vós: 

Apertas,

Rosiña

CELEBRACIÓN DO DÍA DA PAZ

Un ano máis, o 30 de xaneiro celébrase o "Día da Paz", data na que aproveitamos para coñecer algunhas das moitas persoas que adican a súa vida a facer deste mundo un lugar no que os problemas se solucionen a través do diálogo e o respecto a todos os seres que habitamos a Terra. Partindo da lectura sobre Marte, deseñamos unha actividade que consistía en transformar o deus da guerra para os romanos no noso particular deus da paz. E quedounos verdadeiramente bonito, elegante e divertido!!!

Premendo sobre a imaxe podedes ver todas as fotos.

Xunto a esta actividade, unimos tamén a proposta pola ONG Save the Children, da cal somos centro embaixador. A Carreira Quilómetros de Solidariedade celebrouse nesta XVIII edición para recadar cartos para os países do Corno de África: Etiopía, Somalia e Kenia. Para iso, nas aulas coñecemos un pouquiño a situación na que se atopan as nenas e nenos deses lugares, e en 5º e 6º fixeron unha pequena presentación que nos gustou moito a todas as asistentes. Despois saímos ao patio para facer un pequeno circuíto ao soliño e xuntamos os cartos de todos os grupos, rematando así unha xornada que deberiamos ter presente todos os días do ano, xa que como dicía Gandhi: "non hai camiño para a paz; a paz é o camiño". 

Todos os grupos participaron na Carreira Save the Children.

Unha aperta,

Rosiña 

O "DÍA DA PAZ" EN "RADIO ROSIÑA"

Aquí chega o programa en "Radio Rosiña" adicado ao "Día da Paz", que celebramos o 29 de xaneiro. Debido a algúns problemas técnicos tivo que retrasar a súa emisión, pero penso que mereceu a pena, xa que as nenas e nenos de 5º e 6º esforzáronse moito para contárnolo así de ben!!! Esperamos que vos guste moito e EN HORA BOA!!!

Premendo AQUÍ podedes ver tamén as fotos que fixemos durante esa xornada.

Unha aperta,

 

 

DÍA DA PAZ

O vindeiro día 30 celebraremos o Día da Paz. Neste 2021 tamén queremos unirnos á proposta de Save The Children, a ONG que colabora con países que se atopan en situacións peores que as que estamos vivindo nos países chamados desarrollados. Nesta ocasión, adican a "Carreira de Solidaridade" á República Democrática do Congo, así que durante estes días trataremos de coñecer máis algúns datos sobre este país africano.

Mentras tanto, cóntovos que no Google sites adicado ao proxecto tedes un texto sobre a ave que eliximos este curso como símbolo da paz: a grúa. Premendo aquí podedes lelo e acceder a algúns vídeos. 

E mentras non chega o venres, seguiremos facendo grúas de papel... Chegaremos ás 1000? Cumpriranse os nosos soños?

Unha aperta enorme!!!!

 

 

CELEBRAMOS O DÍA DA PAZ

Esta mañá, un 30 de xaneiro máis, celebramos o "Día da Paz" no cole. Aínda que todos os días do curso traballamos para que os diferentes conflitos que se producen se resolvan de xeito pacífico, debemos ter en conta esta data dentro da nosa historia. Por iso, o alumnado de 5º e 6º preparou un manifesto que leu no acto que tivo lugar no corredor do colexio, onde nos falaron de Gandhi. E como unimos a esta celebración a "Carreira Save the Children", tamén fixeron un mural no que nos contaron a onde van destinados nesta ocasión os cartos que se recadaron: a Bangladesh, onde se atopa o campo de refuxiados máis grande do mundo, Cox Bazar. Aquí viven na actualidade arredor de 1.000.000 de persoas da etnia rohingya, que foron obrigadas a fuxir do seu país de orixe, Myanmar desde o ano 2017. Nós tamén nos sumamos á proposta da ONG, e para iso fixemos unha pequena carreira no centro e xuntamos diñeiro que será ingresado na conta que Save the Children nos facilitou. 

Imaxe da pomba que decoramos para celebrar o Día da Paz.

Tamén montamos a pomba da que cada grupo tiña unha parte, que decorou para a celebración, quedando fermosísima!!! Premendo sobre ela podedes ver máis fotos da celebración.

Despedimos o acto cantando e bailando "Don Melitón":

"... anda no ar o paxariño,

dame un abrazo, dáme un biquiño..."

AS VACINAS DO BO TRATO EN "RADIO ROSIÑA"

Xa podemos escoitar as vacinas que preparastes nas vosas clases!!!! E lembrade que as probamos todas e funcionan perfectamente, así que non debedes esquecer tomalas na dose que cada grupo recomenda!!!!

