Onte comezaron as sesións de Contacontos a cargo do alumnado de 6º curso. A encargada de inaugurar a actividade foi Andrea Labandeira, quen fixo unha versión da historia da coñecidísima Pippi Calzaslargas (Pippi Långstrump). Este personaxe literario, creado pola escritora sueca Astrid Lindgren, caracterízase pola súa forza e por ter dúas mascotas que a acompañan nas incontables aventuras que vive: un cabalo de lunares e un mono tití. Orfa de nai, o seu pai é un pirata. Pippi tamén é moi imaxinativa e rebelde, e vive nunha casa moi peculiar.
De todo isto nos falou Andrea, quen se caracterizou para a ocasión, como podedes ver nas seguintes imaxes (preme AQUÍ). O alumnado de Infantil, 1º e 2º de Primaria, desfrutou moitísimo desta "Hora de Ler", así coma o profesorado que o acompañou. Andrea, NORABOA!!!
Ningún comentario:
Publicar un comentario