BIBLIOTECA ESCOLAR VÍCTOR SÁENZ

XA ESTAMOS DE ENTROIDO

2012-02-14T23:39:00.002-08:00

Esta semana o noso Meco comezou a enviarnos os seus mandadiños:

- Luns: traer algo na cabeza

- Martes: traer algo na cara

- Mércores: traer algo no pescozo

- Xoves: traer todo o dos días anteriores e máis un mandil.

- Venres: Viremos todos con disfraces relacionados coa temática do bosque, pois é o tema principal no noso Proxecto Integrado deste ano " Sementado bosques de palabras"

Para traballar nas aulas deixámosvos aquí dúas recompilacións de recursos que nos gustan moito e que imos disfrutar para celebrar estas festas:

A Coordinadora Galega de Equipos de Normalización e Dinamización Lingüística comparte connosco este interesante enlace cheo de recursos para o Entroido (pincha no peliqueiro).

E dende o blogue O Recanto de Mik do C.E.I.P. Mestres Goldar de Vigo, chéganos outra das súas proveitosas recolleitas de recursos esta vez sobre o Entroido. (Pincha onde o paiaso). Grazas polo voso traballo compañeiros!

Eres o que máis sabe sobre estas festas?? Compróbao nesta Busca do Tesouro sobre o Entroido Tradicional Galego.

<p>&amp;amp;amp;lt;p&amp;amp;amp;gt;&amp;amp;amp;amp;amp;lt;a href="http://www.quizrevolution.com/act82670/mini/go/o_entroido"&amp;amp;amp;amp;amp;gt;o_entroido&amp;amp;amp;amp;amp;lt;/a&amp;amp;amp;amp;amp;gt;&amp;amp;amp;lt;/p&amp;amp;amp;gt;</p>

Falece Germán Sánchez Ruipérez

2012-02-14T23:06:00.000-08:00

O día 12 de febreiro faleceu aos 85 anos de idade, D. Germán Sánchez Ruipérez, fundador do grupo Anaya e de Edicións Xerais de Galicia (co seu socio Xulián Maure). Era un home que estaba moi ligado ao mundo da educación, da lectura e da cultura. En 1981 fundou a instución que leva o seu nome: a FUNDACIÓN GERMÁN SÁNCHEZ RUIPÉREZ, dedicada á actividade educativa e cultural e centrada na difusión e extensión da cultura do libro e da lectura. Os seus proxectos teñen como obxectivos promocionar o acceso ao dereito á lectura, a experimentar con novas formas de lectura e novos modelos de xestión da biblioteca e do traballo cos contidos na educación.

Coa morte de Germán Sáenche Ruipérez, a cultura e a educación perden a un dos seus grandes mecenas e valedores do último medio século. Así o reseñan tanto en España como no estranxeiro, personalidades dos ámbitos da cultura, a educación, a política, a economía, os medios de comunicación social, os seus amigos, e todos aqueles que o lembran como o creador de Anaya, editorial cuios libros de texto foron e son empregados nas ecolas por xeneracións de escolares.

DÍA DOS NAMORADOS

2012-02-13T10:41:00.000-08:00

Mañá celebramos o Día dos Namorados e aínda que todos andamos un pouquiño agobiados confeccionando os nosos disfraces, Rosiña non quere que pasedes por alto un día tan especial como este. O amor enche as nosas vidas e as fai máis doadas e fermosas e queremos celebrar este día cunha exposición de libros que falan de tenrura, de amizade, de pasión, de agarimos, de bicos, de confidencias, de confesións...

Buscade o voso libro "especial" na exposición que preparou Rosiña para vos.

E para inspirarvos un pouquiño deixámosvos tamén uns videos que de seguro ides a disfrutar moito e aos que tamén lles podedes sacar moito proveito na clase.

O primeiro trata do amor entre "insectos". Siiiiiiiii, os insectos tamén poden namorarse. Este vídeo será moi útil para os rapaces e rapaces de 4º curso que están investigando sobre a vida dos insectos. Titúlase "Historia de amor"

E este outro, está dedicado a todo aquel que se sinta "locamente" namorado de esa persona tan especial que fai que a nosa vida sexa realmente emocionante!!

Biquiños namorados para todos!!

2012-02-10T02:40:00.000-08:00

Os nosos rapaces e rapazas de 2º están traballando nun PROXECTO DOCUMENTAL SOBRE AS AVES DO BOSQUE. A nosa Rosiña, desde a biblioteca, deixoulles moitos libros sobre os paxaros pero ahora tamén quere recuperar para eles unhas curtametraxes de Disney que de seguro lles van a encantar.

Trátase de dúas curtametraxes animadas da colección Silly Symphonies producida por Walt Disney entre 1929 e 1939.

A primeira curta está en blanco e negro e é do ano 1931 e titúlase "Paxaros de diferente plumaxe".

Na 2ª curta xa se introduxo a cor. É de 1933 e titúlase "Paxaros en primavera".

E para rematar un video máis. Este xa é mais moderno, do ano 2000, pero tamén é de Disney, en concreto de Disney Pixar. Titulase "Para las aves". De seguro, vois ides rir moito con el.

ESPERAMOS QUE VOS GUSTEN!!!

CELEBRACIÓN DO DÍA DA PAZ

2012-02-09T06:16:00.000-08:00

O día 30 de xaneiro celebramos o Día da Paz no noso cole cunha chea de actividades:
Pola mañá visionamos varias películas e vídeos:
Infantil traballou o vídeo basado no libro "Wangari e as árbores da Paz".

O 1º e o 2º ciclo visionaron e traballaron sobre a película "El gigante de hierro"

O 3º Ciclo visionou e traballou a película "Azur e Asmar" baseada no libro do mesmo nome. (pincha na imaxe para vela)

Despois todos os rapaces do cole escribiron os seus desexoS de paz en pequenas pombiñas de papel e con elas fixemos "A ÁRBORE DOS NOSOS DESEXOS DE PAZ".

Quedounos fermoso verdade??

Para finalizar saímos ao patio a cantar e bailar unha canción titulada " Camiño de Viseu". Para rematar un representante de cada clase compartiu con todos nós o seu desexo de Paz ao micrófono e logo soltamos unhas fermosas pombas que os levaxen moi lonxe.

E aquí tedes o video resumo de este día tan especial para nós.

A biblioteca tamén puxo á nosa disposición unha exposición de fondos relacionados co tema da Paz.

Un contiño do lobo para os nenos e nenas de Infantil

2012-02-07T06:58:00.000-08:00

Os nenos e nenas de Infantil están preparando coa súa profe un proxecto sobre os lobos e a biblio quere enviarlles un contiño para traballar na HORA DE LER. Titúlase: O estufado do lobo.

Enviámoslles o texto para que lean coa súa profe e tamén un video para ver despois.

Esperamos que o disfrutes moito.

Open publication - Free publishing - More hora de ler

A profe Ana pode consultar aquí unha secuencia didáctica para traballar este conto.

COMO FACER UN TRABALLO MONOGRÁFICO

2012-02-02T12:05:00.000-08:00

Este curso estamos a traballar, como ben sabedes, arredor da temática dos bosques nun PROXECTO INTREGRADO que titulamos SEMENTANDO BOSQUES DE PALABRAS. Levamos varios meses buscando información, acudindo a charlas de expertos e aprendendo unha infinidade de cousas sobre os nosos bosques.

Agora cada grupo-clase vai a centrarse nun aspecto concreto do bosque e vai a investigar e profundizar nel para logo elaborar un traballo monográfico.

Dende a biblioteca, a nosa Rosiña quere recomendarlles a todos eles, unha presentación que nos chega desde o C.E.I.P. de LEIRADO en Salvaterra do Miño. Esta presentación trata de ensinarnos como realizar un traballo como os que nós queremos facer. É unha presentación moi sinxela e que vos poder orientar sobres os pasos que debedes dar para levar a bo termino esta encomenda.

Se tedes dúbidas preguntádelle á vosa profe.

COMO FACER UN TRABALLO MONOGRÁFICO

More PowerPoint presentations from CEIP DE LEIRADO

Dende aquí queremos agradecer ao nosos compañeiros do C.E.I.P. de Leirado que compartan este estupendo traballo con nós e enviámoslles os nosos saúdos.

PARA REFLEXIONAR

2012-01-30T14:48:00.001-08:00

Unha peli para traballar no DÍA DA PAZ

2012-01-23T06:10:00.000-08:00

Dende o blogue TRAFEGANDO RONSEIS do que somos seguidores, suxírennos a película CUANDO EL VIENTO SOPLA para que traballemos co gallo da celebración do DÍA INTERNACIONAL DA PAZ E A NON VIOLENCIA.

Está basada nun cómic do mesmo nome publicado no ano 1983 de Raymond Briggs publicado pola Editorial Debate na versión de Rosa Montero.

Película e libro narran a historia de dous avós que asisten impotentes ao comezo dunha guerra nuclear, dende a inxenuidade e a sinxeleza loitan pola súa propia supervivencia provocando que ao lector ou ao espectador se lle encolla o corazón.

Podedes ver a película en 7 fragmentos que están subidos a youtube e que vos deixamos a continuación:

-Cuando el viento sopla 1

-Cuando el viento sopla 2

-Cuando el viento sopla 3

-Cuando el viento sopla 4

-Cuando el viento sopla 5

-Cuando el viento sopla 6

-Cuando el viento sopla 7

Os profes tedes orientacións didácticas para traballar esta película aquí

CELEBRACIÓN DO DÍA DA PAZ

2012-01-22T12:47:00.000-08:00

O día 30 de xaneiro celebraremos, como cada ano, no noso colexio o DÍA DA PAZ E A NON VIOLENCIA en conmemoración da morte de Mahatma Gandhi. Durante esta semana, iremos realizando todo tipo de actividades na aulas para conmemorar este día.

Dende a biblioteca, coma a sempre, tratamos de facilitarvos as cousas proporcionándovos unha extensa recompilación de recursos para traballar nas aulas.

O Seminario Galego de Educación para a Paz ofrece a todo o profesorado, moi diversos materiais e recursos didácticos que poden baixarse gratuítamente da rede.

Charla no noso cole: ACHEGAMENTO AO MUNDO DAS AVES

2012-01-22T11:33:00.000-08:00

O pasado venres día 20 de xaneiro, veo a visitarnos FRAN BREA, un dos técnicos do CEM s.coop.galega: unha cooperativa pioneira no traballo profesional no ámbito da educación ambiental en Galicia.

Nós xa coñecíamos a Fran pois foi o noso guía o curso pasado cando visitamos a Lagoa de Baldaio dentro das actividades organizadas dende a biblioteca entorno a campaña "Mergúllate nun mar de libros". Podedes ver o vídeo da nosa excursión si pinchades na páxina da campaña.

Fran ofreceu aos rapaces de 2º a 6º curso e aos seus profes, unha charla sobre AS AVES que poblan os nosos bosques.

En principio ía a ser unha charla de hora e cuarto pero estabamos todos tan interesados no tema que, ao final, Fran falounos de paxaros durante dúas sesións e medio recreo. Foi todo un éxito!!

Os rapaces e rapaces estaban entusiasmados, e como son rapaces do rural galego, amosaron os coñecementos que xa tiñan sobre as aves.

Para que poidades lembrar sempre esta charla, ou se non poidestes asistir, ou se eres un papá ou mamá interesado en coñecer as cousas que aprende o teu fillo /a no cole, aquí vos deixamos os vídeos.

Queremos enviar dende aquí, un forte apreta a Fran polo seu bo facer e agracerlle a paciencia e o tempo que nos dedicou.

