Ola, rapaces e rapazas!!!
Tremenda actividade a desta mañá no cole!!! De auténtico luxo!!! Foi suficiente ver os vosos rostros saíndo da biblioteca para descubrir que vos encantou este obradoiro. E non é para menos, xa que tivemos a grandísima sorte de recibir a Sara Carrasco e Silvia Iglesias. Estas dúas rapazas forman 13 Grados, unha cooperativa creada no 2020 e que xa foi recoñecida como o mellor proxecto recente neste 2022 pola Xunta de Galicia. Claro que o teñen ben merecido, porque ademais de tratarse dun proxecto moi comprometido co medio ambiente (en particular o medio mariño), son un exemplo de que as mulleres poden acceder ao mundo da ciencia e, ademais neste caso, combinalo con algo tan atractivo como é a ilustración. E sobre isto foi o obradoiro desta mañá, a ilustración científica. En dúas quendas, Sara e Silvia conseguiron que as nenas e nenos do cole participaran con atención e grande ilusión facendo algo que nos encanta: observar a natureza e debuxala ou pintala. Os resultados foron fantásticos, xa que a maxia destas dúas rapazas supera os lapis con truco, os papeis e moitas barreiras máis. Premede sobre a imaxe para comprobar o moito que aprendemos e o ben que o pasamos!!!
 |
| A biblioteca esta mañá transformouse nun auténtico museo. |
Apertas,
Rosiña
Ningún comentario:
Publicar un comentario