Para aquelas persoas que teñan problemas de memoria, lembrade que estarán dispoñibles en "Radio Rosiña" para escoitalas sempre que queirades, ademais de que podedes descargar o podcast e levalo a calquera lugar...

Aquí está a que crearon en Infantil:

En 1º e 2º de Primaria preparáronos esta fórmula:

En 3º e 4º de Primaria tamén teñen unha vacina máxica:

En 5º e 6º de Primaria non teñen dúbida de que funciona a súa fórnula:

Eu podo confirmarvos que as probei todas, e dependendo da situación, prefiro tomar unha ou outra, pero por suposto que funcionan!!!!!

CELEBRACIÓN DO DÍA DA PAZ

"Pegamentox", o virus de Infantil

Mañá ben fermosa a deste 30 de xaneiro, na que nos reunimos no corredor do cole para celebrar o "Día da Paz". Certo é que de sobra sabemos que este non é un tema que tratemos de atender soamente cada 30 de xaneiro, xa que cada un dos días que vivimos ha de estar marcado por situacións pacíficas: escoitarnos, axudarnos, respectarnos, abrazarnos, querernos... Sen embargo, nunca está de máis recordar a persoas que loitaron (e seguen loitando) para que os problemas que poidan xurdir non se solucionen mediante guerras, loitas e outras formas de violencia. Hoxe falamos de Mahatma GANDHI, pero tamén soaron nomes doutros grandes pacifistas mundiais: Martin Luther King, Teresa de Calcuta, Nelson Mandela; así como de artistas que fixeron da música, da pintura ou da literatura auténticos manifestos pola paz: John Lennon, Pablo Picasso ou Eduardo Galeano, entre moitas outras persoas.

E vós, nas diferentes aulas, deseñastes un Violentovirus moi malvado, pero como este curso sodes as mellores científicas do universo, conseguistes dar coa vacina para atacalo: a Vacina do Bo Trato. Despois de escoitar as vosas propostas, non me cabe ningunha dúbida de que funcionará!!!

Ademais diso, celebramos a "Carreira Save the Children", para a cal o grupo de 6º preparou unha presentación sobre Zaatari, o campo de refuxiados para o cal vai destinada a recadación de "Quilómetros de solidaridade" nesta XV edición.

E rematamos cantando e bailando, coas "Apertas que voan" de Paco Nogueiras. E démonos un feixe de abrazos, porque nos encanta!!!

Queredes ver as fotos? Premede na imaxe ou AQUÍ.

Tamén podedes ler a presentación que fixeron en 6º no seguinte enlace:

DÍA DA PAZ

Este curso celebramos o Día da Paz propoñendo unha actividade que nos enviaron desde UNICEF, que ademais ten moito que ver co mundo da ciencia. Déixovos aquí a carta que vos escribín para que poidades lela tamén desde o blog:

Os vídeos para entender un pouquiño o que é un virus son os seguintes:

 

Vémonos o vindeiro 30 de xaneiro!!!

O NOSO DÍA DA PAZ

Quedouvos un acto moi fermoso para a celebración deste Día da Paz!!! Gustoume moito vervos a todas xuntas na entrada da biblioteca, onde os grupos de 5º e 6º leron un manifesto en voz alta. Despois puxestes unha canción africana que me encantou, e bailastes todos no corredor!!! Para rematar o acto, fostes pegando na entrada da biblio as siluetas que recortastes durante estes días. E lembrade que ese camiño temos que continualo por todos os recunchos que nos movamos ao longo da vida. Así como repartimos abrazos ao rematar a celebración desta tarde, REPARTIDE PAZ alá por onde vaides!!!!

Podedes ver as fotos premendo AQUÍ.

DÍA DA PAZ

Chega o 30 de xaneiro e, un ano máis, sumámonos á celebración do Día da Paz. Todos os días tratamos de repartir momentos de paz de maneiras moi diferentes: saudándonos, axudándonos, tratando de resolver os conflitos sen usar a violencia, practicando mindfulness, abrazándonos... En ocasións resultan momentos casi máxicos, e noutras require un maior control das nosas emocións, pero o importante é que todas as persoas pensemos que esta é a mellor maneira de camiñar. 

E xa que falamos de camiñar, deseñamos unha actividade relacionada co Camiño de Santiago, xa que será un dos proxectos que desenvolveremos ao longo do curso no cole. Para iso, eliximos as siluetas dos símbolos que máis rapidamente asociamos á paz, para marcar un camiño que faga recordar tamén á Vía Láctea, e que nos levará a un dos lugares preferidos do centro: a biblioteca!!!