Charlas no cole: "OS NOSOS BOSQUES" e "DESCUBRINDO A NOSA NATUREZA"

2012-01-22T11:09:00.000-08:00

O mércores 19 de Outubro recibimos no cole a unha técnica do CEM s.coop.galega: unha cooperativa pioneira no traballo profesional no ámbito da educación ambiental en Galicia. Esta especialista, que se chamaba Charo, ofreceu aos rapaces de 2º e 3º ciclo e aos seus profes, unha charla sobre OS NOSOS BOSQUES. A continuación, ofreceu outra charla titulada "DESCUBRINDO A NOSA NATUREZA" dirxida ao alumando de Educación Infantil e de 1º Ciclo de Educación Primaria.

Dende a nosa Biblioteca decidimos organizar esta charla dentro das actividades deseñadas en torno ao PROXECTO INTEGRADO deste ano: SEMENTANDO BOSQUES DE PALABRAS,proxecto este, que xira, como ven sabedes, en torno ao tema dos bosques.

Como xa fai un par de mesiños desta charla, colgamos os vídeos aquí para que os vexades e lembredes todo o que aprendimos aquel día sobre os bosques.

1ª parte da Charla: "Os nosos bosques" CEIP VÍCTOR SÁENZ from bibliotecavictorsaenz on Vimeo.

2ª parte da Charla:"Os nosos bosques" CEIP VÍCTOR SÁENZ from bibliotecavictorsaenz on Vimeo.

3ª parte da Charla:"Os nosos bosques" CEIP VÍCTOR SÁENZ from bibliotecavictorsaenz on Vimeo.

Charla: " Descubrindo a nosa natureza" CEIP VÍCTOR SÁENZ from ceipvictorsaenz on Vimeo.
Envíamoslle dende aquí un saúdo á nosa amiga Charo. As súas explicacións foron para nós moi interesantes y agradecémolle moito a súa paciencia e agarimo.

O SEGREDO MELLOR GARDADO DAS BIBLIOTECAS E LIBRERÍAS

2012-01-11T04:49:00.000-08:00

Vouvos contar un segredo...
Sabedes o que pasa nunha biblioteca ou nunha librería cando pechamos as súas portas, apagamos as luces e marchamos para as nosas casas??

Nunca se vos ocurriu pensar que fan os libros mentres nós durmimos??

Pois aquí tedes o segredo mellor gardado de librerías e bibliotecas...

LEMBRADE !!!

É UN SEGREDO!!

NON SE VOS OCURRA CONTARLLO A NINGUÉN!!

O RATO PÉREZ

2012-01-09T14:59:00.000-08:00

Hoxe, cúmprensen 161 anos do nacemento de LUIS COLOMA, escritor, xornalista e xesuída español, especialmente coñecido polo seu labor como autor de literatura infantil e moi en especial por crear ao popular RATONCITO PÉREZ.
Luis Coloma naceu o 9 de xaneiro de 1851 en Jerez de la Frontera. Aínda que se licenciu en Dereito mantivo unha clara vocación cara á escritura durante toda a súa vida, colaborando desde moi novo con publicacións como El Tiempo, Xornal político da tarde de Madrid e El Porvenir de Jerez, onde deixou claro o seu apoio á restauración dos Borbóns.
Foi precisamente o Rei Alfonso XIII o destinatario da súa creación máis famosa: o Ratoncito Pérez. O personaxe é un pequeno rato que deixa agasallos a cambio dos dentes que os nenos depositan debaixo das súas almofadas, algo que se converteu en tradición en España e Latinoamérica. O conto orixinal foi escrito por petición da corte, despois de que ao rei, que entón tiña 8 anos, se lle caese un dente.
A fama do Ratoncito Pérez de Luís Coloma mantívose ata os nosos días, chegando ata a protagonizar a película "PEREZ, EL RATONCITO DE TUS SUEÑOS" en 2006 e "PEREZ, EL RATONCITO DE TUS SUEÑOS 2" en 2008. Luís Coloma é ademais autor de numerosos contos curtos e biografías.

Podedes atopar a historia do Ratoncito Pérez nestes libros:

- "El ratoncito Pérez".Olga Lecaye. Editorial Corimbo.
- "La noche del ratoncito Pérez". Caroline Pistinier. Editorial Corimbo.
- "El ratoncito Pérez y sus amigos". Olga Lecaye. Editorial Corimbo.

A NOSA CARTA PARA OS REIS MAGOS: GUIA DE LECTURA 2011

2011-12-20T03:10:00.000-08:00

Aínda non escribiches a carta para os Reis Magos??? De verdade?? Pero a qué estás esperando??

Bueno, como de seguro, xa oiches na tele ou na casa, estamos en tempos de CRISE; así que tes que facer peticións con moito sentidiño e pensar que aos Reis tamén lles afecta a crise.
Non podemos pedir todo o que queiramos pero sí podemos elixir cousas que non son moi caras e que, sen embargo, nos van a facer pasar momentos moi divertidos.
Eu suxírovos que elixades aquí algún dos vosos regalos para Reis. Podo asegurarvos que todos serán do voso gusto.
Xa ten forma de carta así que se a imprimides tan só tedes que rodear o que queredes.

Open publication - Free publishing - More nadal

NADAL 2011

2011-12-19T06:22:00.000-08:00

Estes días andamos todos a tope no cole, atarefados co Nadal: postais, actuacións, festival, obras de teatro, cancións, ...

Lembrarvos que tedes a vosa disposición unha recompilación de recursos moi completa sobre o Nadal elaborada pola COORDINADORA GALEGA DE EQUIPOS DE NORMALIZACIÓN E DINAMIZACION DA LINGUA GALEGA á que podedes acceder dende aquí:

Tamén contades coa recompilación de Recursos sobre o Apalpador elaborada dende a nosa biblioteca. Non esquezades visitala.!!!

10 DE DECEMBRO: DÍA INTERNACIONAL DOS DEREITOS HUMANOS

2011-12-10T00:27:00.000-08:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

CHARLA NO COLE: " Achegamento ao mundo do cogomelos"

2011-12-06T13:45:00.000-08:00

O luns 7 de novembro recibimos no cole a unha técnica do CEM s.coop.galega: unha cooperativa pioneira no traballo profesional no ámbito da educación ambiental en Galicia. Esta especialista ofreceu aosrapaces de 2º e 3º ciclo e aos seus profes, unha charla arredor do mundo dos cogomelos.

Os cogomelos son un producto do outono moi prezado por todos. Cada ano máis persoas buscan, recollen, cociñan e comen cogomelos silvestres. O mundo destes fungos silvestres é tan interesante como complexo e perigoso. Para comprender un pouquiño mellor a estes "seres dos bosques", dende a nosa Biblioteca decidimos organizar esta charla dentro das actividades deseñadas en torno ao PROXECTO INTEGRADO deste ano: SEMENTANDO BOSQUES DE PALABRAS, proxecto este, que xira, como ven sabedes, en torno ao tema dos bosques.

Aquí vos deixamos os vídeos por si alguén quere lembrar todo o que aprendemos ese día.

Tamén queremos achegarvos unha páxina web elaborada dende o C.E.I.P. de Pedrouzos de Brión cunha chea de xogos e actividades sobre os cogomelos. Pincha na imaxe e disfrútaos:

CONCERTO DE SON+D2 NA PICOTA

2011-12-04T09:01:00.000-08:00

O xoves 17 de novembro acudimos á Casa da Cultura da Picota para asistir, xunto cos outros dous centros educativos do concello (o CEIP Pino de Val e o CPI da Picota), ao concerto didáctico de grupo SON+D2.

SON+D2 é un trío acústico no que unha guitarra, dúas voces e a percusión ademais doutros sons da nosa vida cotiá mextúranse dun xeito tradicional e experimental.

O su obxectivo do seu concerto foi mostrar aos rapaces e rapazas os diferentes instrumentos contando a súa historia particular e facelos participar nun concerto-xogo interactivo para que disfrutasen da música e coñecesen as diferentes músicas do mundo.

Aquí tedes o algunhas imaxes do concerto:

Pasámolo pipa verdade?
AQUÍ atoparedes tamén a letra das súas cancións.

MAGOSTO 2011

2011-12-04T03:12:00.000-08:00

O primeiro de todo, pedirvos desculpas polo retraso. Estiven un pouquiño liada estas últimas semanas, pero agora xa están aquí as vosas fotos do Magosto. Este ano tivemos que comelas debaixo do patio cuberto porque o tempo non nos deu moita tregua.

De paso que as vedes podedes ir cantando a canción que cantamos ese día ¿lembradela?

Titúlase "Arao" e é do disco Pelo Gato 24.

No vídeo tamén salen os nosos ex-alumnos de 6º do curso pasado que quixeron acercarse ao cole a disfrutar connosco do Magosto. Desde aquí enviámoslles un bico enorme e moitos ánimos para esa nova etapa da súa vida que comezaron en setembro.

ESCOLA DA PAIS: primeira sesión. CINE-FORUM

2011-11-24T01:36:00.000-08:00

Continuando coas charlas para familias organizadas dende o Departamento de Orientación en colaboración co Servicio de Prevención de Drogodependencias da Asociación Neria, convocamos aos pais e nais do noso alumnado, a unha primeira sesión de CINE-FORUM o venres 25 ás 12:30. Co gallo da celebración do DÍA INTERNACIONAL CONTRA A VIOLENCIA DE XÉNERO, visionaremos o documental "AMORES QUE MATAN" da directora Iciar Bollaín.

Trátase dunha curtametraxe de 20 minutos de duración que nos acerca á idioloxía machista e permítenos explicar algúns dos valores sobre os que se constrúe esta idioloxía. Aproxímanos tamén a "outra" forma de ser home, a de aqueles que se relacionan coas mulleres nun plano de igualdade e fan pública a súa oposición aos malos tratos ás mulleres e ao seu rexeitamento ao uso da violencia contra a súa parella. Esta curta é unha invitación a reflexionar sobre si é posibel a rehabilitación dos homes maltratadores.

Papis, mamis... esperámosvos!

25 DE NOVEMBRO: DÍA INTERNACIONAL CONTRA A VIOLENCIA DE XÉNERO

2011-11-21T22:34:00.000-08:00

O venres celebraremos o DÍA INTERNACIONAL CONTRA A VIOLENCIA DE XÉNERO.

A escola non é un espazo neutral. Nela transmítense valores, modelos, esteriotipos e convírtese nun lugar ideal onde sementar a erradicación das desigualdades. De ahí xorde a necesidade de contar con materiais didácticos que nos axuden a acabar coa lacra social do maltrato ás mulleres.

A nosa biblio quere contribuir a esta causa poñendo a vosa disposición unha recompilación de materiais e recursos dirixidos a mestres e alumnos que faciliten o traballo sobre estes valores agora que se acerca este día tan importante. Pinchade sobre o logo de abaixo para acceder a eles.

CARTEL PUBLICITARIO "SEMENTANDO BOSQUES DE PALABRAS" E AGASALLO DE NACHO CARRIQUÍ

2011-11-13T23:30:00.000-08:00

Ola rapaces e rapazas!!

POR FIN!!!

Por fin temos rematado o cartel para a nosa campaña-proxecto de este ano: SEMENTANDO BOSQUES DE PALABRAS

Busquei un bosque fermoso e vestinme adecuada para a ocasión!! Espero que vos guste!!

Que vos parece??? Gústavos??? Saín guapa, verdade???

Imos pasalo en grande este ano traballando e aprendendo infinidade de cousas sobre os BOSQUES.

Lembrade que todos os recursos que recollamos sobre os bosques e tamén todas as actividades e traballos nos que parcipemos estarán colgados na páxina do proxecto. Pincha nela para botarlle unha ollada!!

Tamén podes acceder a esta páxina buscando o Cartel no lateral dereito do blogue: no apartado de Campañas de Animación.

Atopáchelo???

Agora teño unha sorpresiña máis para vós!!!

É un agasallo dun poeta.

Chámase Nacho Carriquí e foi compañeiro de colexio da profe Asun cando tiña a vosa idade.

