Comezamos a semana con dúas xornadas adicadas á ciencia! Para iso, viñeron ao cole Suso e Amparo, as persoas que forman "Ciencia en movemento" e que xa coñecemos de cursos anteriores. Nesta ocasión, trouxeron varias propostas relacionadas co universo, xa que é o tema sobre o que estamos centrándonos este ano. O luns asistiron ao mesmo o alumnado de 3º a 6º de Primaria, e o martes tocoulle a quenda ás aulas de Infantil e 1º e 2º de Primaria.
A través das fotos podedes lembrar todo o que nos contaron sobre o sistema solar, algunhas curiosidades dalgúns planetas, as fases da lúa, a importancia dos avances científicos para coñecer o espazo, etc. E tamén houbo tempo para realizar algún experimento moi interesante.
 |
| O alumnado de 5º e 6º atendendo ás explicacións de Suso. |
 |
| Julia amosando o seu experimento. |
Moitísimas grazas a Suso e Amparo por achegarnos, unha vez máis, todos estes interesantes contidos.
Apertas,
Rosiña
Ningún comentario:
Publicar un comentario