Eu xa estiven vendo que recortarades moitas desas siluetas, que mañá colocaredes para que non deixen de brillar nunca... 

Mentras non chega ese momento, quería que virades tamén un par de vídeos que atopei para que reflexionedes e faledes sobre o que neles sucede.

O primeiro titúlase "Reach", e nel o director amosa o valor do altruísmo e a solidariedade. Toda boa acción acaba tendo a súa recompensa??? 

 

A outra curtametraxe leva por título "Swing of change". Ambientado no Nova York dos anos 30, despois da Gran Depresión (1929), a época na que se orixina o swing e na que existían grandes conflitos raciais. A curta conta a historia de Harry, un barbeiro racista que cambiará a súa actitude tras descubrir unha trompeta máxica.

 

 

DÍA DA PAZ 2017

Aquí están as fotos do 30 de xaneiro, o día que celebramos un pequeno acto con motivo do Día da Paz. Nesta ocasión xuntounos a música, a de Beethoven en especial, xa que a súa "Oda a alegría" é un auténtico himno contra a violencia. Desfrutamos moito compoñendo parte desta partitura que despois escoitamos todos xuntos, falando deste grande compositor da historia da música e rematando a celebración cunha boa dose de apertas e bicos ao ritmo de "Don Melitón". Foi unha tarde estupenda, ou non? Premede AQUÍ para velas todas!!!

PODE A MÚSICA PARAR UNHA GUERRA?

Onte celebramos o Día da Paz, e no cole reunístesvos para montar parte da partitura que compuxo Beethoven e que forma parte da súa 9ª Sinfonía: a coñecida "Oda á alegría". Cada aula decorou os compases que lle tocaron dunha maneira moi fermosa, así que vos felicito a todos!!! Emocioneime vendo como seguiades as notas cando comezou a soar a música e canta o barítono... 

Sei que nas aulas falastes de paz, pero tamén de cousas que significan todo o contrario. Alguén pode preguntarse: se a música é tan poderosa, pode chegar a parar unha guerra? Pois vouvos contar unha historia que me gustaría que gardarades na vosa memoria. Aquí vos vai:

Para que serve a música? Nas lecturas do proxecto integrado deste curso ofrécense varias respostas a esta pregunta, pero hai moitas máis. Desde aquí queremos contestar a unha pregunta concreta: Pode a música parar unha guerra?

Esta historia verdadeira comezou na Noiteboa do ano 1914, no máis cruel dunha guerra especialmente cruel: a Primeira Guerra Mundial. As tropas británicas e as do imperio austrohúngaro estaban bloqueadas en todo o norte de Europa: ningún exército podía superar ao outro. Librábanse duras batallas por conquistar metros de terra que ao dia seguinte se volvían perder. Como os exércitos non avanzaban (nin podían deixar que o outro avanzase), construíronse trincheiras, que son escavacións estreitas e longas onde se colocaban os soldados para disparar e protexerse do fogo inimigo. Estas trincheiras recibiron o nome de fronte occidental: dúas liñas escavadas na terra, separadas por poucas decenas de metros, que ían desde Suíza ata o Mar do Norte.

A vida dos soldados era tan dura como se poida imaxinar xa que tiñan que permanecer alí, ao aire libre, chovese, nevase ou ventase. Nesas condicións chegou a Noiteboa do ano 1914, e aqueles soldados atrapados no medio do monte puxéronse a celebralo como podían nesas situacións. E puxéronse a cantar. E sucedeu que o bando alemán empezou a cantar unha panxoliña que en alemán se chama Stille Nacht, en inglés Silent night, e é a mesma canción que nós coñecemos como “Noite de Paz”. E como todos coñecían a canción, amigos e inimigos puxéronse a cantar xuntos e intercambiarse saúdos e felicitacións.

Á mañá seguinte, no día de Nadal, acordouse unha tregua durante a cal se aproveitou para recoller aos compañeiros caídos e celebrar un acto pola súa memoria. Tamén se intercambiaron presentes... e mesmo se xogou ao fútbol!

A chamada TREGUA DE NADAL estendeuse a outras zonas, e aínda que nalgúns lugares só durou un día, noutros casos a tregua mantívose ata o mes de febreiro.

Sobre esta historia tan especial fixéronse libros, películas, música... mesmo un anuncio bastante axustado á realidade:

O músico e antigo membro dos Beatles, Paul McCartney, tamén falou deste suceso no vídeo que fixo para a canción Pipes of peace:

Así que... pode a música parar unha guerra? Pode! E mesmo evitala, como ocorreu na Revolución dos Caraveis... Pero diso xa falaremos noutra ocasión.