De pequeno era un pouco traste, como moitos de vós! Pero tiña unha aficción secreta, moi secreta.

Unha afición preciosa: gustáballe moito a poesía.

Tanto que gañou algún concurso por terras catalanas.

Fai mes e medio prometeulle a Asun escribir algo especial para todos vos, os nenos e nenas de Mazaricos.

E cumpriu a súa promesa.

É un poema que fala do bosque dende a mirada dun neno.

Open publication - Free publishing - More bosques

Verdade que é fermoso??

Enviámoslle desde aquí o noso agradecemento a Nacho Carriquí por este agasallo tan especial para nós.

MAÑÁ: VIDEOCONFERENCIA SOBRE OS BOSQUES

2011-11-03T06:11:00.000-07:00

Como ben sabedes, durante este curso estamos a traballar o tema dos bosques e participaremos en todas aquelas actividades complementarias nas que se nos presente oportunidade e que estén relacionadas con esta temática.

É por ista razón pola que mañá, venres día 4, participaremos nunha vídeoconferencia de Dª Mª Isabel Fraga Vila sobre os bosques como parte integrante do desenvolvemento sostible do planeta e os seus beneficios económicos, socioculturais e ambientais que proporcionan contribuíndo á erradicación da pobreza e o logro dos obxectivos de desenvolvemento, acordados internacionalmente, incluídos nos obxectivos de desenvolvemento do Milenio.

Mª Isabel Fraga Vila é a directora do Museo de Historia Natural e profesora de Botánica da Facultade de Bioloxía da USC. Publicou, entre outros traballos de investigación e divulgación no ámbito da botánica, a Guía Verde de Santiago de Compostela (Alvarellos 2010), un traballo que recolle información sobre todos os parques e zonas verdes da capital galega, ademáis dunha guía botánica con fotos, debuxos e comentarios de 150 especies arbóreas presentes na cidade.

Esta videoconferencia está organizada pola Coordinadora Galega de Equipos de Normalización e Dinamización Lingüística e dirixida ao alumnado de 2º e 3º ciclo de Educación Primaria.

REFRÁNS DE OUTONO

2011-11-03T00:13:00.000-07:00

Dende a Biblioteca do C.E.I.P. Esteiro de Ferrol chéganos esta fermosa recolleita de REFRÁNS DE OUTONO que comparten con todos nós. Botádelle un ollo, xa veredes que traballo máis interesante.

Open publication - Free publishing - More refrans

Enviámoslles desde aquí o noso agradecemento por compartir connosco o seu traballo.

PREMIADOS NO CONCURSO DE HISTORIAS DE MEDO SAMAÍN 2011

2011-10-30T04:44:00.000-07:00

O venres tamén se entregaron os premios do Concurso de Historias de Medo Samaín 2011. Os premios foron financiados pola AMPA e contamos ca presencia dunha das súas representantes.

E os gañadores foron:

" Fantasma de medo": Conto colectivo do alumnado de Infantil

Open publication - Free publishing - More conto

" O lobishome no bosque": Traballo colectivo do grupo de 2º curso de Primaria

Open publication - Free publishing - More conto

" Matt e o bosque maldito": Conto de Julia Pereiro Facal de 3º curso de Primaria

Open publication - Free publishing - More conto

"O bosque embruxado": Conto de Tatiana Barcia Blanco de 6º curso de Primaria

Open publication - Free publishing - More conto

Grazas a todas a todos os rapaces e rapazas por participar!!!

CONCURSO DE CABAZAS SAMAÍN 2011: EXPOSICIÓN E GAÑADORES

2011-10-30T04:11:00.000-07:00

Esta é a nosa Exposición de Cabazas do SAMAÍN 2011. Fíxate ben a ver si consigues ver a túa!!

E istos son os gañadores do Concurso de este ano. Felicidades rapaces!! Fixestes un traballo estupendo!

Estas son as súas cabazas.

Aquí vos deixamos imaxes da entrega de premios na que participou unha nai representante da AMPA.

O primeiro premio foi financiado pola AMPA.

3º premio: Ainhoa Cal Currais (Infantil 5 anos). Aquí coa profe Ana e a representante da AMPA.

2º premio: Miriam Cambeiro Caamaño (6ºcurso) coa a profe Susi e a representante da AMPA.

1º premio: Xabier Paris Moledo (4ººcurso) co profe Pedro e a representante da AMPA.

Grazas a todos os rapaces e rapazas por participar e, sobre todo, grazas ás familias por colaborar!!

EXPOSICIÓN DE FONDOS SAMAÍN 2011

2011-10-30T02:27:00.000-07:00

Ata o venres 28 tivemos unha exposición de fondos na biblioteca relacionados coa temática do medo que os rapaces puideron disfrutar durante HORA DE LER de todos estes días. Aquí vos deixamos unhas fotos.

Un regaliño para este Samaín

2011-10-27T07:34:00.000-07:00

Ola rapaces!!!

Teño un regaliño para vós.

Trátase dunha curtametraxe animada que de seguro vos vai a encantar. Está dirixida polo animador granadino Rodrigo Blaas afincado en California que traballa para os Estudios de Animación Pixar desde o ano 2002. Rodrigo participou en películas que estou segura de que vos coñecedes ben: Buscando a Nemo, Cars, Los increibles, Wall-e y Up.

Tres anos de traballo foron necesarios para crear esta curtametraxe de cinco minutos de duración, que recrea a historia dunha nena que, recorrendo as frías rúas, atopa unha antiga tenda de xoguetes que lle causa moita curiosidade.

A curta titúlase "Alma". Espero que vos guste.

Alma from Rodrigo Blaas on Vimeo.

SAMAÍN 2011: Convocado Concurso de Historias de Medo.

2011-10-23T11:55:00.000-07:00

Bueno, pois xa empezou o outono definitivamente. Hoxe nótase máis verdade? Día pasado por auga. Xa era hora!! Botaba moito de menos a chuvia. Vós non??

O outono traenos a primeira festividade do curso: o SAMAÍN. Lembrade que tedes unha morea de recursos para traballar e disfrutar estas datas aquí:

Esta semana enviei a todas as clases unha carta animándovos a participar no Concurso de Historias de Medo que organizamos desde a Biblioteca para conmemorar esta festa.
O CARTEL do concurso é este e xa está colgado nos corredores do colexio. Gústavos?

Aquí tedes a miña carta coas bases do concurso. Animádevos todos!! Espero que o día 27 o meu buzón esté cheo cos vosos traballos. Sorte a todos!!

Open publication - Free publishing - More concursos

NOVO CURSO NOVO PROXECTO NOVA CAMPAÑA

2011-10-09T16:07:00.000-07:00

Ola rapaces!!!

Hoxe quero facervos un anuncio moi especial.

Os profes coa miña axuda, levan unhas semanas pensando, decidindo e artellando un novo tema para o PROXECTO E A CAMPAÑA DE ANIMACIÓN Á LECTURA deste curso. E parécenos que xa é hora de anunciarvos cal é o tema escollido.

Durante este curso imos traballar o tema............

....

dos BOSQUES a través dun proxecto que imos titular:

SEMENTANDO BOSQUES DE PALABRAS

E vos pensaredes: Por qué se escolleo ese tema e non outro???

Fácil!!! Porque o 2011 foi declarado ANO INTERNACIONAL DOS BOSQUES

Todo o traballo que vaiamos facendo ao longo do curso sobre o tema dos bosques e todos os recursos que recompilemos estarán á vosa disposición na seguinte páxina (pincha sobre a imaxe)

Ahhhhh!!! Xa me esquecía!!!

Ahora que xa temos tema e tamén un lema para o noso proxecto, fáltanos presentarvos o CARTEL DA CAMPAÑA. Pero neste punto, os profes aínda andan a traballar como a locos!!! Ademáis eu aínda teño que ir a mercar un traxe especial relacionado cos bosques porque, de momento, aínda ando co bikini, coas aletas e coas gafas de mergullar do curso pasado. De seguro que os profes, me axudan a escoller o modelo e me sacan unha foto bonita para ensinarvos.

Estade ben atentos!!! Xa veredes que "juapa" me poñen.

AS MOCHILAS VIAXEIRAS VOLVEN A EMPRENDER VIAXE

2011-10-09T09:32:00.000-07:00

O venres, as nosas Mochilas Viaxeiras, volveron a saír do cole cargadas para viaxar por Mazaricos visitando os fogares dos nosos nenos e nenas.

De novo, unha morea de contos, poesías, comics, libros de coñecementos, revistas, discos, películas, lecturas para papás e mamás.... escollidos polos titores especialmente para cada un dos seus alumnos marchan para para convivir coas súas familias durante 15 días.

As Mochilas voltarán con moito que contar nos seus cadernos viaxeiros nesta experiencia que xa vai co terceiro curso en funcionamento.

Rosiña continua, moi atenta dende a biblio, asegurándose de que todo funcione correctamente e de que ningunha mochila se retrase na chegada ao seu destino.

¡BOA VIAXE E BOAS LECTURAS!

SEMANA MUNDIAL DA LACTANCIA MATERNA

2011-10-08T15:38:00.000-07:00

Esta semana que acaba de rematar (do 2 ao 9 de outubro) celebrouse a Semana Mundial da Lactancia Materna. Para conmemorar esta data queremos recomendarvos 3 libros moi especiais:

O primeiro deles é un libro recentemente publicado por a Editorial OQO. A súa autora chámase Charo Pita, e xa a coñecemos por outras obras que temos na biblioteca (Velliñas, Igor, O Arco da Vella). Fala dun neno pequeno que queda a cargo dun bebé que seica ten fame pero ao que non sabe como alimentar, ata que chega a nai do bebé e encárgase del do mellor xeito posible. Fermoso conto para achegar algo tan natural e "máxico" aos máis peques.

As mulleres, ás veces, inquíetanse ao saber que van a ter un bebé e mentras agardan ven o mundo con ollos distintos. Teñen ganas de ser fonte e deciden entón que o seu corpo sexa a fonte da que brote nova enerxía dando fonte ao seu recién nacido. Este fermoso libro está escrito por outra escritora galega ben coñecida por nós: Teresa Moure e ilustrado por un dos nosos ilustradores favoritos: Leandro Lamas.

E o último tamén é de Teresa Moure. Conta a simpática voz dun bebé que dende que viu a súa nai, soubo que se ían querer porque dende o primeiro momento ela entendeuno. Narra o namoramento dunha madre e o seu fillo, as visitas e o momento central: cando a mamá lle da de mamar ao neno. Outro libro ilustrado por Leandro Lamas.

EXPOSICIÓN DE LIBROS PARA PAIS E NAIS

2011-10-04T15:08:00.000-07:00

O máis importante para conseguir que os teus fillos lean é predicar co exemplo; porque os fillos son o reflexo dos seus pais.

SE TI LES, ELES LEN!!!

Debes ser o modelo a seguir para os teus fillos, e ler no teu tempo libre. Se é xunto a eles, moito mellor!!!

A nosa biblioteca recibiu o curso pasado unha donación de cartos para mercar libros para adultos por parte dos pais e nais colaboradores do comedor escolar.

Aquí tedes unha mostra. Estes e moitos máis están na biblioteca a vosa disposición!!

DISFRUTADE DA LECTURA !!!!

MAÑÁ COMEZA O OUTONO

2011-09-20T12:44:00.000-07:00

Aínda que pareza mentira con estas calores que estamos disfrutando estes días, mañá CHEGA O OUTONO tamén a Mazaricos.

Dende a Biblioteca do CPI Viaño Pequeno de Trazo nos chega esta fermosa presentación de imaxes sobre o outono.

Fermosas imaxes verdade??? Poderían ser de Mazaricos pero foron tomadas na Selva de Irati. Non sabedes onde está?? Pois xa sabedes, ide a biblioteca a buscar información sobre ese lugar.
Queredes unha pequena axudiña!!: consultade este enlace: http://www.selvadeirati.com/

Ademais deixámosvos este pequeno fragmento dun comentario do escritor Ramón Otero Pedrayo sobre este cambio de estación. A aldea, o outono, os labregos: o noso.

"Xa os derradeiros días de sol amañeceron
unhas mancholas cor de cobre nas ponlas
máis valentes dos vellos negrillos da estrada.
Os amieiros musicais afeitos a seguir a carreira das
augas tamén adquiren unha mística pureza de ouro
melancólico sobre o lucir da alba. As campás do val
rachan as xordas néboas. No serán locen feixes de
rosas murchas nas montañas do poente. O outono.
“¡Que triste está a aldea!” din os cidadáns
maxinando os camiños lamigosos, as casas afumadas,
os espellos da auga encorada nos sucos do
centeo, o trecolear dos zocos nas costas pedregullentas.
O vivir parece que detén o seu ritmo ó
compás do crecemento das noites e do medoñento
caer das follas e dos ourizos nos soutos seculares. Xa
non estoupan os foguetes da festa nin se ergue o
alalá das escascas coma nas doces noites setembrinas.
O cidadán pensa que a aldea morre
agardando coa paciencia dos penedos a que volte o
ledo rexurdir primaveral. Mais chegádevos a unha
verdadeira parroquia campesía, ollade prós terreos,
entrade nos curros e veredes que a vida lonxe de se
deter, corre máis axiña e loce máis luminosa igual
que a lapa petrucial da lareira..."
Novembro 1926
Ramón Otero Pedrayo

NOVO PREMIO PARA AGUSTÍN FERNÁNDEZ PAZ

2011-09-15T23:06:00.000-07:00

Esta semana recibimos tamén unha boa nova: Agustín Fernández Paz recibiu outro novo premio. Esta vez o Premio Iberoamericano SM de Literatura Infantil e Xuvenil que se entrega na Feria Internacional do Libro de Guadalajara (México) dotado con 22.000€. O xurado distinguiuno pola "súa extensa obra narrativa, que aborda unha gran diversidade de xéneros e temas".

Podedes consultar a noticia na Voz de Galicia dende AQUI e tamén unha ENTREVISTA que lle fixeron con motivo deste premio.

Dende aquí queremos enviarlle a nosa máis sinceira noraboa e non podemos deixar de sentirnos orgullosos dun dos escritores galegos máis admirados por nós.

O curso pasado os alumnos do noso CLUB DE LECTURA "OS XURELOS LECTORES" leron unha das súas obras "As flores radioactivas". De seguro que lles gustará moito ler esta nova.

BENVIDA A UN NOVO CURSO: 2011-2012

2011-09-14T22:42:00.000-07:00

Hola nenos e nenas!

Xa estou aquí de novo, despois dun verán cheo de boas lecturas que de seguro vos fixeron disfrutar dunha morea de aventuras, verdade?.
Hoxe quero darvos a benvida e dexesarvos que este novo curso que empeza, o 2011-2012, sexa polo menos tan especial para vós como o foi o pasado.
Os vosos profes xa están comezando a preparar unha chea de novas experiencias para vós e mándanvos unha enorme abrazo de benvida a todos.
Agárdovos na biblioteca, preparando cousas estupendas para vós. Estade atentos, axiña teredes noticias miñas.

Moitos bicos!

AS BIBLIOTECAS ESCOLARES GALEGAS DESPÍDENSE DE Mª DOLORES

2011-09-14T22:01:00.000-07:00

Comezamos o curso con tristeza.

Temos que despedir á compañeira Mª Dolores Martínez Tobío, docente no IES Luis Seoane de Pontevedra e responsable da biblioteca escolar do centro. Hai só uns meses que Mª Dolores nos puxo a Salvar Libros por centros de toda Galicia. Salvar os libros que valen a pena, as linguas nas que se escriben eses libros, as bibliotecas nas que se gardan... a memoria dunha mestra que día a día traballou a favor da cultura e a educación.

Este é un documento colaborativo como tantos outros nos que Mª Dolores adoitaba participar co seu habitual entusiasmo. Desgraciadamente convocounos hoxe a súa despedida e pensamos nesta pequena homenaxe que xorde da mesma rede que ela axudou a tecer. Canto tempo e ilusión dedicados a Biblioiris, a súa bitácora vinculada á biblioteca escolar do instituto! Por iso os nosos blogs lamentan hoxe a súa ausencia. Por iso esta entrada será publicada por moitos outros centros, ademais dos que aquí figuran. Esperamos que este documento saiba representar tamén a tantas persoas que, desde a rede PLAMBE das bibliotecas escolares galegas, desexan expresar o seu pesar e as súas condolencias á familia e amigos da nosa compañeira. Son tantos os centros que a súa relación excede as dimensións deste documento.

Grazas Mª Dolores polas palabras, polas reflexións, polas propostas, polo tempo, polo que fixemos xuntos e que permitirá seguir camiñando pola ruta das bibliotecas escolares.

Cristina Novoa

Pilar Sampedro

Asesoría Bibliotecas Escolares

Imaxe das ligazóns: Rapaza lendo. Gustav Adolf Hennig

LOITO NAS BIBLIOTECAS ESCOLARES GALEGAS.

2011-09-11T04:32:00.000-07:00

Onte enterámonos, a través do Foro do PLAMBE (foro a través do cal os/as mestres coordinadores/as das bibliotecas escolares incluidas no Plan de Mellora de Bibliotecas Escolares, colaboramos e coordinamos o noso traballo), do facelemento dunha das nosas compañeiras: Mª Dolores, coñecida por todos nós como "mdamt", coordinadora da biblioteca do IES LUIS SEOANE de Pontevedra.

Non tíñamos o pracer de coñecela persoalmente pero si a través da rede. Este ano tivemos o pracer de colaborar con ela no último traballo conxunto das Bibliotecas Escolares Galegas: SALVANDO LIBROS, do que foi unha das principais impulsoras e coordinadora.

Foise unha de nós. Unha amante dos libros, unha mestra loitadora e infatigábel, un exemplo para os que aquí quedamos loitando polas nosas bibliotecas e por acercar a cultura aos/ás nosos/as alumnos/as.

Vaia dende aquí o noso pequeno homenaxe.
Ata sempre, Mª Dolores.

Botaremoste de falta!

Angel Carracedo: o noso amigo máis premiado.

2011-07-26T09:58:00.000-07:00

O noso amigo Angel Carracedo non deixa de recibir premios e recoñecementos. Onte, Día do Apostolo recibiu a MEDALLA DE ORO DE GALICIA otorgada pola Xunta de Galicia por "situar o nome de Galicia nun dos lugares máis prestixiosos da ciencia en xeral e da medicina en particular, cunha ampla labor investigadora no campo da xenética, especilidade da que é pioneiro".

Pero isto non é todo. Estes días, Angel tamén foi galardonado co PREMIO FERNÁNDEZ LATORRE na súa 53ª edición en recoñecemento a súa "brillante traxectoria investigadora que fai del o científico con maior proxección internacional dos que traballan en Galicia". Además de convertir ao seu equipo en lider mundial en xenética forense, recoñécese tamén o seu afán renancentista da busca de coñecemento e da súa aplicación en beneficio da sociedade, que o fixo pioneiro no uso das novas tecnoloxías de identificación forense; e o carácter eminentemente divulgador dos seus escritos, que van desde publicacións nas principales revistas especializadas a artigos en medios de información xeral.

A pesar de todos estes recoñecementos, o noso amigo Angel segue sendo o mesmo home tranquilo e, sobre todo, humilde que nós coñecemos moi ben.

ANGEL!! Recibe a NORABOA de toda a comunidade educativa do C.E.I.P. VÍCTOR SÁENZ!! Esperamos outra visita túa no cole en canto teñas un ratiño libre!! Estamos ansiosos!!

GUIA DE LECTURAS VERÁN 2011

2011-06-16T12:31:00.000-07:00

Xa queda nada para o verán!!! Que ganiñas de praia temos, verdade?

Pois, ENTRE MAREA E MAREA,.... LECTURAS A MOREAS!!

Aquí tedes as Recomendacións de lecturas para o verán e lembrade ter sempre un bo libro a man!!

Open publication - Free publishing - More veran

GRAVACIÓN NA BIBLIOTECA

2011-06-16T12:27:00.000-07:00

Onte tivemos unha visita na nosa biblio!

Viñeron dunha productora de televisión a gravar a nosa biblioteca por encargo da Consellería de Educación.

Na gravación, participaron os alumnos e alumnas de sexto, todos eles Axudantes da biblio. Escollémolos porque tan só lles quedan uns días no cole e están un pouquiño tristes. Ademáis foron os que máis traballaron nela, neste curso cheo de obras e movemento dos fondos.

Xa saben que seguirá sendo a "SÚA BIBLIOTECA" e que poden volver a ela cando queiran. Nós esperarémolos sempre cos brazos abertos.

Ánimo rapaces! Agora comezades unha nova etapa nas vosas vidas e este vídeo que gravástedes será unha fermosa lembranza para nós e para vós.

COMUNICAMOS O APRENDIDO

2011-06-07T06:45:00.000-07:00

A última fase dun Proxecto Documental consiste en ser capaces de comunicar aos demais o que aprendimos.

Os nosos rapaces de Infantil, que estiveron traballando nun proxecto Documental sobre os golfiños, andan estes días moi ocupados visitando aos demais grupos do centro para explicarlles o que aprenderon sobre estes animais.

Cada día, na Hora de Ler, unha parella de rapaces de infantil preséntanse nunha clase e expoñen o seu traballo.
Aquí tedes un exemplo: Rubén de 5 anos e Paula de 3 anos explican o que saben sobre os golfiños.

O noso conto viaxeiro: "A historia da vaca Marela"

2011-06-04T05:45:00.000-07:00

Está claro que chegou a época de recoller os froitos dun longo curso de moito traballo, verdade?

Despois da chegada á biblioteca de todos os proxectos documentais nos que participou todo o alumnado do centro, agora chéganos outro traballo no que tamén participaron todos os nenos e nenas do colexio. Trátase dun conto, un CONTO VIAXEIRO.

A historia da vaca Marela é unha historia que se foi construíndo a medida que viaxaba por todas as aulas do noso cole. Naceu das mans dos máis pequenos do cole e rematou nas dos máis veterenos.

Pero os nosos rapaces non só son autores desta historia, senón tamén os ilustradores xa veredes.

Noraboa a todos por este fermoso traballo!!!

Lembrade está na biblio e podedes levalo prestado cando queirades.

Open publication - Free publishing - More conto viaxeiro

A INSOPORTABLE LEVEDADE DAS BIBLIOTECAS ESCOLARES GALEGAS

2011-06-01T03:11:00.000-07:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros QUEREMOS MANIFESTAR O SEGUINTE:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?

Asinado:

O colectivo de coordinadores e coordinadoras de bibliotecas escolares incluídas no Plan de mellora de Bibliotecas Escolares de Galicia.

Este escrito ten o apoio do CLAUSTRO de profesores e profesoras do CEIP VÍCTOR SÁENZ.

PROXECTO ATÚNS

2011-06-01T02:41:00.000-07:00

E aquí temos o último proxecto. Os alumnos de 4º decidíronse a investigar sobre OS ATÚNS. A súa investigación foi longa e moi fructífera. Traballaron un montón e agora amósannos orgullosos o seu traballo.

Aquí o tedes e lembrade que todos estes proxectos podedes consultalos na biblioteca.

Open publication - Free publishing - More atuns

PROXECTO POLBOS

2011-05-31T07:22:00.000-07:00

Adrián París ca axuda da profe Asun tamén quixo facer unha pequena investigación sobre OS POLBOS pois dende que visitou o acuario da Coruña quedou abraiado con estes animais tan particulares.

Pouco a pouco, a súa investigación foise facendo máis profunda pois íanlle xurdindo máis cuestións das que quería infomarse.

Así que o proxecto, ao final, é máis longo do que nun principio tiña pensado.

A ver se vos gusta....

Open publication - Free publishing - More mar

De seguro que agora estades pensando no polbo Paul..!!! A que sí??

PROXECTO TIBURÓNS

2011-05-31T07:20:00.000-07:00

En 2º curso encántanlles os tiburóns e decidiron que o seu Proxecto Documentais titularíase así: OS TIBURÓNS.
Puxéronse mans á obra e investigando, investigando... mirade que morea de cousas aprenderon destes animais que tanto medo nos dan !.

Eles son uns expertos, queredes selo vos tamén???

Pois lede o seu traballo con detenimendo e xa veredes cantas cousas ides aprender!

Open publication - Free publishing - More mar

PROXECTO BARCOS DE PESCA

2011-05-31T06:57:00.000-07:00

....E seguen chegando novos proxectos documentais á nosa biblio. Esta vez, tócalle o turno aos alumnos de 5º que levan un tempo investigando sobre os Barcos de Pesca e están documentadísimos.
Aquí vos deixamos o seu estupendo traballo.
Noraboa a todos!

Open publication - Free publishing - More mar

PROXECTO OS OFICIOS DO MAR

2011-05-29T01:33:00.000-07:00

E seguen chegando a nosa biblio os proxectos de investigación de todas as clases.

Agora tócalle o turno a uns verdadeiros currantes.

Os máis veteranos do cole, os rapaces e rapazas de 6º, dannos agora unha verdadeira lección sobre como se leva a cabo unha investigación documental.

Aquí tendes o seu magnífico traballo. Os que xa o lemos estamos seguros de que están sobradamente preparados para pasar á Secundaria sen ningún tipo de complexo.

No seu proxecto aprenderedes moitísimas cousas sobre OS OFICIOS DEDICADOS AO MAR: capitáns de barco, mariñeiros, redeiros, carpinteiros de ribeira, pescadores, mariscadores, fareiros, acuicultores, lonxeiros, conserveiros e mergulladores.

Mergulládevos no seu traballo xa veredes cantas cousas interesantes ides aprender!!!

Open publication - Free publishing - More mar

PROXECTO CABALIÑOS DE MAR

2011-05-29T01:02:00.000-07:00

En 1º temos uns verdadeiros expertos en CABALIÑOS DE MAR.

Levaron a cabo unha laboriosa investigación sobre estes fermosos animaliños que viven no mar e que lles chamaban moito á atención. Son animais moi curiosos xa veredes.

Os nosos pequenos investigadores explícanvos neste fermoso traballo cal foi o proceso que seguiron para recoller a información e para elaborar este dossier.

Podedes consultalo aquí pero lembrade que estará dispoñible na nosa biblioteca.

Open publication - Free publishing - More mar

PROXECTO PIRATAS

2011-05-28T16:19:00.000-07:00

AO ABORDAXEEEEEEEEEEEEEEEE!! Chegan OS PIRATAS de terceiro!!!!

Os rapaces e rapazas de 3º levan tempo investigando sobre os piratas.

Queredes saber quenes eran?? Que aspecto tiñan? Como era a súa vida a bordo? Como era un barco pirata? Como abordaban os barcos e roubaban os seus tesouros??...

Pois aquí tedes toda información que andabades a buscar sobre eles. Consultade o libro que acaban de editar os alumnos de 3º.

Noraboa rapaces!! Un bo traballo!!

Open publication - Free publishing - More mar

PROXECTO GOLFIÑO

2011-05-26T08:30:00.000-07:00

Os alumnos de Infantil levan varios meses investigando sobre OS GOLFIÑOS. Recolleron unha chea de información, seleccionáronna e con ela elaboraron e editaron un fermoso libro que a partir de agora estará dispoñible para todos vos na biblioteca. Queredes ver o seu traballo??? Pois aquí o tedes:

Open publication - Free publishing - More delfines

A partir de hoxe os seus autores irán por todas as clases a explicarvos todo o que eles aprenderon sobre os golfiños. Xa veredes!! Son uns auténticos expertos en Golfiños!!!!

XA TEMOS LISTA A NOSA GUÍA DE USUARIOS

2011-05-26T07:02:00.000-07:00

Para que coñezades ben os servizos que ofrece a nosa biblioteca e para que vos movades por ela sen dificultade, aquí tedes a nosa Guia de Usuarios.

Open publication - Free publishing - More biblioteca

Rapaces, rapazas, papás, mamás, profes, "profas" e todo aquel ou aquela que a queira! Lembrade se a que podedes pedila en papel na nosa biblio!

DÍA DAS LETRAS GALEGAS

2011-05-22T16:22:00.000-07:00

O mércores 18 o noso alumnado desprazouse á Casa de Cultura da Picota para celebrar a entrega de premios do Certame Literario organizado para conmemorar o DÍA DAS LETRAS GALEGAS 2011.

Alí todos disfrutaron da actuación do grupo musical OS TRES TENEDORES.

E logo por fin, chegaron os premios. No noso cole tivemos tres premiados: Rubén de Infantil, Dani de 3ºe Martín de 5º. Aquí están os premiados cos coordinadores dos Equipos de Dinamización da Lingua Galega dos tres centros do concello. Noraboa a todos!!!

EXPOSICIÓN DE BARCOS NO NOSO COLE

2011-05-22T15:20:00.000-07:00

Ola a todos!!!

Gústanvos os barcos??? Aquí tedes as imaxes da exposición de maquetas de barcos que temos estes días no noso colexio. Levamos todo o curso traballando o tema do mar e conseguimos que nos deixaran estas preciosas maquetas para que toda a comunidade educativa as poida disfrutar. Cal vos gusta máis?

EMPEZAMOS O DÍA CUN POUQUIÑO DE MÚSICA

2011-05-17T23:20:00.000-07:00

Ola rapaces!!!

Hoxe madruguei para deixarvos un regaliño fermoso!! Mirade este vídeo. Aposto a que vos vai a encantar. Trátase dun cuarteto de corda polaco que se chama MOZART GROUP e que traballan coa música clásica de un xeito moi divertido. Veredes como o pasedes pipa con eles!!!

Disfrutádeos!!

Rosiña

DÍA DAS LETRAS GALEGAS 2011: SALVANDO AS NOSAS LETRAS

2011-05-17T12:49:00.000-07:00

Hoxe estamos de festa: cebramos o DÍA DAS LETRA GALEGAS. Este ano está dedicado a Lois Pereiro. Levamos xa uns días celebrando estas datas e mañá iremos ao Centro Sociocultural da Picota para a entraga de premios do Certame Literario organizado polos Equipos de Normalización dos tres centros educativos do Concello de Mazaricos. Teremos algún gañador??? Que nervios!!! verdade??

Este curso, entre os centros intregrados no PLAMBE, xurdiu esta fermosa iniciativa co motivo da celebración do Día das Letras Galegas.

Este curso, co motivo desta celebración, entre os centros educativos intregrados no PLAMBE, xurdiu unha iniciativa fermosa chamada "SALVANDO AS NOSAS LETRAS"

Consistía en escoller un libro, escrito na nosa lingua, que cada centro salvaría da destrución, tentando emular o que ocorría na obra cinematográfica de Ray Bradbury, "Fahrenheit 451".

Con esta actividade preténmos difundir a idea de que é imposible destruír a nosa literatura e os valores que se transmite se somos quen de conseguir que forme parte de nós para sempre.

O noso cole participou nesta inciativa e queremos darvos a coñecer neste día tan especial, este precioso traballo, cheo de simbolismo, que pon en valor a nosa literatura e que une esforzos a prol das nosas letras e da nosa cultura.

Os nosos parabéns a todos os centros que participaron connosco neste traballo e sobre todo a Xarela (Escola Unitaria de Vide) e a Mª Dolores (IES Luis Seoane de Pontevedra), as mestras que recolleron o traballo de todos os colexios, a Jaime Eizaguirre que deseñou os carteis e a todas aquelas outras persoas que, desinteresadamente, colaboraron, organizaron e coordinaron, conseguindo este espléndido resultado.

Estes son os libros "salvados" polos centros na etapa de Educación Infantil:

E estes, os libros "salvados" polos centros na etapa de Educación Primaria:

E esta é a escolma de libros "salvados" polos centros na etapa de Educación Secundaria. Tamén se inclúen os libros "salvados" por Persoeiros da Cultura Galega.

Bueno, e xa para rematar, por hoxe claro, imosvos deixar cun pouquiño de música. Trátase dunha versión do tema "Ti es dos meus" realizada polos alumnos/as de música de 2º de Bacharalato do IES Salvaterra do Miño para participar na iniciativa do Galego Lab (http://www.galegolab.org/) "Agasallo sincronizado para o mundo. Un saúdo para eles dende aquí.

DEBUXANDO CON ABRAHAM CARREIRO

2011-05-17T12:24:00.000-07:00

O martes 10 recibimos na biblio a visita do ilustrador vigués ABRAHAM CARREIRO, dentro das actividades dirixidas á promoción da lectura e da creatividade. Abraham debuxou aos personaxes dos seus libros e logo deunos unha pequena clase de debuxo na que nos falou de como se deseña un personaxe, das expresións corporais, das expresións faciais e de todo o que ten que ver co proceso de ilustración dun libro.

Ainda que os nosos rapaces e rapazas se fartaron de facerlle preguntas sobre o seu traballo, si pinchades AQUÍ podedes ler, unha entrevista que lle fixeron os rapaces doutro colexio e AQUÍ outra máis

Abraham tamén nos deuxou os seus debuxos firmados e dedicados para o noso cole e por suposto firmou moitos autógrafos aos rapaces e rapazas máis interesados. Incluso se prestou a debuxar á nosa Rosiña.

Aquí tedes o resumo en imaxes da súa visita.

HOXE SAÍMOS NA VOZ DE GALICIA

2011-05-10T09:57:00.000-07:00

Por fín, hoxe sacaron a noticia da inauguración na Voz de Galicia. Pinchade na imaxe se queredes lela.

Xa por último e para acabar de pasar páxina no tema da inauguración, aquí tedes un Resumo Fotográfico cun pouquiño de música. Esperamos que vos guste.

Queremos dar as grazas desde aquí ao noso xefe de estudos, David, por renunciar a disfrutar do momento e realizar esta bonita reportaxe fotográfica.

LETRAS GALEGAS 2001: LOIS PEREIRO

2011-05-09T06:12:00.000-07:00

Como ben sabedes, este ano o Día das Letras Galegas está adicado ao poeta Lois Pereiro. No Equipo de Biblioteca estivemos recompilando unha chea de recursos para traballar nas aulas. Pincha no debuxo para acceder a eles.

Tamén atoparás un acceso permanente a esta páxina no menú de navegación do panel lateral.

Sacádelle todo o partido que poidades ás actividades e disfrutade dos vídeos.

CHARLA DE ANGEL CARRACEDO SOBRE O FONDO MARIÑO PARA O ALUMNADO

2011-05-09T05:44:00.000-07:00

Para rematar este día tan importante para nós, D. Ángel Carracedo ofreceu unha charla na biblioteca para os nenos e nenas de Infantil e Primaria, na que proxectou diapositivas feitas por el mesmo do fondo mariño, pois este curso estamos traballando nun proxecto interdisciplinar sobre o mar como tema central. Angel é un gran apaixonado do mar e un experto mergullador. E así, entre preguntas inxeniosas e caras de asombro dos nenos contemplar esas marabillosas fotografías, e ante as cariñosas explicacións do noso persoeiro, rematou un día tan intenso como emocionante.

VÍDEO 1

VÍDEO 2

VÍDEO 3

VÍDEO 4

VÍDEO 5

CHARLA DE D. ANGEL CARRACEDO SOBRE OS SEUS TRABALLOS DE INVESTIGACIÓN

2011-05-08T23:16:00.000-07:00

Despois de inaugurar a nosa biblioteca D. Angel Carracedo tivo a ben ofrecernos unha charla para os adultos (mentres os rapaces comían) na que falou dos seus actuais traballos de investigación xenética centrados nos campos da Xustiza e da Medicina Clínica. Os asistentes quedamos abraiados escoitando como un científico con tanto prestixio internacional era capaz de explicar o seu traballo cunhas palabras tan sinxelas que todos eramos capaces de comprender deixándonos a todos a sensación de querer estar escotándoo todo o día!!

Como sabemos que foi moita a xente que quería estar connosco este día e escoitar a Angel pero as súas responsabilidades laborales llo impediron, co permiso do Dr. Carracedo, aquí tedes os vídeos da súa charla.

1ª PARTE

2ª PARTE

3ª PARTE

4ª PARTE

ACTO DE INAUGURACIÓN DA NOSA BIBLIOTECA

2011-05-08T14:47:00.000-07:00

Queríamos compartir con todos vos este acto tan importante para a nosa comunidade educativa e agradecervos outra vez a todos os que contribuistes co voso graniño de area a que o noso soño se fixese realidade. Aquí vai a nosa crónica:

Mércores 4 de maio

10:00 Comeza a xornada lectiva e estamos todos nerviosísimos.

11:20 Chega o noso Inspector D. Eduardo Fernández e mantemos unha pequena reunión con el.

11:30 Chega D. Angel María Carracedo o noso invitado máis especial.

12:20 Comezan a chegar os invitados.

12:45 Os rapaces trasládanse á biblioteca. Os adultos esperan fora.

12:50 Comeza o acto coa actuación:
Raúl Paris (6º curso) comeza a tocar a gaita. Despois dos aplausos e cando comeza a interpretar o seu segundo tema os asistentes adultos comezan a entrar na biblioteca. Seguidamente, a tamén alumna 6º curso Araceli Nieto canta o tema "Alecrín" á capela. O público emociónase e aplaude.

A continuación, Julia Pereira, alumna de 2º curso, da lectura a un poema de Pablo Albo.

Despois dos aplausos dos asistentes, o noso director D. José Javier Sánchez iniciou o seu discurso no que agradeceu a asistencia de todos os presentes e a labor de todos aqueles que fixeron que esta biblioteca chegara a ser o que é hoxe en día.

O noso Inspector D. Eduardo Fernández tamén quixo contribuir cunhas palabras nas valorou o gran esforzo realizado pola nosa Comunidade Educativa e destacou a importancia de biblioteca como centro neurálxico do colexio. Quixo tamén desculpar a presencia da Xefa Territorial e do Inspector Xefe que non puideron estar connosco moi ao seu pesar.

Tocáballe a quenda ao gran progragonista do día, D. Angel Mª Carracedo Álvarez, recoñecido xenetista, investigador e catedrático de Medicina Legala da U.S.C. que nos ofreceu un discurso tan cercano que nos emocionou dun xeito intenso. Ademáis anunciounos que donaría a nosa biblioteca un lote de libros infantis da súa biblioteca persoal.

A continuación descubriu unha placa conmemorativa e Rubén de Infantil de 5 anos fíxolle entrega dun agasallo do centro, que lle fixo moita ilusión. A continuación, e para rematar o acto, D. Ángel firmou no Libro de visitas da nosa biblioteca quedando así inmortalizado o seu paso polo noso centro.

No noso Libro de visitas firmaron tamén algunhas outras persoas importantes para nós que se deron cita neste evento.

O MÉRCORES 4 INAUGURAMOS A NOSA BIBLIO

2011-05-01T23:32:00.000-07:00

Ola a todos e todas!!!
Son Rosiña e quero darvos unha noticia moi importante!!!

O mércores día 4 imos celebrar a INAUGURACIÓN DA NOSA BIBLIO.

Ás 12:45 tendes que estar todos preparados/as pois imos recibir á visita dunha persoa moi importante.
Chámase ANGEL MARÍA CARRACEDO ALVAREZe é un dos xenetistas máis importantes do noso pais.

Ten unha chea de títulos. Mirade para aquí:

-Catedrático de Medicina Legal de la Universidad de Santiago de Compostela

-Director do Instituto de Medicina Legal

-Director da Fundación Pública Galega de Medicina Xenómica

-Director do Centro Nacional de Genotipado

-Presidente da Sociedade Internacional de Xenética Forense

E tamén lle deron premios tan importantes como:

-Premio Rey Jaime I en Investigación Médica

-Premio Galien 2010 á mellor labor investigadora

Pois este señor tan importante que sempre está investigando e viaxando por medio mundo decidiu que a nosa biblio tamén era importante e quixo vir a celebrar connosco a súa Inauguración. Ademais aproveitaremos para que nos conte cousas do seu traballo e tamén sobre o tema do noso proxecto deste ano: o mar. Ao Dr. Carracedo encántalle o mar e quere compartir connosco os seus coñecementos.

También lle dará unha charla a todos os adultos que se queiran acercar para escoitalo (á 13:30): mestres, pais, veciños e demás invitados.

Tamén contaremos coa visita de algunhas Autoridades (persoeiros da Consellería de Educación e do Concello) e de outros invitados.

Estou un pouquiño nerviosa e superemocionada!!!!

LEMBRADE ESTADES TODOS INVITADOS Á FESTA!!!

Rosiña

CONTACONTOS IAGO

2011-05-01T23:07:00.000-07:00

O mércores 27, dentro das actividades organizadas para celebrar a conmemoriación do DÍA DO LIBRO recibimos de novo na biblio a visita do CONTACONTOS IAGO LÓPEZ (por xentileza da Editorial Xerais). Cargado co "seu cubo máxico" de onde sempre saca unha historia preparada para atraparnos, Iago volveu a engaiolarnos cas aventuras dunha nena chamada Alba. Queredes velas fotos??

XA TEMOS ITINERARIO LECTOR

2011-05-01T13:26:00.000-07:00

Por fin xa temos elaborado o noso ITINERARIO LECTOR:

E vos preguntarédesvos: Que iso do Itinerario Lector???

Pois ben, tratáse dunha selección de libros axeitados para cada nivel de idade, escollidos con criterios de calidade e en función de obxectivos recollidos no noso Proxecto Lector de Centro. Ten como obxectivo favorecer a adquisición da competencia lectora do alumnado.

En resumo, son os libros “que non queremos que se perda o noso alumnado”.
O listado é aberto, flexible e revisable, para acoller novidades de interese e lecturas “xeracionais” , ao tempo que retirar títulos que non funcionan.

Open publication - Free publishing

CONMEMORACIÓN DÍA DO LIBRO

2011-04-26T23:10:00.000-07:00

Ola rapaces!!! Xa estamos de volta!!! Que tal de vacacións!!! De seguro que as aproveitastes ben, verdade?

Como ben sabedes o sábado 23 celebrouse o DÍA DO LIBRO e como caeu un día de vacacións non o poidemos celebrar no cole como se merece un día tan importante. Pero non importa, pois podemos celebralo durante toda esta semana.

Empezamos hoxe á tarde recibindo a visita do CONTACONTOS IAGO LÓPEZ por xentiliza da Editorial XERAIS.

Tamén vos deixamos aquí o acceso a nosa Recopilación de Recursos e actividades para empregar nas aulas nestas datas. De seguro que atopades o que andades buscando.

(Atoparas un acceso permanente a esta páxina no menú de navegación no panel lateral.)

E un regaliño máis. Este fermoso poema de Carlos Negro que é un agasallo seu para as Bibliotecas Escolares de Galicia no Día Mundial do Libro e dos Dereitos do Autor.

Unha illa de luz na xema dos dedos.

Uha porta sempre entreaberta.

Unha duna cara ao vento.

Unha nube sobre a herba.

Unha casa encantada.

Unha pousada no inferno.

Unha man e unha fouce.

Unha carapucha vermella.

Unha bufanda colorada.

Unha alfombra no ceo.

Unha pulga e o xigante.

Uha rosa e o cravo.

Unha serpe e a mazá.

A fonte e o cervo.

A flor da candea.

A fenda do espello.

A lúa na boca.

A tona do tempo.

A pedra e o canto.

A voz e o silencio.

O lugar da lectura.

ENCONTROS DO PLAN DE MELLORA DE BIBLIOTECAS ESCOLARES 2010/2011

2011-04-16T03:28:00.000-07:00

Celebránrose no Pazo de Congresos de Santiago de Compostela ENCONTROS DO PLAN DE MELLORA DE BIBLIOTECAS ESCOLARES 2010/2011 os días 7 e 8 de abril. A eles asistimos todos os coordinadores dos centros educativos incluidos neste Plan. Para nós, que somos novatos, era a primeira vez que acudiamos a estes encotnros e asistimos ambos días (o día 7 era só para os centros de nova incorporación coma nós).

Os encontros foron inaugurados polo Conselleiro de Educación, Jesús Vázquez.

Os xoves acudimos as seguintes ponencias:

"Bibliotecas escolares ¿para qué? Como facer da biblioteca algo imprescindible." A cargo de Monica Baró.
"Plan de mellora de bibliotecas escolares. Centros de nova incorporación" a cargo de Cristina Novoa e Pilar Sampedro.
"Proxecto Meiga. Posibilidades pedagóxicas." A cargo de Cesar Iglesias.
"Redes Sociais, Web 2.0 e bibliotecas escoalres. Recursos para a aprendizaxe." a cargo de José Antonio Cordón.
"A colección da biblioteca escolar entre interrogantes: Por qué, para qué, qué e cómo" a cargo de Luis Miguel Cencerrado.

O venres acudimos ás seguintes actividades:

"Avaliar para avanzar. Prácticas de autoevaluación na biblioteca escolar" a cargo de Teresa Mañá e Mónica Baró.
Presentaicón de experiencias en sesións simultáneas baixo o título "Literatura en imaxes. Cine e Banda Deseñada"
Xuntanzas por zonas de representantes dos centros para intercambiar experiencias e materiais.
"Libros e lectura na xente nova" a cargo do escritor Xosé Neira Vilas.

Dende a nosa biblio queremos dar as grazas a todas as persoas que fixeron posibles estes Encontros en especial a Pilar Sampedro e Cristina Novoa da Asesoría de Bibliotecas Escolares.

Os materias dos encontros, así como os vídeos pódense atopar AQUI entrando como convidado.

É DE BEN NACIDOS SER AGRADECIDOS

2011-04-16T02:59:00.001-07:00

Queríamos agradecer dende aquí a colaboración prestada pola Biblioteca de Bertamiráns (Ames) que además de prestarnos libros nos prestou gran parte da decoración relacionada coa temática do mar que agora mesmo luce a nosa biblio. Grazas en especial a Teresa.

Tamén temos que agracer a colaboración do CPI da Picota que tamén nos prestou unha morea de libros relacionados co mar e tamén libros para o noso Club de lectura. Grazas en especial a súa colaboradora Socorro.

E por último, grazas ao CEIP de Louro (Muros) por prestarnos libros para o Club de Lectura e tamén polo asesoramento da súa coordinadora, Carmela.

TACHAAAAAAAAAAAAAAAN!!!!! ESTA É A NOSA NOVA BIBLIO

2011-04-06T11:39:00.000-07:00

Ola a todos/as os/as que nos seguides! Despois duns meses de moitas negociacións, reformas e moito, moito traballo aqui tedes as primeiras imaxes oficiais da NOSA NOVA BIBLIO.

Dende aquí queremos agradecer a colaboración de todos os que fixeron posible que este soño se fixese realidade e ímolos enumerar a todos. Esperemos que non quede ninguén:

Consellería de Educación a través do PLAN DE MELLORA DE BIBLIOTECAS ESCOLARES.
Concello de Mazaricos
Pais e nais Colaboradores do Comedor do noso centro.
ANPA
Equipo Directivo
Claustro de profesores
Equipo de Biblioteca
Alumnado
Conserxe
Avós colaboradores
Mestres/as de prácticas de Maxisterio
Asesoría de Bibliotecas Escolares da Consellería de Educación
Foro colaborativo do PLAMBE

GRAZAS A TODOS POLA VOSA COLABORACIÓN E O VOSO ENTUSIASMO!!!

AS NORMAS DA NOSA BIBLIOTECA

2011-04-05T02:42:00.000-07:00

Aquí vos deixo as Normas da nosa biblio. Lédeas ben e lembrádeas porque a biblio é un recuncho moi especial do noso cole, onde nos gusta estar a todos e por iso temos que coidala e saber como comportarnos.

Firmado

Rosiña

Open publication - Free publishing

CANTOS CONTOS CONTAS TI?

2011-04-03T07:55:00.000-07:00

Desde o 11 de marzo, rapaces e rapazas de 4º, 5º e 6º están baixando a Infantil a lerlles contos aos máis pequerrechos do centro na Hora de ler.

Trátase dunha actividade totalmente voluntaria onde cada lector escolle a lectura que lle gusta e preparaa para agasallar aos máis pequenos.

Xa fixemos unha primeira ronda e á maioría do lectores gustoulles tanto a experiencia que queren repetir. Así que próximamente atoparás máis imaxes sobre esta experiencia.

XA TEMOS CLUB DE LECTURA

2011-04-02T12:18:00.001-07:00

O venres 1 de abril constituiuse, na nosa biblio, o primeiro Club de Lectura do noso centro.

Está integrado por todos os alumnos de 6º curso xunto con 3 de 5º. E xa teñen un nome.

Chámanse OS XURELOS LECTORES. Aquí tedes o seu logo. Se pinchades sobre el poderedes acceder ao blogue do Club de lectura e seguir os seus progresos.

Aínda non sabedes o que é un Club de Lectores? Pois podedes enterarvos ben lendo este boletín,

E agora podedes ver as imaxes da primeira reunión do Club de Lectura "Os Xurelos Lectores"

O SABOR DA AVENTURA ESTÁ NO MAR

2011-03-28T12:59:00.000-07:00

Mariña e Luís, unha cociñeira e un mariñeiro moi divertidos, estiveron hoxe no noso cole para presentarnos unha nova campaña da Consellería do Mar da Xunta de Galicia, O SABOR DA AVENTURA ESTÁ NO MAR , para fomentar o consumo de peixe fresco.

Na representación rimos moito e coñecimos a Os arroases, un grupo de nenos e nenas con poderes especiais, grazas a todo o peixe que comen. Queres ler o súa historia:

Open publication - Free publishing - More mar

Mariña e Luis centráronse especialmente en algunhas especies: o lirio, a troita, o xurelo, a sardiña, a pescada, o mexillón e o rodaballo e comentaronnos os principais nutrientes que nos aportan.

Podedes colorear aos seus personaxes ou xogar ao Xogo das preguntas.

Ao final déronnos uns regaliños a todos: unhas gorras moi chulas, moitas pegatinas e unhas unidades didácticas para os profes.

19 DE MARZO: DÍA DO PAI

2011-03-18T03:46:00.000-07:00

Hoxe celebramos o Día do Pai e queremos facelo como sempre: recomendándovos algunhas lecturas:

Podemos empezar cun fermoso libro da fotógrafa francesa Anna Lauprête. Titúlase Papás del mundo (Editorial La Galera) e trátase de un viaxe polos cinco continentes a través de imáxenes de gran beleza para demostrarnos que a paternidade e os sentimentos polos fillos non entenden de fronteiras e están por enriba de calquera outra diferenza xeográfica, económica ou cultural. Disfrutade das numerosas imáxenes que nos falan de como os pais sempre se preocupan por os seus fillos en todos os recunchos do planeta. Pais e fillos amósannos a súa cultura, as súas costumes, a súa forma de vestir... a través dunhas fotografías espectaculares.

A ver quen non pensa que ten o mellor pai do mundo!!!
Para os máis pequenos recomendámosvos o libro Meu pai é estupendo de Nick Butterworth publicado pola Editorial Xerais de Galicia. De seguro vos vai encantar.

A Editorial Corimbo ten publicado outro libro que de seguro vos vai interesar. Chámase Catálogo de padres para niños que quieran cambiarlos escrito por Claude Ponte .

Todos dexesamos, nalgún momento da nosa infancia, cambiar de pais por calquer motivo, así que agora tedes a oportunidade de facer realidade os vosos desexos de cambio si é que atopades neste extenso catálogo algún que sexa do voso agrado. Ánimo!! Que teñas sorte e atopes o que che guste!

Na Editorial Edelvives atopamos tamén outro fermoso libro titulado Un papá a la medida escrito por David Calí e ilustrado por Anna Laura Cantone. Nai e filla queren atopar un papá á medida e para elo deciden poñer un anuncio no xornal. Pero este conto tamén o podes ver en vídeo co teu pai.

Un papá a la medida from Los Animantes on Vimeo.
E xa para rematar algúns debuxiños para colorear ou para inspirarvos na elaboracións de regaliños para os vosos papás.

Galería 1 Galería 2 Galería 3

LIPDUP DO IES FONTEM ALBEI DA FONSAGRADA

2011-03-17T15:51:00.000-07:00

Aquí temos o primeiro Lipdup das Bibliotecas Escolares Galegas.

O Equipo de Dinamización da Biblioteca do IES FONTEM ALBEI, contando coa colaboración do alumnado e profesorado do centro, intervén na construcción da seguinte historia: Un libro esquecido enriba dun contenedor de lixo, despois de ser atopado por unha persoa, inicia un periplo viaxeiro polas distintas dependencias do centro ata chegar á Biblioteca, o seu sitio natural. De paso repasamos a C.D.U (Clasificación Decimal Universal) asociando imaxes, números e cores, o que se chama formación de usuarios.

Vaía dende aquí a nosa noraboa!!

EXPOSICIÓN O PATRIMONIO MARÍTIMO DE GALICIA

2011-03-16T03:26:00.001-07:00

Chegou ao noso cole a exposición "O patrimonio marítimo de Galicia" propiedade do C.E.I.D.A. (Centro de Extensión Universitaria e Divulgación Ambiental de Galicia). Estará no noso cole dende o 10 ao 23 de marzo. Esta exposición, que foi producida pola Federación galega pola Cultura Marítima e Fluvial, quere facernos reflexionar sobre a urxente necesidade de conservación do rico e inmeso patrimonio cultural, histórico, arquitectónico, etnográfico,... que atesoura a nosa beiramar. DISFRUTÁDEA!!!

VISITA AO ACUARIO DA CORUÑA E A TORRE DE HÉRCULES

2011-03-14T23:28:00.001-07:00

O día 10 de febreiro todo o noso cole se desprazou a Coruña a visitar o Acuario e a Torre de Hércules nunha actividade programada dentro da Campaña da Campaña de Animación á lectura "Mergúllate nun mar de libros" na que estamos traballando este curso é que nos leva a traballar todo o que ten que ver co mar.

8 DE MARZO: DÍA INTERNACIONAL DA MULLER TRABALLADORA.

2011-03-08T10:40:00.000-08:00

Hoxe fai 100 anos que se celebrou por primeira vez o DÍA INTERNACIONAL DA MULLER TRABALLODORA.

Esta celebración tivo lugar en varios países europeos e reuniu a máis dun millón de mulleres que reclamaban, entre outras cousas, o seu dereito ao voto e a non ser discrinadas profesionalmente por razóns de xénero.

A editorial Anaya quixo render homenaxe ás mulleres coa publicación de estes dous libros:

-"Ellas hicieron historia" (a partir de 8 anos)
-" Mi primer libro sobre ellas" (a partir de 5 anos)
Ambos escritos por Marta Rivera de la Cruz e ilustrados por Cecilia Varela.

Nestos dous libros, Marta Rivera de la Cruz acercanos a unha serie de mulleres, algunhas moi coñecidas e outras inxustamente esquecidas, que xogaron un papel importante na loita por conseguir a igualdade de dereitos. Cunha linguaxe asequibel e unha prosa fluida, a autora mostranos o longo camiñoo que as mulleres iniciaron para que ninguén fose discriminado por razóns de xénero. Un camiño que aínda no está rematado e que, grazas a mulleres admirabels como as que protagonizan este libro, conduciranos a un mundo máis xusto.

Coñeceredes a mulleres da talla de: a Condesa de Benavente (ilustrada e amante das artes), Clara Campoamor (loitadora sufragista), María Moliner (pioneira universitaria), Maria Zambrano (filósofa), Matilde Montoya (primeira universitaria mejicana) Anäis Napoleón (pioneira da fotografía en España), María Guerrero (actriz recoñecida internacionalmente) ou a nosa Rosalía de Castro, escritora.

A Editorial Thule proponnos un fermoso album ilustrado: ¿Hay algo máis aburrido que ser un princesa rosa? da ilustradora sevillana Raquel Díaz.

Contanos a historia de Rosa, unha pequena princesa inconformista que soña con outra realidade distinta á que lle ven dada pola tradición dos contos.

Edicións Embora publica O país dos mandóns de Paloma Rodríguez e Cristina Justo. No País dos Mandóns uns cantos mandan sobre o resto e non permiten que as nenas, as mamás ou as avoas, xoguen, saian ou traballen fóra das súas casas. O cambio destas normas tan inxustas para crear o novo país da igualdade conmemórase o día internacional das mulleres.

A Editorial Kalandraka publicou O libro dos porcos, un fantástico álbum ilustrado que nos presenta unha nai como tantas, cun home e uns fillos que, compracidos e esixentes, estomballados no sofá, teiman en convertela cada día nun ser invisíbel e sen rostro que traballa sen descanso. Ata que decide marchar. Disfrutádeo!!!

O libro dos porcos from bibliotecavictorsaenz on Vimeo.

OS NOSOS AXUDANTES DE BIBLIOTECA

2011-02-28T06:23:00.000-08:00

O venres 19 aqueles alumnos de 5º e 6º que voluntariamente querían ser axudantes de biblioteca tiveron unha reunión coas profes de biblio para coñecer cales eran as súas funcións e firmar un contrato de axudantes como os dos de verdade.

Aquí os tede a todos. En cada recreo (o da mañá e o do mediodía) haberá dous axudantes de garda todos os días que identificaredes polos seus vistosos chalecos.

Eles son agora os encargados de que todos cumplamos as normas da biblioteca.

ENTREGA DE PREMIOS CONCURSOS SAN VALENTÍN

2011-02-25T11:28:00.000-08:00

Hoxe entregáronse os premios aos gañadores dos concursos convocados polo San Valentin.

Aquí tedes aos flamantes gañadores cos seus correspondientes premios.

Eles son:

Lucía Castiñeiras de 6º curso
(Gañadora do Concurso Declaracións de Amor con Humor).

Daniel Antelo de 3º curso

(Gañador do Concurso de debuxo "E ti, a quen queres máis?")

Andrea Lavandeira de Educ. Infantil 5 anos

(Accesit no Concurso de debuxo " E ti, a quen queres máis?")

1º CONCURSO DE DECLARACIÓNS DE AMOR CON HUMOR SAN VALENTIN 2001

2011-02-24T23:51:00.000-08:00

Estas son as declaracións dos alumnos e alumnas participantes no 1º Concurso de Declaracións de Amor con Humor San Valentín 2001. Pertencen a alumnado de 4º, 5º e 6º.

Quen gañará?

Open publication - Free publishing - More namorados

!º CONCURSO DE DEBUXO " E TI, A QUEN QUERES MÁIS? SAN VALENTÍN 2011

2011-02-24T03:44:00.000-08:00

Estes son os debuxos dos alumnos e alumnas participantes no I Concurso de Debuxo "E ti, a quen queres máis" San Valentín 2011. Todos eles son alumnos de Infantil, 1º, 2º e 3º de Primaria.

RECURSOS PARA O ENTROIDO

2011-02-21T12:49:00.000-08:00

Dende a Coordinadora Galega de Equipos de Normalización e Dinamización Lingüística envíannos esta interesante enlace cheo de recursos para o Entroido (pincha no peliqueiro).

O Equipo de Biblioteca do noso centro agradécelles que compartan connosco estes recursos e tamén a mención que nos fan na súa páxina.

E dende o noso blogue amigo O Recanto de Mik do C.E.I.P. Mestres Goldar de Vigo, chéganos outra das súas proveitosas recolleitas de recursos esta vez sobre o Entroido. (Pincha onde o paiaso). Grazas polo voso traballo.

E para acabar un regaliño. Esta fermosa ilustración de Armando Salas: ilustrador galego nacido en 1946 en Santa Marta de Ortigueira. Fermosa verdade??? De seguro que vos inspira para algún traballiño....

)

GUIA DE AXUDANTES DE BIBLIOTECA

2011-02-20T22:57:00.000-08:00

Aquí tendes a Guía dos Axudantes da nosa biblio.

Open publication - Free publishing

E tamén o CONTRATO que deben firmar para ser AXUDANTES.

Open publication - Free publishing

BUSCAMOS AXUDANTES DE BIBLIOTECA

2011-02-16T15:06:00.001-08:00

Preme aquí para abrir a SOLICITUDE

LECTURAS CON CORAZÓN

2011-02-11T12:15:00.000-08:00

E aquí tedes a nosa Guía de lecturas do San Valentín. Chámase LECTURAS CON CORAZÓN.

Open publication - Free publishing - More namorados

Agora tan só falta que elixades o voso libro máis e que o disfrutedes con todo o corazón.

UN POLBO NAMORADO

2011-02-11T11:53:00.000-08:00

Como estamos a traballar o tema do Mar, na biblio onte fomonos todos a visitar o ACUARIO DA CORUÑA e algúns dos nosos rapaces din que viron un polbo que andaba un pouco nervioso. Estaría namorado???.

Será este o polbo que vístedes??

CONCURSOS POR SAN VALENTÍN

2011-02-11T11:23:00.000-08:00

Dende o C.P.I. da Baña chegounos a idea de organizar uns concursos por San Valentín.

O concurso "E ti, a quen queres máis? está dirixido aos nenos e nenas de Educación Infantil e 1º, 2º e 3º de Primaria. É un concurso de debuxo así que xa sabedes rapaces!!! Manos á obra!!! A ver cantos Picasos temos en San Cosme.

O Concurso "Declaracións de amor con Humor" está dirixado aos alumnos e alumnas de 4º, 5º e 6º de Primaria. Aquí xa hai que esmerarse coa literatura. Teremos algún Lope de Vega por San Cosme?? Ímolo ver. Veña rapaces pensade en quen vai a ser a vosa inspiración!!!

EXPOSICIÓN DE LIBROS PARA NAMORAR

2011-02-10T23:16:00.000-08:00

Andiven e remexer pola nosa biblio e escollín estes libros tan espeiciais, que dende fai uns días xa, puxen á vosa disposición para celebrar o Día dos Namorados. Cal é o teu preferido???

Firmado

Rosiña

AMORES E MÁIS AMORES

2011-02-09T11:34:00.000-08:00

Rosiña quere que coñezades tamén estas outras historias de amor.

Unha historia curta de amor en stop motion.

Os amantes Mariposa.

"Madame Butterfly" (Puccini)

AMOR NA BIBLIOTECA

2011-02-08T13:31:00.000-08:00

Rosiña anda algo namorada dun porquiño que sae moito na tele.

Vos coñecédelo???

É tan "juapoooooo"!!!! E sempre vai tan eleganteeee!!!

Rosiña está tan namorada que non fai outra cousa que ler historias e poemas de amor...

Atopou este poema que lle encantou. Titúlase "Amor en la biblioteca" e é de Liliana Cinetto.

Rosiña quere dedicarllo a todos aqueles que andades un pouquiño namorados!!!!

CELEBRACIÓN DO DÍA DA PAZ

2011-02-06T12:18:00.001-08:00

O venres 28 pola tarde celebramos no noso cole o DÍA DA PAZ. Saímos ao patio (ao cuberto porque chovía) e alí colocámonos todos nunha roda.

Os rapaces e rapazas de diferentes idades leron textos que eles mesmos escolleran para lembrarnos do que significa a Paz para todos nós.

Tamén cantamos e bailamos a canción "Rio Verde" do disco recopilación Para cantar e bailar de Luis Prego. Para finalizar o acto soltamos unhas pombiñas que nos trouxo Rosiña dende Noia.

O mércores 2 tivemos o pracer de recibir unha visita moi especial. Trátase do pallaso Peter Punk. Os nosos rapaces xa o coñecían. Pero esta vez, non viña a facer de pallaso senón que viña como Isaac Fernández que así se chama realmente.

Isaac pertence a o colectivo galego "Pallasos en rebeldía" e veu a presentarnos un DOCUMENTAL titulado "Mashi trasi que trasi" que elaboraron sobre a súa viaxe a Palestina. En abril de 2008 iniciaron unha "caravana de pallasos a Palestina" que tiña como misión derrivar o Muro da Vergoña coa única forza da risa. Risa que levaban agochada en obradoiros de risoterapia, formación en técnicas clown para os integrantes do circo palestino e actuacións para nenos e nenas.

Durante 15 días un sinfín de emocións rodearon esta expedición: un millar de persoas, principalmente nenos, adolescentes e mulleres maltratadas poideron olvidar por un tempo o seu sufrimento e disfrutar da súa dignidade rindo cos pallasos.

Este documental recibiu o Premio do Público na última edición de Amal o Festival de cine Euroárabe de Santiago.

Aquí vos deixamos o trailer:

O seu seguinte obxectivo é celebrar o FESTICLOWN en Palestina. Todos nós imos apoiarvos e enviárvos os nosos ánimos. Se queres realizar unha aportación pincha no enlace.

Gracias Isaac.

BOLECHÍZATE

2011-02-06T12:16:00.000-08:00

O venres 28 de xaneiro os nosos cativos acudiron á Casa da Cultura da Picota a ver o divertido espectáculo infantil "OS BOLECHAS" da Compañía Caramuxo. Trátase dunha comedia musical con monicreques destes famosos personaxes dos libros de Pepe Carreiro. O espectáculo amosounos un día na vida desta divertida familia cas divertidas ocurrencias do pequeno Tatá, as travesuras de Chispa e as aventuras de Braulio e Sonia, das xemelgas Pili e Loli e de Carlos, o máis vello dos irmáns.
Pasámolo xenial!! Verdade rapaces???

Os máis veteranos do cole tamén disfrutaron cos Bolechas. Mirade Juanjo que ben o estaba pasando!!!

EXPOSICIÓN DE LITERATURA POLA PAZ

2011-01-26T14:26:00.001-08:00

Dende onte tamén tedes á vosa disposición unha selección de libros pola Paz. Libros fermosos con mensaxe importante. Disfrutade e aprendede moito coas súas historias!

Tamén temos unha exposición elaborada por unha das Asesoras de bibliotecas escolares da Consellería de Educación: Pilar Sampedro. Podedes vela máis de cerca pinchando aquí.

WANGARI E AS ÁRBORES DA PAZ

2011-01-26T12:39:00.000-08:00

Como xa queda menos para celebrar o DÍA DA PAZ queremos que disfrutedes dunha fermosa historia basada nun feito real. É a historia de Wangari Maatahi que recibiu o premio Nóbel no ano 2004 pola súa contribución á paz no mundo.

A traducción ao galego foi feita pola Escola Unitaria de Vide nas Neves. O noso agradecemento para eles dende aquí.

CHEGARON OS MOBLES DA CONSELLERÍA

2011-01-25T00:16:00.000-08:00

Antonte ás 3 da tarde chegou o mobiliario que nos enviou a Consellería. A gran maioría eran mobles para a nosa biblio. Ás 4:30 algúns profes estaban xa desembalando e colocando mobles.

Di o noso dire que nunca se desenbalara tan rápido o material que nos manda a Xunta. Algunha profe estaba tan emocionada que non quería marchar sen velos todos. Mandáronnos unha mesa para os ordenadores dos rapaces, outra para "as bibliotecarias", as cadeiras para estas mesas, un moble multimedia para os CDs e os DVDs, un revisteiro, catro estanterías e 4 colchonetas que nos cedeu o profe de Educ. Física.

Como os carpinteiros xa remataron de por a madeira no chan, e as paredes xa están pintadas comezamos a colocar os mobles dos que dispoñemos e por suposto tamén os libros.

Os libros deben estar xa un pouco mareados de tanto paseo. A literatura, por fin, volve estar no seu sitio.

Este é o moble multimedia. É chulo eh???

Pero aínda hai moitos libros polo chan. Imos con paciencia pero traballando sen parar.

O avó de Paula volveu a botarnos unha man para colocar as estanterías. Aquí o tedes con José en acción. Grazas Lino!!!

RECOMPILACIÓN DE RECURSOS PARA PAZ

2011-01-23T12:04:00.000-08:00

O día 30 de xaneiro celebraremos o DÍA ESCOLAR DA PAZ E A NON VIOLENCIA.

Aquí vos deixamos unha RECOMPILACIÓN DE RECURSOS para traballar a Educación para a Paz nas aulas.

Dende aquí queremos agradecer a xenerosidade de todos os centros educativos e institucións que permitiron a elaboración deste traballo a través da aportación desinteresada dos seus traballos.

Ao longo da semana levaremos actividades nas aulas pero tamén disfrutaremos de outras máis colectivas.

Rosiña ten preparada unha exposición de libros sobre este tema que vos van encantar.

Queremos agradecer tamén dende aquí a colaboración da Biblioteca Pública de Bertamiráns.

E aínda disfrutaremos de máis sorpresas que vos ten preparadas Rosiña !!!

TODOS A TRABALLAR

2011-01-20T12:23:00.000-08:00

A nosa biblioteca é de todos os membros da nosa comunidade educativa: profes, alumnos, pais e conserxe, así que todos temos que arrimar un pouquiño o ombreiro para que a súa transformación a converta no "NOSO RECUNCHO ESPECIAL".

Rosiña está traballando moito pero había tanto traballo que pediunos axuda a todos e alá estivemos todos botando unha man....

Tiñamos que mover TODOS OS LIBROS para a parte da biblio que xa ten a madeira posta para poder pintar e poñer a madeira na outra parte. Os rapaces e rapazas de 3º ciclo e os profes fixeron todo o traballo coa axuda de José o noso conserxe. Tivemos que inventarnos un sistema de numeración que elaboraron Juanjo, Raúl e Josiño polo cal os nenos e nenas acarrexaban os libros de forma ordenada e os mestres iban distribuindo nas estanterías e no chan para non descolocar a colección.

Tamén tivemos que tivemos que rascar unhas pegatinas moi antigas das ventás que nos deron moito traballo. Aquí temos a Noa e a Araceli concentradas no traballo.

Non pensabamos que tíñamos tantos libros. Cando están colocadiños nas súas baldas parece que son menos pero cando hai que acarretalos dun lugar para outro, ay!!! entón parecía que non íamos a rematar nunca. O peor era pensar que cando teñamos a outra parte pintada e ca madeira posta imos ter que movelos outra vez!!! As profes andan medio tolas !!! E os rapaces morren coa risa...!!!

Dende aquí tamén queremos agradecer a colaboración do avó de Paula que nos botou unha man coas estanterías cando veu a buscar a súa neta.